Jeremiah 17:4 - Zokam International Version

⁴ Na mawhna uh hangin kong piaksa gouluahna na taan ding uh hi. Note in ka hehna na tawhkuang uh a, kuangden ding ahi manin na theih ngei lohna uh gam na galte uh tungah sal kong suaksak ding hi."

LAISIENGTHOU CL Bible (BSI)

⁴ Tualeh nangma mama ka hing pieh na goutan na tangden nawn sih dinga, na thei ngailou gam ah nna ka hing semsah ding hi; aziehpen ka lungthahna mei kuong, akuong den dingin na hal kuongta uhi.”

Zo Bible

⁴ Noma’ bawlin kang piehsa na gouluo na tan ding vua, tuale keima in na thei ngai lo uh gam khatah na galte uh’ na semin kang koi ding hi, azieh pen keima’ lungthahna khu mei bangin kikuontaw-in a kuong zing ding hi.

Jeremiah 17:4 ပူးပေါင်းရင်းမြစ်များ

1 Kumpite 9:7

tua ciangin amaute ka piaksa leitang panin Israel ka khenkhia dinga ka Min dinga ka sianthosaksa hih biakinnpi kong nolh ding hi. Tua ciang mi khempeuh lakah Israel enghona le ciamnuihna kamin kizang ding hi.

2 Kumpite 25:21

Tua lai Hamath gam sung Riblah ah kumpipa in amaute a thatsak hi. Tua bangin ama gam pan Judah salin kikai hi.

Nehemiah 9:28

"Ahi hangin a tawl uh a dam ciangin nang muhna ah a hoih lo a sem kik zel uh hi. Tua ciangin a galte uh khut sungah amaute na pia-a a galte un amaute a uk hi. Nang tungah hong kiko leuleu uh ciangin van panin na za-a na khuatuahna-in amaute tam veipi na hukhia hi.

Isaiah 14:3

Note thuakna, buaigawpna le khelbawlgawpna panin TOPA in hong suahtaksak ni-in

Isaiah 30:33

Topheth a kibawlphat zawh sawt ta hi; tua in kumpipa adingin a baihsa a om ahi hi. Tua meikhukpi a thuk le a zai-a kibawl hi a, mei le sing a kicingtakin kikoihkhol hi; luiluang tawh a kibang kaat kuanglai TOPA husan a kitawhkuang ding hi.

Isaiah 5:25

Tua ahi ciangin TOPA hehna a mite langkhatah kuangin a khut vikto-a amaute a sattuk hi. Mual liante kiling a, misi luangte kongzinga nin lompi bang hi. Hizahta khit nangawnin a hehna dam nai lo lai-a, a khut a vikto lailai hi.

Isaiah 50:11

Ahi zongin tu-in, nomau mei vakin nomau meikuang a kidette aw, nomau tawhkuangsa mei - nomau meitang mahah pai-in kalsuan un. Ka khut pana na ngah ding uh hih ahi hi: Gawtna thuakin na lumsuk ding uh hi.

Isaiah 66:24

Tuateh amaute paikhia-in kei hong lehdo misiate luang a en ding uh hi; amaute than a si kei dinga, amaute mei zong mit loin mihing khempeuh in a kih ding uh hi," a ci hi.

Jeremiah 12:7

"Ka inn ka nusia-a ka gouluahte ka phiatmang ta hi; Ka it ka mite, tuanu galte khut sungah ka pia ding hi.

Jeremiah 15:14

Note langah a kuang ding ka hehna mei kitawh ding ahi manin, note theihlohna gamsung a khatah sila kong suaksak ding hi," hong ci hi.

Jeremiah 16:13

Tua ahi ciangin hih gam panin note le na pate un zong a theih ngei loh uh gam ah kong lawnkhia dinga, hong angvan nawn lo ding ka hi manin tua lai-ah sun le zanin pasian dangte’ na na sem ding uh hi,’ ci hi.

Jeremiah 18:23

Ahi hangin TOPA aw, kei thah hong sawmna khempeuh uh nang na thei hi. Amaute khialhna maisak kei inla amaute mawhna nang muhna panin phiatkhiatsak kei in; na mai-ah lawnthal inla na heh hun mahin thuaksak pah ek in.

Jeremiah 2:14

Mi nasem ding le sal dingin Israel a suak ahi hiam? Tua ahileh bang hangin galmat-a om ahi hiam?

Jeremiah 21:12

David innkuante aw, hih in TOPA gen ahi hi: "‘Zingsang simin thutangin thu khen unla, a nengniampa khut panin a kisutgawppa hukhia un; tua hi kei leh na bawlsa uh gitlohna hangin ka thangpaihna mei bangin kuang dinga kuamah in a sumit zo kei ding hi.

Jeremiah 22:28

Hih mipa, kuama deih loh beel kitamsa Jehoiachin hi lo ahi hiam? Bang hangin amah le a tate a theih lohna uh gamah kilawnkhia ahi hiam?

Jeremiah 5:19

Tuateh mite in, ‘Bang hangin TOPA eite Pasian in hihte khempeuh sem ahi hiam?’ ci-a hong dot uh ciangin note in, ‘Note in kei hong taisanin na gamua midangte’ pasiante’ na nasep uh bangin tu-in no gam lopi-ah midangte na na sem ding uh hi, ci-in na gen ding uh hi,’ ci hi.

Jeremiah 5:29

Hih thu hangin dan tuaksak lo ding ka hi hiam?" TOPA in cikhia hi. "Keimah mah in tua bang minam’ hih bangin phu ka lak ding mah hi lo ahi hiam?

Jeremiah 7:20

"Tua ahi ciangin Thupipen TOPA gen hih ahi hi: Ka hehna le ka thangpaihna hih muna mihing tung le ganhing tung, lolai-a singkungte le leilaka singgahte tungah ka sungkhia dinga kangin a kiphelh zo kei ding hi.

Tamlawhna 1:12

Hong tawnkha khempeuh aw, no adingin bangmah hilo ka hi hiam? En kawikawi unla mu un. TOPA in a hehluat laitak a kei hong bawlsiatna ka thuak bang thuakna a om ngei hiam?

Tamlawhna 5:2

Ka luah ka ngakte uh pemtate tungah tung khin a, ka innte uh gamdang mite in tang uh hi.

Ezekiel 21:31

Note tungah ka thangpaihna sungin ka hehluatna husa-in kong mut ding hi. Siatsakzia a siam, a cikzia lo mite tungah kong pia ding hi.

Ezekiel 7:24

Keimah in a gilo pen minamte hong kuansakin amaute inn ka sutsak ding hi. A thahatte uh kiphatsakna ka beisak dinga, a munsiangthote uh a kibuahsak ding hi.

Thupiakkikna 28:25

TOPA in na galte uh mai-ah note hong lelsak ding hi. Amau lam manawhin lam khat in na kuan uh hangin amau kiang pan lam sagihin na taikek ding uh a, leitung kumpi gamte khempeuh ah cikzethuai mahmah na suak ding uh hi.