Jeremiah 17:27 - Zokam International Version

²⁷ Ahi hangin ka thu hong mang loin Sabbath ni a siangtho-in na tan kei uh a, Sabbath ni-in Jerusalem kongpi tawnin van puasa in na pai teitei uh leh Jerusalem kongpite ah a kisumit thei lo mei ka tawhkuang dinga, tua in a kulh muanhuai a kangtum ding hi,’ ci in," hong ci hi.

LAISIENGTHOU CL Bible (BSI)

²⁷ Hinanleh Khawlni tang siengthou ding leh Jerusalem kulkotpite a, khawlni a van gih popum a lutlou dinga ka thu na manlou u’leh Jerusalem kulkotpite ah phelmit guollou mei ka ka tawkuong dinga, Jerusalem leeng inn huongsung leh a kotpite ka katumsah ding hi,” chiin, achi hi.

Zo Bible

²⁷ Ahi vangin Sabbath ni sienthosah ding le Sabbath ni-in Jerusalem tunkotte ah van puo-in lutpi lo ding hi, ci thute ah ka thu na man sih uleh keima in a tunkotte ah mei ka tawkuong ding hi; tua mei in Jerusalem kumpi innte katumin kiphel zo nawn lo ding hi, Topa in ei ci hi.

Jeremiah 17:27 ပူးပေါင်းရင်းမြစ်များ

2 Kumpite 22:17

Bang hang hiam cih leh amaute in kei hong taisanin pasian dangte tungah gimnamtui hal uh a, amau khuta a bawlsa uh milimte a-in kei hong phinin hong hehsak uh ahi manin hih mun tungah ka hehna kuang dinga a mit nawn kei ding hi,’ ci hi.

2 Kumpite 25:9

Amah in TOPA biakinnpi, kumpi-inn le Jerusalem a inn khempeuh mei-in a hal hi. Inn thupi peuhmah a haltum hi.

2 Khangthute 36:19

Amaute in Pasian biakinnpi hal uh a, Jerusalem kulh phelkhia-in; kumpi-inn khempeuh haltum uh a, tua lai-a na manpha peuhmah a susia uh hi.

Phatna-late 122:7

Na kulhte sungah lemna om henla na khuapi’ kulhpite sungah ngaihmuanna om ta hen," ci un.

Isaiah 1:20

ahi hangin hong langpanga nong lehdo uh leh namsau in hong nawmvalh ding hi," Ahang in, TOPA kam in a gensa ahi hi.

Isaiah 1:31

Mi thahatpa lee suak dinga ama nasep mei-ek suakin a nihin kangtum khawm dinga tua mei kuamah in a phelh zo kei ding hi," a ci hi.

Jeremiah 17:24

Ahi hangin note in ka thu nong man uh leh, TOPA in kong cihinah Sabbath ni-in hih khuapi kongpite ah van bangmah na tumpih kei ding uh a, Sabbath ni siangthotakin tangin tua ni-in bangmah na sem kei ding uh hi;

Jeremiah 17:4

Na mawhna uh hangin kong piaksa gouluahna na taan ding uh hi. Note in ka hehna na tawhkuang uh a, kuangden ding ahi manin na theih ngei lohna uh gam na galte uh tungah sal kong suaksak ding hi."

Jeremiah 18:1

Hih in TOPA tung pana Jeremiah tunga tung thu ahi hi:

Jeremiah 21:12

David innkuante aw, hih in TOPA gen ahi hi: "‘Zingsang simin thutangin thu khen unla, a nengniampa khut panin a kisutgawppa hukhia un; tua hi kei leh na bawlsa uh gitlohna hangin ka thangpaihna mei bangin kuang dinga kuamah in a sumit zo kei ding hi.

Jeremiah 21:14

Nangma sepsa tawh kituakin dan kong tuaksak ding hi, TOPA in cikhia hi. Na tulak uh mei in ka hal dinga, tua in note kimkota khempeuh a kangtummang ding hi,’ ci hi," a ci hi.

Jeremiah 22:5

Ahi hangin hih thupiakte a zuih kei uh leh TOPA kei le kei ka kiciam hi, hih kumpi’ inn a kisusia ding hi,’ ka ci hi," a ci hi.

Jeremiah 32:29

Hih Babylon khuapi a sim Babylon mite a sungah lutin mei-in hal ding uh a, a mite in kei hong hehsakna uh - innkhum tunga Baal ading gimnamtui a halnate uh le pasian dangte tungah dawntheih-a biakna a sunna uh innte tawh a haltum khawm ding uh hi.

Jeremiah 39:8

Babylon mite e in kumpi inn le khuamite innte halsak uh a, Jerusalem kulhte a phelkhiamang uh hi.

Jeremiah 44:16

"TOPA mina ko tungah nong thupuak ka ngai kei ding uh hi!

Jeremiah 49:27

"Damascus kulhte mei-in ka hal dinga; tua in Ben-Hadad kulh muanhuaite a hultum ding hi," a ci hi.

Jeremiah 52:13

Amah in TOPA biakinnpi kumpi inn le Jerusalem a innte khempeuh a haltum hi. Inn thupi peuhmah a haltum hi.

Jeremiah 6:17

Note hong vil ding mi ka koih a, ‘Pengkul aw ngai un!’ ka ci hi. Ahi hangin, ‘Ka ngai kei ding uh hi,’ na ci uh hi.

Jeremiah 7:20

"Tua ahi ciangin Thupipen TOPA gen hih ahi hi: Ka hehna le ka thangpaihna hih muna mihing tung le ganhing tung, lolai-a singkungte le leilaka singgahte tungah ka sungkhia dinga kangin a kiphelh zo kei ding hi.

Tamlawhna 2:6

Amah in huankhat bangin a tenna mun gamtul suaksak hi; amah in kikhopna mun a susia hi. TOPA in Zion, a kisehsa ama pawite le a Sabbath-te a mangngilhsak hi; a heh luatna hangin a kumpite le a siampite a thusim kei hi.

Tamlawhna 4:11

TOPA in a thangpaihna a vekin suahkhia ta hi, a heh luatna a sungkhia hi. Mei-in Zion hala a bulpite a kangtum hi.

Ezekiel 16:41

Na innte haltum ding uh a, numei tampite muhin dan hong tuaksak ding uh hi. Na kizuakna pan kong khawlsak dinga na itte sumin na guai nawn kei ding hi.

Ezekiel 21:15

Lungsim tuisuak nading le tampi a puk nadingin thahna a namsau, amaute kongpi khempeuh ah ka pangsak khin hi. Ehei! Khuaphia bangin kiteesak zalzal a, a go dingin a len cinten hi,

Ezekiel 21:3

tuanu tungah: ‘Hih in TOPA gen ahi hi: Nang langkhatah ka pang hi. Ka namsau a paai panin ka dok dinga, misia le mipha kong bantan khawm ding hi.

Ezekiel 22:8

A siangtho ka vante kithusim lo a, ka Sabbath-te kitang lo hi.

Ezekiel 23:38

A maute in hong hici bawl uh hi: Tua hun mahin ka munsiangtho ninsak uh a, ka Sabbath-te a tang kei uh hi.

Hosea 8:14

Israel in amah a Bawlpa mangngilh hi; kumpi-inn a lam hi. Judah in khuapi neu tampi kulhin a um hi. Ahi hangin a khuapite uh tungah mei ka sawl dinga, a kulh muanhuaite uh tua in a kang tum ding hi," a ci hi.

Amos 1:10

Tyre kulhte ah mei ka sawl dinga a mun muanhuaite a hultum ding hi.

Amos 1:12

Teman ah mei ka sawl dinga, Bozrah mun muanhuaite a hultum ding hi," a ci hi.

Amos 1:14

Rabbah kulhte mei-in ka hal dinga, gal kido ni-a gal huging le huihpi nun ni-a huihpi hual ging lakah tuanu mun muanhuaite a hultum ding hi.

Amos 1:4

Hazael innkuante tungah mei ka sawl dinga tua in Ben-Hadad mun muanhuai a hultum ding hi.

Amos 1:7

Gaza kulhte mei-in ka hal dinga, a mun muanhuaite uh a hultum ding hi.

Amos 2:2

Moab ah mei ka sawl dinga, tua in Kerioth c kulh muanhuaite a hultum ding hi. Gal kidona awging le pengkul kimut ging zuazua lakah Moab-te paisuk ding uh hi.

Thupiakkikna 32:22

Ka thangpaihna in mei tawhkuang khin ahi manin sihna e leinuai gam dong a kang hi. Tua in leitung le a ante hultum dinga, mualte bulpite a kuangsak ding hi.

Hebrews 12:25

Tua thu a genpa na nial loh nading un kikem un. Leitung ah amaute a vauhilhpa a nial uh ciangin suakta lo uh ahileh vantung pana eite hong vauhilhpa nungngatsan lehang i suahtak nading baih lo semsem ding hi lo ahi hiam?