Jeremiah 17:11 - Zokam International Version

¹¹ Thuman lo-a a haute, ama tui lopi a op valah tawh kibang hi. A khan kimtan ciangin a neihsate beimang dinga, a tawpna ah mihai ahilam kilangsak ding hi.

LAISIENGTHOU CL Bible (BSI)

¹¹ Dihloutah a hausatna nga mi khu, ama tui loupi op keu mengkeng bang ahi, adamsung nite ngeiin tua hausatna in anuasie dinga atawp ah mi maw ahi ding hi.

Zo Bible

¹¹ Thuman lopi tawh hauna a sui mi zosie pen ama’ tui hi lopi a keuhsah dinga a op valaa tawh kibang hi; a khan kimtan ciengin a neisa teng taan ding a, a tawpkhahna ah a mot lam uh a kipholah ding uhi.

Jeremiah 17:11 ပူးပေါင်းရင်းမြစ်များ

Job 20:21

A khamval bangmah om lo a; a hauhna sawt a khom kei ding hi.

Phatna-late 49:13

Amau le amau kimuangte le amau gente hoih a sakpih amau nungzuite mong a hici ahi hi.

Phatna-late 55:23

Ahi hangin Pasian aw, nang in kisiatna gum sungah migilote na khia dinga; sisan suahte le zuauphuak mite a nuntak hun uh alang na khiam ding hi. Ahi hangin ke’n ka hileh nangmah kong muang hi.

Paunakte 13:11

A maan lo sum kiamkiam a, tawmtawma kholte’ sum khangkhang hi.

Paunakte 15:27

A huaiham mi in a inn sung lungkhamsak a, golhsum a mudah mi a nungta ding hi.

Paunakte 21:6

Leii-a zuauna tawh hauhna in a lengmang pak tuikhu le sihtheihna thang b ahi hi.

Paunakte 23:5

Muvanlai bangin hauhna a kha po-in vanlam ah lengkhia ding ahi manin, a bei pah theih hauhna mitsuan kei in.

Paunakte 28:16

Thumaan lo-a gam ukpa thukhentel thei lo hi-a, amaan lo-a ngah a mudah mi ahileh khansawt nuam a sa ding hi.

Paunakte 28:20

A muanhuaite thupha tampi kipia dinga, hauhpah a sawmte dan tuak loin a om kei ding hi.

Paunakte 28:22

A iiksiik mi a haupah nuam hi-a, zawnna in a ngak lam a phawk kei hi.

Paunakte 28:8

Summet sangsak lua-a a hau totote, a zawngte tungah a migi ding midang khat ading a kholsak ahi hi.

Jeremiah 22:13

"A kumpi inn thumaan loin lama a inndei tungnungte thutang loin a lam mi, a gam sunga mite a mawkna-in semsaka, amaute thaman a pia lo mi in gimna thuak ta hen.

Jeremiah 22:17

"Ahi hangin na lungsim uh le na mit un, aman lo-a metna bek mitsuana, mawhpengte sisan luansak ding, mi nuainet ding le ngongtat ding bek na sawm uh hi," a ci hi.

Jeremiah 6:13

"Aneupen pan alianpen dong a vekpi-un met nading ah huaiham uh a; kamsangte le siampite in a vekun a kibangin zuau a phuak uh hi.

Jeremiah 8:10

Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

Amos 3:10

TOPA in, "Amaute in amaana gamtat ding thei lo uh a, a kulh muanhuaite uh mite’ na a suhte uh tawh a dim uh hi," a ci hi

Micah 2:9

Ka mite’ numeite amau inn nuam panin na hawlkhia uh hi. Amaute tate tunga ka thuphate a tawntungin na tansak uh hi.

Micah 7:3

A khutte gel uh gitloh nasep ding siam mahmah a, a gam-ukte un letsong ngenin, thukhente in golhguk sang uh a, thuneite amau deih bangin thu sit uh a - a vekun a kithu tuak uh hi.

Zephaniah 1:9

Tua ni ciangin kongpi c pela paikhia khempeuh ngongtatna le khemna tawh amau pasiante’ biakinn a dimsakte dan ka pia ding hi.

Zechariah 5:4

Thahatpen TOPA in, ‘Tua ka sawlkhia dinga gutate inn sung le amaan lopi-a ka min tawh a kiciamte inn sungah a lut ding hi. Tua bang mite inn sungah om den dinga asing asuangin a susia khawm ding hi,’ ci hi," hong ci hi.

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

Matthew 23:13

"No kineihsiam thukham siate le Pharisee-te, gimna nak thuak na nu cia! Note in mite mai ah vantung gam kongkhak na khak uh hi. No lah lut loin a lut nuamte lah na lutsak kei uh hi. b

Luke 12:20

"Ahi hangin Pasian in ama kiangah, ‘Nang mihaipa! Tu zan mahmah in na nuntakna nang tung pan hong kilaksak ding hi. Tua hileh nang adinga na koihkholhte kua in tang ding ahi hiam?’ ci hi.

1 Timothy 6:9

Ahau nuam mite ahileh khemna le thang, a haihuai le a nasak thei lunggulh-luatnate hangin siatna le manthanna sungah a puk uh hi.

Titus 1:11

Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

2 Peter 2:14

Angkawm nopna mit bekbek tawh kidim uh a, mawhna a bawl den uh hi; a kip lo mite mawhna bawl dingin a zol uh hi; huaihamna lamah siam mahmah uh a, hamsiatna suante hi tazen uh hi!

2 Peter 2:3

Hih siate in huaihamin ama phuahtawm tangthute tawh note sumzonna in hong nei ding uh hi. Amaute a kimawhpaihna sawtvei zo a, amau kisiatna a ihsip kei hi.