Jeremiah 17:10 - Zokam International Version

¹⁰ "TOPA in lungsim zonga, ngaihsutna sittelin mi khat, ama gamtatna tawh kizui, ama nasepna tawh kituakin pahtakman a pia hi."

LAISIENGTHOU CL Bible (BSI)

¹⁰ “Kei Mangpa’n michin aumdan dungzui u’leh asilbawl ga dungzui ua, pe dingin lungtang ka ensuoh a, tualeh lungsim ka enchien zel hi.”

Zo Bible

¹⁰ Keima Topa in amau’ gamtatna le amau’ sep thaman zui-a a pie dingin lungsim ka sittel a, lungtang zong ka sui hi.

Jeremiah 17:10 ပူးပေါင်းရင်းမြစ်များ

1 Kumpite 8:39

tua ciangin na tenna mun vantung panin na za in. Maisak inla na sem in; mikim lungsim na theihsa ahi nungsang ama sepsa khempeuh tawh kizui-in ngahsak in (ahang in, nang bek in mihing lungsim na thei hi)

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

1 Khangthute 29:17

Ka Pasian aw, nang in lungsim na zia-et lam ka thei-a, cihtakna ah na lungkim hi. Hih nate khempeuh ka utthu-in thumaantakin kong pia hi. Tua ciangin hih lai-a om na mite in utna tawh nang hong piakzia lung nuamtakin ka mu khin hi.

2 Khangthute 6:30

tua ciangin na tenna mun vantung panin na za in. Maisak-in ama lungsim na theihsa ahi nungsang ama sepsa khempeuh tawh kizui-in ama tungah tungsak in, (ahang in, nang bek in mihing lungsim khempeuh na thei hi),

Job 34:11

Mihing a sepna bangin amah in thuk kik a, a gamtatna tawh kizui-in a tungah tungsak hi.

Phatna-late 44:21

amah in lungsima thusim thei ahi nungsang, Pasian in phawkkhia lo ding ahi hiam?

Phatna-late 44:22

Tua hi napi nangmah cihna-in sun nilohin sihna ka maituah uh a; a kigo ding tuu bangin kote hong kingaihsun hi.

Phatna-late 62:12

Topa aw, tua in nang itna ahi hi. Mi peuhmah ama sepsa tawh kizui- in pahtakman na pia taktak ding hi.

Phatna-late 7:10

A Sang Pen Pasian keima lum d hi-a, lungsima dingtangte honpa ahi hi.

Phatna-late 7:9

A thumaan Pasian, lungsim le ngaihsutnate a zongpa aw, migilote ngongtatnate beisakin a thumaante bitsak in.

Paunakte 12:14

Mi khat a muka a gah panin na hoih tawh kidima, a khuta na a sep laisiah pahtakman ngah tektek hi.

Paunakte 17:3

Sik huantuina ah ngun kizia-et in, pummei ah kham kizia-et a, TOPA in ahileh lungsim a zia-et hi.

Thuhilhna 9:3

Sunni nuai-a a piang peuhmah gitlohna ahi hi: tuate khempeuh a mong uh kibang ciat hi. Tua tham loin mihing lungtang gitlohna vive hi a, a nuntak lai mah un a lungsim uh hai-a tua nung ciangin sihna lam zuan uh hi.

Isaiah 59:18

Amaute sepnasa tawh kizui-in, amah in thuk kik dinga, ama galte tungah thangpai-in a langte dan a thuaksak ding hi; tuikulh mite amau thuak ding bangin a thuk ding hi.

Jeremiah 11:20

Ahi hangin Thahatpen TOPA aw, nang in thumaanin thu na khena, lungsim le ngaihsutna na entel hi; nang tungah ka thu hong suan khin ka hi manin amaute tunga na phulakna kei hong musak in.

Jeremiah 12:13

Amaute in mangbuh a vawh uh hangin lingkungte at ding uh a; amaute a hahkat luat uh hangin bangmah a lawhtak kei ding uh hi. Tua ciangin TOPA hehluatna hangin maizumna bek na kaikhawm ding uh hi," a ci hi.

Jeremiah 20:12

Thahatpen TOPA aw, nang in a thumaante na encian a, lungsim le ngaihsutna na sittel hi, ka thu nang tung hong tun khin ka hi manin, amaute tunga na phulakna kei hong musak in.

Jeremiah 21:14

Nangma sepsa tawh kituakin dan kong tuaksak ding hi, TOPA in cikhia hi. Na tulak uh mei in ka hal dinga, tua in note kimkota khempeuh a kangtummang ding hi,’ ci hi," a ci hi.

Jeremiah 23:2

Tua ahi ciangin ka mite a cing tuucingte tungah TOPA Israel Pasian in a gen hih ahi hi: "Note in ka tuuhonte thehthangin na nawhmang uh a, amaute don loin na khoi kei uh hi. Na gamtatsiate uh hangin dan kong tuaksak ding hi," TOPA in cikhia hi.

Jeremiah 32:19

na ngimna lian mahmah in, na sepnate thahat hi. Mihingte lampi khempeuh na mu khin a, amau gamtatna le amau sepnate tawh kituakin pahtakman na pia hi.

Ezekiel 11:5

Tua ciangin TOPA Kha kei tungah hong tungin ka gen ding hong gen a: "Hih in TOPA gen ahi hi: Na gen ding hih ahi hi, Israel innkuante aw, na lungsim ua na ngaihsutte uh ka thei khin hi.

Ezekiel 14:5

Keimah in a milimte uh hanga keimah hong puakoih Israel mite lungsim zawh kik nadingin ka hih ding hi,’ ci in.

Micah 7:13

A tunga teng mite gamtatnasa hangin leitung gamkhing a suak ding hi.

Matthew 16:27

Ahang in, Mihing Tapa ama vansawl takte tawh a Pa minthanna kengin hong pai ding hi. Tua ciangin mi khempeuh in amau sepna tawh kizui-in pahtakman a sang ciat ding uh hi.

Matthew 6:4

Tua ciangin a sima kihihte a mu na Pa un note pahtakman hong pia ding hi.

John 2:25

Amah in mihing lungsim sunga omte thei khina, mihing in mihing thu a gen ding kisam lo hi.

Nasepte 1:24

Tua khit ciangin thu ngen uh a, "Topa aw, mi khempeuh lungtang na thei hi.

Rome-te 6:21

Tua hun laitakin tu laitaka na maizumpih uh nate panin bang phat tuamna gah at na hi uh hiam? Tua nate in sihna a tun hi.

Rome-te 8:27

Tua hi a, eite lungsim a zongpa in Kha lungsim a thei hi. Bang hang hiam cihleh Pasian deihna tawh kizui-in Kha in misiangte ading a thumsak hi.

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

Kilaakna 20:12

Tua ciangin misite, aneu alianin kumpi tokhom mai-a ding le laibute kilem ka mu hi. Nuntakna laibu ahi laibu dang khat a kilem hi. Misite tungah a hihsate uh laibute sunga kigelhsa tawh kizui-in thu kikhen hi.

Kilaakna 22:12

"Ngai in, kong pai pah ding hi! Ka pahtakman ka kiangah om hi; mi khempeuh tungah ama hihsa tawh kizui-in ka pia ding hi.

1 Samuel 16:7

Ahi hangin TOPA in Samuel kiangah, "Ama meel ahi-a, a tun sanna ahi zongin ngaihsun kei in amah ka nialsa ahi hi. TOPA in nate mihingte et bangin en lo hi. Mihing in a kilangkhia a puatham en a,TOPA in ahileh a lungsim a en hi," a ci hi.