Jeremiah 16:17 - Zokam International Version

¹⁷ Amaute paina khempeuh ka mu a, kei muhna panin amaute kisel thei loin amaute mawhnate zong a sel thei tuan kei ding uh hi,’ ci hi.

LAISIENGTHOU CL Bible (BSI)

¹⁷ Ka mit in agamtatna zousie uh a mu ziehin ka mai akipat akiphuol sih hi; agitlounate u’zong ka mit apat akiphuol sih hi.

Zo Bible

¹⁷ Bangzieh ahei cile keima in a peina uh lampi zosie ka en hi; ka kung panin amate a kibu thei sih vua, a gitlonate uzong ka muna-ah a kisel thei sih hi.

Jeremiah 16:17 ပူးပေါင်းရင်းမြစ်များ

2 Khangthute 16:9

Ahang in, ama tungah a lungsim khempeuh tawh a ki-apte a thahatsak dingin TOPA mitin leitung bup a en kawikawi hi. Nang in a haihuai na na sem zo hi; tu-a kipan gal na do ding hi," a ci hi.

Job 10:14

Ka mawh leh nong vil gige a, ka mawhna dan pan nong pengsak kei ding hi.

Job 31:4

Ka lampite mu loin ka kalsuan simin sim lo ahi hiam?

Phatna-late 109:15

Amaute ciamtehna leitung pan a beisak theih nadingin TOPA mai-ah amau mawhnate om den hen.

Phatna-late 139:3

Ka pusuahna le ka lupna nong tel a; ka lampite khempeuh na theihsa ahi hi.

Phatna-late 33:15

amah in mi khempeuh lungsim bawl a, amaute sepna khempeuh a entel hi.

Phatna-late 51:9

Ka mawhnate buksan inla ka khialhna khempeuh phiatkhia in.

Phatna-late 90:8

Ka tatkhialhnate uh na mai-ah na koih a, ka mawhsimnate uh na omna khuavak ah na koih hi.

Paunakte 15:3

Mun khempeuh ah TOPA mit om a, misia le mipha a encik hi.

Paunakte 5:21

Ahang in, TOPA in mi khat nuntakna mu khin kiuhkeuh a, a lampite khempeuh a sittel hi.

Isaiah 29:15

A ngimna uh TOPA panin a thuk mahmahna ah sel dingin pai uh a, khuamial sungah na semin, "Eite kua’n hong mu ding hiam? Eite kua’n hong thei ding hiam?" ci-a a ngaihsunte in gimna thuak ta hen.

Isaiah 66:18

"Tua hi-a amaute sepna le a ngaihsutnate uh hangin keimah hong pai-in b minamte khempeuh le pau khempeuh ka kaikhawm dinga, ka minthanna a mu ding uh hi.

Jeremiah 2:22

Vuttui tawh kisil-in, saban tampitak na zang zongin ka mai-ah na khialhna om lai veve hi," Thupipen TOPA in cikhia hi.

Jeremiah 23:24

Kei muh loh dingin mi khatpeuh kawmbu lakah bu thei ahi hiam? TOPA in cikhia hi. "Leitung vantung dim lo ka hi hiam?" TOPA in cikhia hi.

Jeremiah 29:23

Ahang in, amaute in Israel gamah mawhna siahuai bawl uh a; a vengte uh zite’ angkawmin kei sawl lohpi ka minin zuauthu a gen uh hi. Kei mah in ka thei a, teci ka hi hi," TOPA in cikhia hi.

Jeremiah 32:19

na ngimna lian mahmah in, na sepnate thahat hi. Mihingte lampi khempeuh na mu khin a, amau gamtatna le amau sepnate tawh kituakin pahtakman na pia hi.

Jeremiah 7:11

Ka Min kilawhna hih inn, guta buluhte’ kua suak khin ahi hiam? Ahi hangin kong mu gige hi! TOPA in cikhia hi.

Ezekiel 8:12

Amah in, "Mihing tapa aw, Israel innkuan upate in khuamial sunga a biakbukno a amau milim tungah bang hih ciat uh hiam, cih na mu hiam? Amaute in, ‘TOPA in eite hong mu lo hi; TOPA in hih leitang nusia ta hi,’ ci uh hi," hong ci hi.

Ezekiel 9:9

Amah in, "Judah le Israel innkuante mawhna lian lua mahmah hi; gam sungah sisan kiluansakna dima, khuapi sung aman lo-a thukhenna tawh kidim hi. Amaute in, ‘TOPA in i gam phawk nawn lo hi; TOPA in hong mu lo hi,’ ci uh hi.

Zephaniah 1:12

Tua hun ciangin meivak zangin Jerusalem ka zong dinga, amah bek nuam a sate, lenggah zu tawdat banga, "TOPA in a sia a pha bangmah bawl lo hi,’ a cite dan ka tuaksak ding hi.

Zechariah 4:10

Kua in a neu nate’ ni simmawh ahi hiam? Mite in Zerubbabel khuta khaukhai a muh ciangin a nuam ding uh hi. "(Hih sagihte, leitung khempeuh a en TOPA mittangte ahi uh hi,)" a ci hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

Hebrews 4:13

A kipiangsak khempeuh Pasian muhna pan a kisel bangmah a om kei hi. I thu i tut nading mitmuhin a kisin bangmah om loin kitel sinsen in a om hi.