Jeremiah 16:13 - Zokam International Version

¹³ Tua ahi ciangin hih gam panin note le na pate un zong a theih ngei loh uh gam ah kong lawnkhia dinga, hong angvan nawn lo ding ka hi manin tua lai-ah sun le zanin pasian dangte’ na na sem ding uh hi,’ ci hi.

LAISIENGTHOU CL Bible (BSI)

¹³ Tuaziehin noute tam gam akipat in na thei khah ngailou u’leh napu napate un zong athei khah ngailou uh gam ah ka hing notdoh dinga, khunah pasien dangte nna sun leh zan in nasem ding ua, khunah noute deisahna ka hing musah sih ding hi.

Zo Bible

¹³ Tua ahi ziehin tam gam panin note le na pu na pate un a thei ngai lona gam khatah kang notmang ding a, tua munah a sun a zanin pasien dangte’ na na sem ding uhi, azieh pen keima in note kang angvan ta sih ding hi.

Jeremiah 16:13 ပူးပေါင်းရင်းမြစ်များ

2 Kumpite 25:21

Tua lai Hamath gam sung Riblah ah kumpipa in amaute a thatsak hi. Tua bangin ama gam pan Judah salin kikai hi.

2 Khangthute 7:20

tua ciangin amaute ka piaksa ka leitang panin Israel ka botkhia dinga ka Min a ka apsa hih biakinnpi kong nolh ding hi. Mite khempeuh lakah thugentehna le ciamnuihna ka suaksak ding hi.

Phatna-late 81:12

Tua ahi ciangin amau lungkhauhna tawh kizui-in amau ut bangin ka khahkhong hi.

Jeremiah 10:18

Ahang in, TOPA gen hih ahi hi: "Tu petpet-in hih gama tengte ka lawnkhia dinga; a kimat theih nadingin amaute tungah lungdonna ka tungsak ding hi," a ci hi.

Jeremiah 14:8

Israel’ lametna, a lungdon huna Honpa aw, bang hangin ka gam sunguah midang suaka, zan khat bek a taam khualzinpa tawh kibang na hi hiam?

Jeremiah 15:1

Tua ciangin TOPA in kei kiangah, "Moses le Samuel ka mai-ah hong ding zawzen uh zongin hih mite lamah ka lungsim a nga tuan kei ding hi. Ka muhna panin amaute hawlkhia in! Paikhiasak in!

Jeremiah 15:14

Note langah a kuang ding ka hehna mei kitawh ding ahi manin, note theihlohna gamsung a khatah sila kong suaksak ding hi," hong ci hi.

Jeremiah 15:4

Judah kumpipa Hezekiah tapa Manasseh in Jerusalem a, a bawl thu hangin leitunga kumpi-gamte khempeuh, amaute ka mudahsak ding hi.

Jeremiah 16:5

Ahang in, TOPA gen hih ahi hi: "Misite inn ah lut kei in; vakahin na dahpih lam zong va lak kei in; bang hang hiam cih leh hih mite tung panin ka thupha ka itna le ka hehpihna ka dok kik khin hi, "TOPA in cikhia hi.

Jeremiah 17:4

Na mawhna uh hangin kong piaksa gouluahna na taan ding uh hi. Note in ka hehna na tawhkuang uh a, kuangden ding ahi manin na theih ngei lohna uh gam na galte uh tungah sal kong suaksak ding hi."

Jeremiah 22:26

Nang le ta-a hong nei na nu gamdang ah kong nawhkhiamang dinga, na lamh kiatlohna munuah na nihun na sikhawm ding uh hi.

Jeremiah 22:28

Hih mipa, kuama deih loh beel kitamsa Jehoiachin hi lo ahi hiam? Bang hangin amah le a tate a theih lohna uh gamah kilawnkhia ahi hiam?

Jeremiah 5:19

Tuateh mite in, ‘Bang hangin TOPA eite Pasian in hihte khempeuh sem ahi hiam?’ ci-a hong dot uh ciangin note in, ‘Note in kei hong taisanin na gamua midangte’ pasiante’ na nasep uh bangin tu-in no gam lopi-ah midangte na na sem ding uh hi, ci-in na gen ding uh hi,’ ci hi.

Jeremiah 6:15

A muhthadahhuai-a a gamtatna uh maizum beek lo uh ahi hiam? Neukha zong maizum lo uh a, kisuannazia ding nangawn a thei kei uh hi. Tua ciangin a puksate lakah puk uh a, amaute dan ka thuaksak ciangin a kilawnsuk ding hi," TOPA in a ci hi.

Thupiakkikna 28:36

TOPA in note le no hong uk dinga na koih uh kumpite, note le na pate un na theih loh uh minamte tungah hong hawlkhia ding hi. Tua lai-ah sing le suang pasian - pasian dangte na bia ding uh hi.

Thupiakkikna 29:28

A hehluatna le a thangpaihna lianpi tawh TOPA in amau gam panin amaute bulkalh a, tu-a a om bangun amaute gamdangah a nawhgawp ahi hi," kici ding hi.