Jeremiah 15:6 - Zokam International Version

⁶ Nangmah in kei nong nolh khin zo hi," TOPA in cikhia hi. "Nang na nungtolhtolh hi. Tua hi-a na tungah ka khut hong nga-in kong susia ding hi; kong khuatuah thei nawn kei hi.

LAISIENGTHOU CL Bible (BSI)

⁶ Na hing nuasieta, na nuatolta hi, Mangpa’n achi hi. Tuaziehin na tungah ka khut ka ha dinga, kang suse ding hi; kisia ka chimtahta hi.

Zo Bible

⁶ Nang in kei nei nuol zo ta a, nei elngatsan ta hi, Topa in ci hi. Tuaci’n ka khut zahin nang kang susie hi. Ka lungthahna ka ip na lamin ka cimgawp ta hi.

Jeremiah 15:6 ပူးပေါင်းရင်းမြစ်များ

Isaiah 1:4

Ah! Amawhdim minam khialhna netcip mite a gilote suante siatna-a ka piaksa tate ahi uh hi. Amaute in TOPA taisan uh a; Israel Siangtho Pa simmawhin amah nungngatsan uh hi.

Isaiah 28:13

Tua ciangin TOPA kammal amaute tungah, khat sep khit teh khat, khat sep khit teh khat uk khat tungah uk khat, uk khat tungah uk khat; hih lai-ah tawm khat hua lai-ah tawm khat a cih suak lel a - amaute pai-in a tawtolh nading uh, liamin thangah awka a kimat nading uh a suak hi.

Isaiah 31:3

Ahi hangin Egypt mite mihing hi-a, Pasian hi lo uh hi; amaute sakolte ci-le-sa hi-a, kha ahi kei hi. TOPA in a khut a zankhiat ciangin, a huhpa muktu dinga a kihuhpa a puk ding hi; a nih un a mangthangkhawm ding uh hi.

Jeremiah 1:16

Ka mite tungah thukhenna ka genkhia ding hi. Bang hang hiam cih leh amaute giloin hong taisan uh a, pasian dangte tungah gimnamtui halin amau khut bawlsa a bia uh hi.

Jeremiah 13:14

Khat le khat ka kisuzansak dinga pate le tapate zong a kibangin ka kisusak ding hi, TOPA in cikhia hi. Amaute hehpih lo, lainat lo, khuatuah loin ka susia ding hi, ci hi, ‘va ci un," a ci hi.

Jeremiah 2:13

"Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Jeremiah 2:19

Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

Jeremiah 20:9

"Amah genkha nawn kei ning, ama min lo nawn dah ning ka cih hangin lah ama thu ka lungtang ah mei bangin kuanga ka guh sung hong zen hi. Ka ki-ipipna-in ka gima, gen loin ka om thei peuhmah kei hi.

Jeremiah 44:22

Na gamtat hoih lote uh le a kihhuai-a na gamtatnate uh hangin TOPA ki-ip zo nawn lo a, na gam un hamsiatna thuakin tuni mahmah in zong kuamah teng loin a kinusiacip hi.

Jeremiah 6:11

Ahi hangin TOPA thangpaihna tawh ka kidim a, ka thuak zo nawn kei hi. "Lamdunga naupangte tung le a kikaikhawm khangnote tungah ka hehna ka sungkhia hi; zite le pasalte pitek luate le putek luate tawh kiman khawm ding hi.

Jeremiah 6:12

Tua gama teng mite tungah ka khut ka zankhiat ciangin a inn a lote uh le a zite uh midangte tungah kipia ding hi." TOPA in cikhia hi.

Jeremiah 6:19

Leitung aw, za in; keimah in amaute sawmna gah ahi siatna, hih mite tungah ka puak ding hi, bang hang hiam cih leh amaute in ka thute ngai loin ka thukham a nial uh hi.

Jeremiah 7:16

"Tua hi-a na thugen ngai lo ding ka hi manin hih mite ading thu ngetsak kei inla amau ading ngetna le ngetsakna bawl kei in.

Jeremiah 7:24

Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi.

Jeremiah 8:5

Tua ahileh bang hangin hih mite pialmang uh ahi hiam? Bang hangin Jerusalem in lamkhial suak ahi hiam? Amaute in zuauthu lenkip uh a, kileh kik ding a nial uh hi.

Jeremiah 8:9

Mipilte kimaizumsak dinga; amaute lungneu-in a kiman ding hi. TOPA thu a nial nungsangun bang pilna nam nei uh ahi hiam?

Ezekiel 14:9

" ‘Kamsang khat kamsang dingin a kizol-a a kithuzawh leh keimah TOPA in tua kamsangpa ka thuzawh dinga ama langkhatah ka khut zanin ka mi Israel-te lakah ka susia ding hi.

Ezekiel 25:7

Tua ahi ciangin note langkhatah ka khut ka liik dinga minamte tungah galmatin kong pia ding hi. Minamte panin kong khenkhia dinga, gamdangte panin kong khenkhia siang ding hi. Kong susia dinga tua ciangin TOPA ka hilam na thei ding uh hi,’ ci-in gen in," hong ci hi.

Ezekiel 35:3

Hih in Thupipen TOPA gen ahi hi: Seir Vum aw, nang langkhatah ka pang hi. Nang langah ka khut ka zan dinga, bangmah a kimang lo gam simtham kong suaksak ding hi.

Hosea 11:7

Ka mite in kei kiang pan kiheisan hong sawm teitei uh hi; Sangpen Pa a sam zawzen uh zongin amah in amaute a tawisang peuhmah kei ding hi.

Hosea 13:14

"Hankhuk e vangliatna panin amaute tatna sum ka pia ding hi; sihna panin amaute ka tankhia ding hi. Sihna aw, na gimna koi-ah om hiam? Hankhuk f aw, na siatsakna koi-ah om hiam?

Hosea 4:16

Israel-te lungkhauh uh a, bawngla lungkhauh bang uh hi. Tua ahileh TOPA in bang ci-in lonona-a tuunote bangin lono-in vak thei ding hiam?

Zephaniah 1:4

"Judah langkhat le Jerusalem a tengte khempeuh tungah ka khut ka zankhia ding hi. Hih mun panin Baal them om lai sunte le lawkite minte le milimte biakna-a siampite-

Zechariah 7:11

"Ahi hangin amaute in a thusim kei uh hi; lungkhauhin nungngatsan uh a, a bil uh a hum uh hi.