Jeremiah 15:3 - Zokam International Version

³ Amaute tungah suksiatna nam li ka tungsak ding hi," TOPA in cikhia a, thah nading namsau, a tuahmang dingin ui, a susia ding le a nemang dingin huihlak vasate le leitunga ganhingte ka sawl ding hi.

LAISIENGTHOU CL Bible (BSI)

³ “Tualeh amaute tungah sil li ka guotpieh ding hi, Mangpa’n achi hi: A that dingin namsau, atawmang dingin uite, negam ding leh suse ding in tungleeng vate leh leitunga gamsate.

Zo Bible

³ Tuale keima in amate tungah mi susie thei nam li ka tungsah ding hi, Topa in ci hi: A kitha nading uh namsau, a bottel ding ui, a valtum ding le a susie ding huilah vate le leitunga gamsate ahi uhi.

Jeremiah 15:3 ပူးပေါင်းရင်းမြစ်များ

Phatna-late 68:23

tua in note in na galte uh sisan sung ah na khe uh diahin na uite un liah ding a neih theih nading ahi hi," a ci hi.

Isaiah 18:6

Mualtung vasate le gamsate an dingin amaute kinusia dinga; vasate in khuakhal sung ne in gamsate in phalbi sung a ne ding uh hi.

Jeremiah 12:9

Ka gouluah dingte kei tungah sasial ne vasa gial khat, sasial ne vasa dangte in a kimkot pan a tuk nainai uh bang hi lo hiam? Pai-in gamsa gilote khawm inla, a valhtum ding hong puak in.

Jeremiah 14:12

An a tan uh hangin amau kikona ka ngai kei dinga, meihal biakna le an-a biakna hong piak uh hangin ka sang kei ding hi. Tua sangsikin amaute namsau, kialpi le pulpi in ka susia ding hi," hong ci hi.

Jeremiah 14:16

Tuateh amaute thugenna mite namsau le kialpi hangin Jerusalem kongzingte ah a kilawnkhia ding hi. Amaute, a zite a tanu a tapate uh a vui ding khat beek a om kei ding hi. Keimah in amaute thalawh tuahsiatna, amau tungah ka buaksuk ding hi.

Jeremiah 16:4

"Amaute sih-natna in a si ding uh hi. Amaute kuamah in kah loin kuamah in zong vui lo dinga, leilakah a ki-ek nusiat ding hi. Amaute namsau le kialpi-in simang ding uh a, a misiluangte uh huihlak vasate le leitung ganhingte an a suak ding hi," a ci hi.

Jeremiah 7:33

Tua ciangin amaute misiluangte vana vasate le leitunga gamsate’ an suak dinga, tuate kuamah in a bengkhia kei ding hi.

Tamlawhna 3:11

Lampi panin hong bawh a, kei hong hualpekin hong huh ding om loin hong nusia hi.

Ezekiel 14:21

"Ahang in, Thupipen TOPA thugen hih ahi hi: Jerusalem ah a sunga mihing ganhing a that dingin a lauhuai ka thukhenna nam li - namsau, kialpi, gamsa gilo le pulpi-te ka tunsak ciangin siahuai si incia!

Ezekiel 33:27

"Amaute kiangah hih thu gen in: ‘Hih in Thupipen TOPA gen ahi hi: Ka nuntakna ka lo hi, a kisiasa gam sunga a kinusiate namsau in a puk ding uh hi; khuaneu-a omte gamsa gilote nek dingin ka pia dinga, suanghawm sung le kulh muanhuai sunga omte pulpi in a si ding uh hi.

Siampi Laibu 26:16

note tungah hihte ka tungsak ding hi: Note tungah patauhna, hong vattum ding cinatnate le na khuamuhna uh siasakin na nuntakna uh a khitkang ding cisa natna kong tungsak ding hi. Lo na pawi uh hangin a mawkna hi ding hi, bang hang hiam cih leh na galte un a ne ding uh hi.

Siampi Laibu 26:22

Gamsa gilote kong dosak dinga na tate uh hong tuahsakin na ganhonte uh ne ding uh a, note tawm mahmah in na lampite uh gamkhing a suak ding hi.

Siampi Laibu 26:25

Thukhunte na palsatna uh pulakna-in note tungah namsau kong tungsak ding hi. Note khuapi sungah na nung kik uh ciangin note lakah pulpi kong tungsak dinga, na galte uh khut sungah hong kipia ding hi.

Amos 5:19

Tua in humpinelkai kihta-in a tai leh vompi a tuak tawh kibang bek dinga, a inn sungah luta kawm ah a khut nga leh gul in a tuk tawh kibang bek ding hi.

Thupiakkikna 28:26

Na luangte uh huih lak vasate le leitung ganhingte an suak dinga, tuate kuamah in a nawhkhia kei ding hi.

Thupiakkikna 32:24

Kialpi-in amaute ka zuukmang dinga, a haltum natna le sihtheihna pulpi ka tungsak ding hi; amaute lang khatah a hahiam gamsate le leivui laka awmtal a gupha ngante ka sawl ding hi.

Kilaakna 6:8

Ka en a, ka mai-ah sakol daang khat a na om hi! A tunga tuangpa min Sihna kici hi-a, Gawtmun in a nung mahmah ah a zui hi. Amaute in leitung seh li suah seh khat, namsau, kialpi, pulpi le leitung gamsate-a a thah theih nadingin vang liatna kipia hi.