Jeremiah 15:2 - Zokam International Version

² Amaute in nang kiangah, ‘Koi-ah pai ding ka hi uh hiam?’ hong cih uh leh amaute kiangah, ‘Hih in TOPA gen ahi hi: "‘A si dinga kisehsate sihna ah, namsau thuak dinga kisehsate namsau ah, kialpi thuak dinga kisehsate kialpi ah, sala kaih dinga kisehsate sal ah,’ ci in," hong ci hi.

LAISIENGTHOU CL Bible (BSI)

² Tualeh hichi ahing hi dinga, amaun na kunga hei a pei ding kahi uoi achi u’leh, Mangpa’n tambangin agen hi, chi’n hil in. “Koi zong natna ashi dingte natna shina ah, namsau a shi dingte namsau kungah, Kiel a shi dingte kiel kung ah, sal a mat dingte sal ah,” achi hi, chi in.

Zo Bible

² Tuale amate in nang kungah, “Hei-a pei ding ka hi uh ahei,” ang ci ciengun amate kungah tam bangin na gen ding hi: Topa in tam bangin ci hi: Pul natna tawh si dinga kisesate pulnatna tawh si ding a, namsau tawh si dinga kisesate namsau tawh si ding uhi; kiel tawh a pulsi dingte kiel tawh pulsi ding a, saltang dinga kisesate zong salin kikai ding hi.

Jeremiah 15:2 ပူးပေါင်းရင်းမြစ်များ

Isaiah 10:4

Thongkiate lakah toncip ding ahikeh a kithatte lakah puk ding longal bangmah dang a om kei hi. Hizahta hi khin napi a hehna dai tuan loin a khut liikto lailai hi.

Isaiah 24:18

Launa aw za-a a tai peuhmah gum sungah kia ding uh a; gum sung pan a kahkhia to peuhmah thangah a awk ding uh hi. Vante-a tui kongpite kihong a, leitung bulpi a kilok hi

Jeremiah 14:12

An a tan uh hangin amau kikona ka ngai kei dinga, meihal biakna le an-a biakna hong piak uh hangin ka sang kei ding hi. Tua sangsikin amaute namsau, kialpi le pulpi in ka susia ding hi," hong ci hi.

Jeremiah 14:16

Tuateh amaute thugenna mite namsau le kialpi hangin Jerusalem kongzingte ah a kilawnkhia ding hi. Amaute, a zite a tanu a tapate uh a vui ding khat beek a om kei ding hi. Keimah in amaute thalawh tuahsiatna, amau tungah ka buaksuk ding hi.

Jeremiah 16:4

"Amaute sih-natna in a si ding uh hi. Amaute kuamah in kah loin kuamah in zong vui lo dinga, leilakah a ki-ek nusiat ding hi. Amaute namsau le kialpi-in simang ding uh a, a misiluangte uh huihlak vasate le leitung ganhingte an a suak ding hi," a ci hi.

Jeremiah 19:7

" ‘Hih munah Judah le Jerusalem geelna ka siasak a ding hi. Keimah in a that nuamte khutah amaute ka pia dinga a galte uh mai-ah namsau in a si ding uh hi; a luangte uh huihlak vasate le leitung ganhingte an dingin ka pia ding hi.

Jeremiah 43:11

Amah hong kuanin Egypt sim dinga, sihsak dinga sehsate sisakin, sal-a kaih dinga sehsate salin kai-in, namsau thuak dinga sehsate thuaksak ding hi.

Ezekiel 12:11

Amaute kiangah, ‘Keimah in note adingin lim ka hi hi,’ ci in. "Ka hih ngeisa bangin amaute tungah ka tungsak ding hi. Amaute kimanin salin kikai ding hi.

Ezekiel 14:21

"Ahang in, Thupipen TOPA thugen hih ahi hi: Jerusalem ah a sunga mihing ganhing a that dingin a lauhuai ka thukhenna nam li - namsau, kialpi, gamsa gilo le pulpi-te ka tunsak ciangin siahuai si incia!

Ezekiel 33:27

"Amaute kiangah hih thu gen in: ‘Hih in Thupipen TOPA gen ahi hi: Ka nuntakna ka lo hi, a kisiasa gam sunga a kinusiate namsau in a puk ding uh hi; khuaneu-a omte gamsa gilote nek dingin ka pia dinga, suanghawm sung le kulh muanhuai sunga omte pulpi in a si ding uh hi.

Ezekiel 5:12

Na mite sehthum suah sehkhat na sungah pulpi-in a sih kei leh a puksi ding uh hi; sehthum suah sehkhat na kulh pua-ah namsau in a si ding uh hi; sehthum suah sehkhat pen huih lakah ka thehthang ding a, namsau kidoksa ka nungdelhsak ding hi.

Ezekiel 5:2

Na umcih hun a bei ni ciangin tua multe sehthum suah sehkhat khuapi sungah mei-in hal in, sehthum suah sehkhat la inla khuapi kimkot tengah namsau-in satnen in. Tua ciangin a sehthum suah sehkhat pen huih na mut lengsak ding hi. Ahang in, amaute namsau doksa in ka delh ding hi.

Daniel 9:12

A kigensate na tangtunsakna-in kote le ka gam-ukte uh tungah siatna lianpi na tungsak zo hi. Jerusalem tungah a tungsa thu bangin vantung buppi nuai-ah khatvei beek a tung ngei nai kei hi.

Amos 5:19

Tua in humpinelkai kihta-in a tai leh vompi a tuak tawh kibang bek dinga, a inn sungah luta kawm ah a khut nga leh gul in a tuk tawh kibang bek ding hi.

Zechariah 11:9

"Ke’n no kong cing nawn kei ding hi. A si nuam si unla, asia nuam sia un; a omlaite khat le khat a sa uh kine uh hen," ka ci hi.

Kilaakna 13:10

Mi khatpeuh saltaang ding ahileh sal taang ding hi. Mi khatpeuh namsau a thah ding ahileh namsau in kithat c ding hi. Hih in misiangte lungduai-a thuakna le muanhuaina a kal hi.