Jeremiah 15:15 - Zokam International Version

¹⁵ TOPA aw, na theitel hi; hong phawk inla hong veh in. Kei hong bawlsiate tungah phu hong laksak in. Nang a lungduai na hi hi - kei hong lakhia kei in; nangma ai-in mawhsakna ka thuak lam ngaihsun in.

LAISIENGTHOU CL Bible (BSI)

¹⁵ Aw Mangpa nang na thei hi; Hing thei ngitnget inlen hing ve inlen, kei hingbawlsete tungah phuba hing lahpiehin, Na thuoh hatna apat in kei hing lamang sinlen, Nangma zieh a selphouna tuoh kahi lam hing thei in.

Zo Bible

¹⁵ Topa aw, nang na thei hi; kei ei phawh inlen ei ve bo in. Kei ei bawlsiete tungah phu ei lahpieh inlen, na thuohzawhna ziehin kei ei sisah sin; nangma zieha hosietna thuoh ka hilam ei thei in.

Jeremiah 15:15 ပူးပေါင်းရင်းမြစ်များ

Nehemiah 13:22

Tua ciangin Levi-te amau le amau kisiansuah uh a, Sabbath a kisianthosak theih nadingin pai-a kongpite a cin nadingun thu ka pia hi. Ka Pasian aw, hih thu ah zong hong phawk inla, a lian mahmah na itna tawh kizui-in kei tungah na lainatna hong lak in.

Nehemiah 13:31

A kiseh huna cih ding sing le biakna le gahmasa-a biakna ding zong ka vaihawmsak hi. Ka Pasian aw, hong angvan inla hong phawk in.

Nehemiah 5:19

Ka Pasian aw, ka hih khempeuh hih mite ading ahi manin kei hong angvanin hong phawk in.

Nehemiah 6:14

Ka Pasian aw, amau nasepnate hangin Tobiah le Sanballat thei in; kei hong lausak ding a hanciam kamsangnu Noadiah le kamsang dangte zong thei gige in.

Job 10:7

Mawhna ka neih loh lam, na khut panin hong honkhia zo kuamah a om loh lam, thei hi lo na hi hiam?

Phatna-late 102:24

Tua ciangin: "Ka Pasian aw, ka nuntak kimtanin kei hong lamang kei in; nang kumte khang tawntungin a kizomsuak ding hi.

Phatna-late 106:4

TOPA aw, na mite tungah na angvanna na lah ciangin kei hong phawk-in, amaute na hotkhiat ciangin kei hong huh in;

Phatna-late 119:84

Na nasempa in bang tanvei kong ngak lai kul ding hiam? Kei hong bawlsiate cik ciangin gawt ding na hi hiam?

Phatna-late 17:3

Ka lungtang kanin zanin kei nong sittel zongin, kei nong zia-et hangin bangmah na mu kei ding hi; ka kam a mawh lo dingin ka khentat khinzo hi.

Phatna-late 39:13

Kei hong kimuhmawhbawl in, kei paikhia-a ka om nawnloh ma-in ka lungnop kik theih nadingin kei hong hawi in," ka ci hi.

Phatna-late 44:22

Tua hi napi nangmah cihna-in sun nilohin sihna ka maituah uh a; a kigo ding tuu bangin kote hong kingaihsun hi.

Isaiah 38:3

"TOPA aw, na mai-ah muanhuaitakin ka om a, ka lungsim neihzahin nangma tungah kong ki-ap hi; nangma muhna ah a hoih a ka gamtat lam hong phawk in," a ci hi. Tuateh Hezekiah kahcih-takin a kap hi.

Jeremiah 12:3

Tua hita leh TOPA aw, kei nong thei a; hong mu-in kong ngaihsutna nong sittel hi. A kisehsat ding tuu bangin amaute kaikhiagawp in! A kigawh ding uh ni ngakin tangkoihkhia in!

Jeremiah 15:10

Kalasai, nu aw, gambuppi mi tawh kilangneih a, mite mawhsak dingin ta a nong neih sese! Sum leitawi loin ba lo napi mite in kei hong hamsiat lai uh hi.

Jeremiah 15:20

Keimah in hih mite adingin kulh, khuapi umna sumngo kulh kong suaksak ding hi; nang hong hu-in hong suaktasak dingin hong ompih ka hi manin amaute in nang hong do uh hangin hong zozo lo ding uh hi," TOPA in cikhia hi.

Jeremiah 17:16

Nangma tuucinna sung panin ka taikhia kei a; siatna ni ka deih loh lam lah na theihsa ahi hi. Ka kama pusuakkhia peuhmah na telsa ahi hi.

Jeremiah 18:23

Ahi hangin TOPA aw, kei thah hong sawmna khempeuh uh nang na thei hi. Amaute khialhna maisak kei inla amaute mawhna nang muhna panin phiatkhiatsak kei in; na mai-ah lawnthal inla na heh hun mahin thuaksak pah ek in.

Jeremiah 20:11

Ahi hangin TOPA in a thahat galhangpa bangin kei hong ompih hi; tua ciangin kei hong bawlsiate muktu-in hong zo lo ding uh hi. Amaute gal lelin zahlak gawp ding uh a, amaute thuman’lohna a kimangngilh ngei kei ding hi.

Jeremiah 20:12

Thahatpen TOPA aw, nang in a thumaante na encian a, lungsim le ngaihsutna na sittel hi, ka thu nang tung hong tun khin ka hi manin, amaute tunga na phulakna kei hong musak in.

Jeremiah 20:8

Ka paukhiat nak leh ngongtatna le siatna ka tangko khia hi. Tua ahi ciangin TOPA kammal ka genkhiatna hangin sun niloh-in hong ki-engko a hong kisimmawh hi.

Tamlawhna 3:64

TOPA aw, a khut-ua a sepsa uh tawh kituakin a thuak dingua kilawm zahin thuk kik in.

Tamlawhna 3:66

Hehsa in amaute delh inla TOPA vante nuai panin amaute susia in.

Matthew 10:22

Keima hangin mi khempeuh in note hong mudah ding uh hi. Ahi hangin a tawp donga kipte kihonkhia ding hi.

Matthew 19:29

Keima hangin a inn, a lo, a sanggamnu, a sanggampa, a nu d, a pa le a tate a nusia peuhmah in, a zah zakhat ngahin nuntak tawntungna zong a luah ding hi.

Luke 21:17

Keima hangin mi khempeuh in note hong mudah ding uh hi.

Rome-te 12:19

Ka lawmte aw, phu na la kei un; Pasian thangpaihna adingin na awnzaw un. Ahang in, Topa in: "Phulakna keima aa ahi hi. Keimah in ka thuk kik ding hi." g ci hi.

Rome-te 8:35

Christ hong itna panin eite kua in hong khenkhia zo ding hiam? Lungmanna, haksatna, bawlsiatna, kialna, silh ding kisapna, lauhuaina, namsaute in hong khenkhia zo ding ahi hiam?

2 Corinth-te 5:11

Tua ahi ciangin kote in Topa kihtakzia ding thei ka hi manun mite zol ding ka hahkat uh hi. Kote ka hi bangun Pasian mai-ah a kiteltakin ka kilang uh a, tua pen mah note in zong na lungsim uh tawh na theihtel ding uh ka lamen hi.

2 Timothy 4:14

Sum sungpa Alexander in nakpi in kei hong bawlsia hi. Ama hihsa tawh kituakin Topa in a thukkik ding hi.

Kilaakna 18:20

Vantung aw, ama hangin nuam in! Misiangte, sawltakpite le kamsangte aw, nuam un! Amah in note hong bawlsiatna hangin Pasian in ama tungah thu khen zo hi,’ ci ding uh hi," a ci hi.

Kilaakna 6:10

Amaute in, "A siangtho le a thumaan Thuneipipen Topa aw, leitunga tengte thu na khen ding le kote sisan phu na lak ma bang tan sawt lai ding hiam?" ci-in nakpi in a kiko uh hi.

Thukhente 16:28

Tua ciangin Samson in TOPA tungah thu ngen a, "Thuneipen TOPA aw, hong mangngilh kei in. Pasian aw, khatvei bekbek hong hatsak kik inla, ka mitte gel hangin Philistia-te tungah nawk khat bekin phu hong lasak in," a ci hi.