Jeremiah 15:14 - Zokam International Version

¹⁴ Note langah a kuang ding ka hehna mei kitawh ding ahi manin, note theihlohna gamsung a khatah sila kong suaksak ding hi," hong ci hi.

LAISIENGTHOU CL Bible (BSI)

¹⁴ Na melmate toh na thei ngailou gam ah, ka hing peisah ding hi, aziehpen ka lungthahna na tunga ka dingin, mei khat akuongdoh ta hi.”

Zo Bible

¹⁴ Na thei khah lo uh gam khatah na galte uh’ na kang semsah ding hi, azieh pen ka lungthahna mei bangin kitawkuong a, mit ngai nawn lo ding hi.

Jeremiah 15:14 ပူးပေါင်းရင်းမြစ်များ

Phatna-late 21:9

Na kilat hun ciangin amaute pummei na bangsak ding hi. TOPA thangpaihna in amaute nawmvalh dinga, ama mei in amaute a hultum ding hi.

Isaiah 42:25

Tua ahi ciangin amaute tungah a hehna kuanglai le a gal ngongtat a sungkhia hi. Meikuang in tuamcip napi amaute in a theitel kei uh hi; amaute kang napi ngaihsutin a nei kei uh hi.

Jeremiah 14:18

Gamsung ah pai leng namsau-a kithatte ka mu a; khuapi sungah pai leng lah kialpi-a puksite ka mu hi. Kamsangte le siampite amau theihlohna gamah a paimang ta uh hi, ‘va ci in," a ci hi.

Jeremiah 15:4

Judah kumpipa Hezekiah tapa Manasseh in Jerusalem a, a bawl thu hangin leitunga kumpi-gamte khempeuh, amaute ka mudahsak ding hi.

Jeremiah 16:13

Tua ahi ciangin hih gam panin note le na pate un zong a theih ngei loh uh gam ah kong lawnkhia dinga, hong angvan nawn lo ding ka hi manin tua lai-ah sun le zanin pasian dangte’ na na sem ding uh hi,’ ci hi.

Jeremiah 17:4

Na mawhna uh hangin kong piaksa gouluahna na taan ding uh hi. Note in ka hehna na tawhkuang uh a, kuangden ding ahi manin na theih ngei lohna uh gam na galte uh tungah sal kong suaksak ding hi."

Jeremiah 4:4

No Judah mite le Jerusalem mite aw, TOPA tungah no le no vun ki-at unla, na lungtang vun uh at un, na tua cih kei uh leh na gitloh gamtatnasate uh hangin ka heh suakin mei bangin kuang dinga - kuama phelh theih lohin a kang ding hi.

Jeremiah 52:27

Hamath gam Riblah munah kumpipa in amaute a thatlumsak hi. Tua ciangin Judah, ama gam panin sal dingin a pai ta hi.

Amos 5:27

Tua ahi manin note Damascus khengin salin kong puak ding hi," ama min TOPA Thahatpen Pasian in a ci hi.

Thupiakkikna 28:25

TOPA in na galte uh mai-ah note hong lelsak ding hi. Amau lam manawhin lam khat in na kuan uh hangin amau kiang pan lam sagihin na taikek ding uh a, leitung kumpi gamte khempeuh ah cikzethuai mahmah na suak ding uh hi.

Thupiakkikna 28:36

TOPA in note le no hong uk dinga na koih uh kumpite, note le na pate un na theih loh uh minamte tungah hong hawlkhia ding hi. Tua lai-ah sing le suang pasian - pasian dangte na bia ding uh hi.

Thupiakkikna 28:64

Tua ciangin TOPA in leimong khat pan mong khat dong minamte lakah note hong thehthang ding hi. Tua lai-ah note in no genloh na pate un zong a theih loh pasian dangte - sing le suang pasiante na bia ding uh hi.

Thupiakkikna 29:23

Gambuppi pen ci le kaat kangvam hi dinga - bangmah kisuan loin bangmah sel lo-a, a tungah anteh sawlbawk a po kei ding hi. Tua in TOPA in heh lua-a a lotthal Sodom le Gomorah, Admah le Zeboim-te siatna tawh kibang ding hi.

Thupiakkikna 32:22

Ka thangpaihna in mei tawhkuang khin ahi manin sihna e leinuai gam dong a kang hi. Tua in leitung le a ante hultum dinga, mualte bulpite a kuangsak ding hi.

Hebrews 12:29

Ahang in, eite Pasian pen a haltum mei ahi hi d.