Jeremiah 14:20 - Zokam International Version

²⁰ TOPA aw, kote in ka gitlohna uh le ka pate uh khialhna ka thei uh a; nang tungah a mawh taktak mah ka hi uh hi.

LAISIENGTHOU CL Bible (BSI)

²⁰ Aw Mangpa ka gitlouna u’leh ka pu leh pate uh, khelnate ka hing phuong uhi, aziehpen na tungah ka khielta uhi.

Zo Bible

²⁰ Topa aw, ka gitlona ule ka pu ka pate uh’ gitlonate kang pulah uhi. Bangzieh ahei cile na tungah kote kang khiel zo ta uhi.

Jeremiah 14:20 ပူးပေါင်းရင်းမြစ်များ

2 Samuel 12:13

Tua ciangin David in Nathan kiangah, "TOPA tungah ka mawh zo hi," a ci hi. Nathan in, "TOPA in na mawhna lakhia khinta hi. Na si kei ding hi.

2 Samuel 24:10

David in galsim thei mite a sim khit ciangin kisuangtak mahmah a, amah in TOPA kiangah, "Ka hihsa ah ka khial mahmah hi. TOPA aw, tu-in na nasempa khialhna nong maisak nadingin kong thum hi. A haihuai na khat ka sem khin hi," a ci hi.

Nehemiah 9:2

Amau omna mun ciatah dingin amaute mawhnate le a pate uh gitlohnate a pulaak uh hi.

Job 33:27

Tua ciangin amah mite kiangah pai-in, ‘Ka mawh khina, amaan pen ka lehbulh khin hi, ahi hangin ka ngah dinga kilawm ka ngah kei hi.

Phatna-late 32:5

Tua ciangin ka mawhna nang kong theisak a, ka khialhna ka im kei hi. "Kei tatkhialhnate TOPA tungah kong pulak ding hi," ka ci-a - tuateh nang ka khialhna hanga mawhsakna nong maisak hi.

Jeremiah 14:7

TOPA aw, ka mawhnate un kote langah teci a pang ta zongin nangma min hangin bang khatpeuh hong hihsak in. Ahang in, kote nungtolhna lian mahmah a, nang tungah kong mawh khin ta uh hi.

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 3:25

Maizumin lumcip ni, i maizumna-in kikhuh ni. Eite le i pate i nih in TOPA i Pasian tungah i mawh khin zo hi; i neu tunga kipan tuni dong TOPA eite Pasian thu i mang kei hi," a ci uh hi.

Jeremiah 8:14

"Bang hangin hih lai-ah tu lailai i hi hiam? I vekin kikaikhawm dih ni! Kulh-a ki-um khuapite ah tai-in tua lai-ah va si mai ni! Ahang in, TOPA eite Pasian in a si dingin hong koih a, i dawn ding gutui hong pia khin hi, tua pen ama tungah i mawh hang ahi hi.

Tamlawhna 1:20

"TOPA aw, hong en dih in, ka lung dong lua mahmah hi! Hong nak langpan lua ka hi manin ka lunggim lua ta a, ka lungsim a kisia hi. A pualam ah namsau-a kithahna hi a, a sunglam ah lah sihna bekbek ahi hi.

Tamlawhna 3:42

"Kote ka mawh uh hi, kong lehdo khin uh a, ka mawhna uh nong maisak kei hi.

Tamlawhna 5:7

Ka pate un mawhna bawlin amaute lah om nawn lo uh a, amaute thuak ding dan kote in ka thuak uh hi.

Daniel 9:15

"Tu-in a mite Egypt pan a khut thahat tawh a lakhia tuni dongin a min a kipsak den Topa Pasian aw, kote mawh in ka khial zo uh hi.

Amos 7:2

Tuate in gamsung khempeuh a gaih siang khit ciangin,"Thupipen TOPA aw, a mawhna maisak hoh in! Jacob in bangci thuak zawh ding ahi hiam? Amah neu lua mahmah hi lo hiam?" ci-in ka awngkhia hi.