Jeremiah 14:2 - Zokam International Version

² "Judah thum hi, a khuapite maimang kuankuan ta hi; amaute in a gam uh kah uh a, Jerusalem panin kahna gingkhia hi.

LAISIENGTHOU CL Bible (BSI)

² “Juda in asuun a, akulkotpite anguita hi; Gamsung suun in kap in amau ua, Jerusalem kaa aw ging azamtou hi.

Zo Bible

² Judah kap a, a kul tunkotte maimang kuon ta hi; lungzuong khuongai-in amate tuolah a bawh vua, a tung lamah Jerusalem-te’ kaana awging kato hi.

Jeremiah 14:2 ပူးပေါင်းရင်းမြစ်များ

Job 34:28

Amah in a tasamte kahna a zak theih nadingin, mizawngte kahna ama mai-ah tungsak hi.

Phatna-late 144:14

ka bawngtalte un vangik b a kai ding hi. Kulh vanna mun om lo dinga, sal-a kikai zong om loin, kongzing ah lungdong a kahna zong a om kei ding hi.

Paikhiatna 2:24

Pasian in amau thumna za a, Abraham tawh Isaac tawh Jacob tawh a thukhun a phawk hi.

Isaiah 15:5

Ka lungsimin Moab ka kahkhia hi; a kidelh khia galtaite Zoar ciang dong, Eglath Shelishiyah ciangdong a tai uh hi. Amaute a kah kawmkawmun Luhith paina lampi dong a paito uh hi; Horonaim lampi ah amaute kisiatna tamlawhin a nei uh hi.

Isaiah 24:11

Zu duhin lamdungah kiko uh a; lungnopna khempeuh lungzinna suakin gualnopna khempeuh leitung panin a kinawhmang hi.

Isaiah 24:4

Leitung vulin keucip a, leitung thanemin vulgawp a, leitunga kitawisangte a thanem uh hi.

Isaiah 24:7

Zuthakte keucip in lenggui a vul hi; a gualnuam khempeuh a tau uh hi.

Isaiah 3:26

Zion kongpite taamlo-in thum ding uh a; a hawm guakin tuanu leitual ah a tu ding hi.

Isaiah 33:9

Leitang thumin c a tulgawp hi, Lebanon maizumin a vul hi; Sharon, Arabah tawh kibang a, Bashan le Carmel a teh uh pulh hi.

Isaiah 5:7

Thahatpen TOPA’ lenggui lo pen Israel innkuan hi-a, a lungtunna huan lah Judah mite ahi hi. Amah in a thutang dingin lamen napi sisan luanna a mu hi; thumaanna a lamet hangin lungdonga kahna a za hi.

Jeremiah 11:11

Tua ahi ciangin TOPA thugen hih ahi hi: ‘Amaute tungah gimna ka tungsak dinga, amaute a suakta kei ding uh hi. Amaute in kei hong ko in a kiko uh zongin a thugen uh ka ngai kei ding hi.

Jeremiah 12:11

Lotul kisuaksakin lei gawtakgawp a, ka muhna-ah kinusia-in a kem ding om lo ahi manin gambuppi kinusiacip hi.

Jeremiah 12:4

Bangtan vei gamsung vuaigawpin a lo sunga lopate vulgawp lai ding ahi hiam? Bang hang hiam cih leh tua gama tengte gilo uh a, vasate le gamsate mangthang khin ta uh hi. Tua tham loin mite in, "Ei tunga piangte hong mu kei na’nteh," ci uh hi.

Jeremiah 18:22

Amaute thakhata sim ding na kuansak ciangin a innte uh panin kahna aw kizasak in, ahang in, kei mat nading dum to uh a, ka khe awk nadingin thang siah sim uh hi.

Jeremiah 4:28

Tua ahi ciangin leitung thum dinga, tunga vante a mial ding hi; bang hang hiam cih leh ka gensa hi-a ka khiam kei ding hi; ka khensatsa ka dok kik kei ding hi," a ci hi.

Jeremiah 46:12

Na maizumna minamte in za ding uh a, na kahna leitung a dim ding hi. Galhangte khat le khat kipalkha ding uh a; a nihun a tukkhawm ding uh hi," a ci hi.

Jeremiah 8:21

Ka mite a kigawibawl nungsang, kei hong kigawi hi a; kei thumin lungkhamna in hong lencip hi.

Tamlawhna 2:8

TOPA in Zion Tanu kimkota kulhte balzan ding a sawm zo hi. Amah in tehna ciangin teh khin a, susia lo dingin a khut a tonsak kik kei hi. Amah in leician le kulhte taamlosak a; a susiamang khawm hi.

Tamlawhna 2:9

A kongpite lei sungah tumin a kalhnate sutan a, a susia hi. A kumpipa le a kumpi tapate minamte lakah salin kikai a, thukham om nawn loin kamsangte in TOPA tung pan mang a mu nawn kei uh hi.

Tamlawhna 5:10

Ka vun uh meikhuk bangin sa a, gilkialin ka nattun uh hi;

Hosea 4:3

Hih thu hangin leitang thum b in, a tunga teng khempeuh a maimang hi; gam sunga gamsate, huih lak-a vasate le, tuipi sunga ngasate a si ding uh hi.

Joel 1:10

Lote kisia khin a leitang keucipin d lo-a ante kisusia-a, zuthak kangta in, sathau a om nawn kei hi.

Joel 1:11

Lokhote aw, dah un; lenggui cingte aw, thum un; mangbuh le mangbuh-ham cingte aw, dah un; bang hang hiam cih leh lo-a an lak ding khempeuh kisia ta hi.

Joel 1:14

A siangtho antan sawmin a siangtho kikhop khat sam un. TOPA note Pasian inn ah upate le gama teng mite khempeuh khawm unla TOPA tungah kikokhia un.

Joel 2:6

Amaute a kimuh ciangin minamte lau lua uh hi; maitang khempeuh daanggawp hi.

Haggai 1:11

Keimah in lote le mualliante tung, ankungte tung, lenggui thak, sathau le lei pana piangte peuhmah, mihingte le ganhonte le khuta na sep uh nate khempeuh tungah guah ka haang hi," a ci hi.

Zechariah 7:13

"Thahatpen TOPA in, ‘Ka sap ciangin amaute in ka thu a ngai nuam kei uh hi; tua ahi ciangin amaute in kei hong sap uh ciangin ka ngai kei ding hi,’ ci hi.

1 Samuel 5:12

A si lote meimatum veisaka, khuapi sunga linglawnna aw vantungah a tungto hi.

1 Samuel 9:16

"Zingciang tu bang hunin Benjamin gam pan mi khat kong paisak ding hi; ka mi Israel tungah makai dingin sathau nilh in; amah in Philistia-te khut panin ka mite a hukhia ding hi. Ka mite kikona kei tung hong tung ahi manin amaute ka mu khin zo hi," a ci hi.