Jeremiah 14:14 - Zokam International Version

¹⁴ Tua ciangin TOPA in kei tungah, "Kamsangte in kei minin zuauthu a gen uh hi. Amaute ka sawl kei a, zong ka hopih kei hi. Amaute in note tungah a maan lo mangmuhna, aisanna, milim biakna a le amau lungsima suakte hong gen uh ahi hi.

LAISIENGTHOU CL Bible (BSI)

¹⁴ Tualeh Mangpa’n ka kungah, “Guolneiten ka min in zuou thu agen uhi. Ken amauh ka sawl sih a, thu ka pekha sih a, akung uah thu zong ka genkha sih hi; Amaun na kung uah kilahna dihloute leh dawi aisante leh silphatuomlou leh alungtang lepchienate uh agen zaw uhi.

Zo Bible

¹⁴ Topa in keima kungah tam bang ci hi: kamsangte in keima’ min suongin zuouthu a gen uhi; amate ka sawl kha sih a, thu zong pie loin zong ka hopi kha sih hi. Amate in note tungah a manlo mangmuna, kimanna a nei lo aisanna, le a ngaisuttawm uh zuouthute ang gen uh ahi bo hi.

Jeremiah 14:14 ပူးပေါင်းရင်းမြစ်များ

Isaiah 56:10

Israel galvilte a mit uh taw a, amaute khempeuh in bangmah a thei kei uh hi; amaute khempeuh a ham thei lo ui hi uh a, a tawng thei kei uh hi; lup bek si uh a, mang manmanin ihmut nuamsa uh hi.

Isaiah 9:15

a upate le a zahtak baangte a lutang hi-a, zuauthu a hilh kamsangte a mei ahi hi.

Jeremiah 20:6

galvan matin la-in lamang ding uh a, Babylon ah a tun ding uh hi. Tuateh nang Pashhur le na inn a na ompih khempeuh Babylon ah salin hong kikai ding hi. Tua lai-ah nang le na lawmte in zuau kamsanga na genna uh mite khempeuh na si ding uh a, hong kivui ding hi,’ ci in," hong ci hi.

Jeremiah 28:11

mi khempeuh mai-ah, "TOPA gen hih ahi hi: ‘Hih tawh kibangin minam khempeuh ngawng-a Babylon kumpipa Nebuchadnezzar hakkol kum nih sungin kikuaitan ding hi,’ ci hi," a ci hi. Tua khitteh kamsang Jeremiah in a paikhiatsan hi.

Jeremiah 28:13

Pai inla Hananiah tungah, ‘TOPA gen hih ahi hi: Sing hakkol na kuaihtan hangin tua mun sik hakkol in ka laih ding hi.

Jeremiah 28:15

Tua ciangin kamsangpa Jeremiah in kamsangpa Hananiah tungah, "Hananiah aw, na ngai dih in! TOPA in nang hong sawl lo napi zuauthu a muang dingin hih minam na zol hi.

Jeremiah 29:21

Israel Pasian Thahatpen TOPA in, keima minin no tungah zuauthu hong hilhin Kolaiah tapa Ahab le Maaseiah tapa Zedekiah-te tawh kisai-a a gen hih ahi hi, "Amaute Babylon kumpipa Nebuchadnezzar tungah ka pia dinga, amah in note muh tektek in a that ding hi.

Jeremiah 29:31

"Hih thupuak saltang khempeuh tungah khak in: ‘Hih in Nehelam-te Shemaiah thu TOPA gen ahi hi: Shemaiah in kei sawl lohpi thu hilh a, zuauthu note hong umsak ahi manin

Jeremiah 37:19

Nang tungah thu hong gena, ‘Babylon kumpipa in nang ahikeh hih gam hong sim lo ding hi,’ a ci na kamsangte koi-ah om ahi hiam?

Jeremiah 5:31

Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

Jeremiah 8:10

Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

Jeremiah 8:11

Amaute in ka mite liamma a nasia lo bangin tuamsak uh a kilemna om lopi, "Kilemna, kilemna," a ci uh hi.

Tamlawhna 2:14

Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.

Tamlawhna 2:9

A kongpite lei sungah tumin a kalhnate sutan a, a susia hi. A kumpipa le a kumpi tapate minamte lakah salin kikai a, thukham om nawn loin kamsangte in TOPA tung pan mang a mu nawn kei uh hi.

Ezekiel 12:24

Ahang in, Israel mite lakah mangmuhna zuau ahikeh aisanna zuau a om nawn kei ding hi.

Ezekiel 13:2

"Mihing tapa aw, tu huna kamsang Israel kamsangte langah kam sang in. Amaute ngaihsutna-a suakte kamsanga kineite tungah: TOPA kammal za un!

Ezekiel 13:23

Tua ahi manin a maan lo mang na mu nawn kei ding uh a, amaan lo ai na san nawn kei ding uh hi. Note khut panin ka mite ka honkhia ta ding hi. Tua ciangin keimah TOPA ka hilam na thei ding uh hi,’ ci-in gen in," hong ci hi.

Ezekiel 21:29

Nang tawh kisai a man lo mangmuhna le zuau ai sannate tangin a ni tunga a dan thuak ding hun a khengval ta, thahlup ding mi gilote ngawng ah kinga ding hi.

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Zechariah 10:2

Milimte in zuau kam pau-in, khongkhaite in mangmuhna-zuau mu uh hi; amaute in amaan lopi-in mang khia uh a, a mawkna-in a hehnem uh hi. Tua ahi ciangin mite tuu bangin vakzau uh a, a cing nei lo tuu bangin amaute a kinengniam hi.

Zechariah 13:3

Mi khatpeuh in mailam thu a gen lai leh a pianna a nu le a pa in, ‘TOPA minin zuau phuak na hi manin na sih kul ding hi,’ ci ding uh hi. Mailam thu a gen ciangin a nu le a pate in amah dawtlum ding uh hi.

Thupiakkikna 18:20

Ahi hangin kamsang khat in kei thupiak lohpi-in kei minin thu khatpeuh a gena, ahikeh kam sangin adang pasiante minin thu a gen leh kithat pelmawh ding hi," a ci hi.

1 Timothy 4:2

Tua bang hilhnate kineihsiam mi zuaute tungtawna hong pai hi-a, amau lungsim kitheihna siksa-a bikton tawh kibang ahi hi.

1 John 4:1

Kong it lawmte aw, kha khatpeuh um kei un; ahi hangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un.