Jeremiah 14:12 - Zokam International Version

¹² An a tan uh hangin amau kikona ka ngai kei dinga, meihal biakna le an-a biakna hong piak uh hangin ka sang kei ding hi. Tua sangsikin amaute namsau, kialpi le pulpi in ka susia ding hi," hong ci hi.

LAISIENGTHOU CL Bible (BSI)

¹² Ann angawl chiengun akikou uh ka ngaikhe sih dinga, halmang sillat leh ann sillat alat chieng un ka pomsih ding hi. Hinanleh amaute, namsau in, kielin tualeh natna hi in ka thatgam ding hi,” achi hi.

Zo Bible

¹² Amate in an a tan vangun amau’ thumna ka zahpieh sih a, amate in meihal biehna le an tawh biehna ang tawi vangun zong tuate ka sanpieh tuon sih hi; tuale mahin keima in namsau, kielpi, le pulnatna tawh amate ka sisah hi.

Jeremiah 14:12 ပူးပေါင်းရင်းမြစ်များ

Job 27:9

Lungdonna a tuah ciangin a kikona Pasian in ngai ahi hiam?

Paunakte 1:28

"Tua ciangin amaute in kei hong sam ding uh a, ka dawng kei ding hi; kei hong zong ding uh a, hong mu kei ding uh hi.

Paunakte 15:8

Migilote biakpiakna TOPA in kih a, a thutang mite thungetna in amah lungkimsak hi.

Paunakte 21:27

Migilote’ kithoihna kihhuai hi - ngimna hoih lo tawh a puakte nak kihhuai zaw ngel ve!

Paunakte 28:9

Thukham a za nuam lo peuhmah a thungetna nangawn kihhuai hi.

Isaiah 58:3

Amaute in, ‘Bang hangin nang muh lohin an tang ka hi uh hiam? Nang theih lohin bang hangin kote kiniamkhiat ka hi uh hiam?’ ci uh hi. "Tua hi napi na antan ni-un no nopsak bangin na na sem uh a, na nasemte khempeuh uh na nuaisiah uh hi.

Jeremiah 11:11

Tua ahi ciangin TOPA thugen hih ahi hi: ‘Amaute tungah gimna ka tungsak dinga, amaute a suakta kei ding uh hi. Amaute in kei hong ko in a kiko uh zongin a thugen uh ka ngai kei ding hi.

Jeremiah 11:14

"Hih mite adingin ngetna le thumsakna khatpeuhpeuh ahi zongin nei kei in, bang hang hiam cih leh amaute lungdongin hong sap uh ciangin ka ngai kei ding hi.

Jeremiah 15:1

Tua ciangin TOPA in kei kiangah, "Moses le Samuel ka mai-ah hong ding zawzen uh zongin hih mite lamah ka lungsim a nga tuan kei ding hi. Ka muhna panin amaute hawlkhia in! Paikhiasak in!

Jeremiah 16:4

"Amaute sih-natna in a si ding uh hi. Amaute kuamah in kah loin kuamah in zong vui lo dinga, leilakah a ki-ek nusiat ding hi. Amaute namsau le kialpi-in simang ding uh a, a misiluangte uh huihlak vasate le leitung ganhingte an a suak ding hi," a ci hi.

Jeremiah 21:6

Hih khuapi sunga teng - a mihing a ganhingin ka sattukkhawm dinga - amaute a lauhuai pulpi-in a si ding uh hi.

Jeremiah 24:10

Amaute tungah namsau, kialpi le pulpi ka sawl dinga amaute le a pate uh ka piaksa gam pan amaute a susia ding hi,’ ci-in gen in," hong ci hi.

Jeremiah 32:24

"En in, khuapi lak nadingin leivumte in ki-umcih ta hi. Namsau, kialpi le pulpi hangin amaute a sim Babylon mite tungah khuapi kipia ding hi ta hi. Tu-a na muh bangin na gensate tung ta hi.

Jeremiah 6:20

Bang dingin Sheba pana gimnamtui le gamlapi pana sing namtui thusim ding ka hi hiam? Na meihal biaknate uh kisang thei lo a, nong biakpiaknate un kei hong lungkimsak kei hi," hong ci hi.

Jeremiah 8:13

" ‘A khopsa uh ante ka lakmangsak ding hi, TOPA in cikhia hi. Lenggui tungah lenggah a gah kei ding hi. Theikungte gah nawn lo dinga a tehte keu ding hi. Amau ka piaksate ka laksak ding hi,’ a ci in," a ci hi.

Jeremiah 9:16

Amaute theih loh a pate un zong a theih tuan loh uh minamte lakah ka thehthang dinga, amaute ka siatsak khit matengin namsau-in ka nungdelh ding hi," a ci hi.

Ezekiel 14:19

"Ahi kei leh tua gam sungah pulpi tungsakin ka thangpaihna sisan luanna-in zangin khua sungah mihing ganhing thatsak leng

Ezekiel 14:21

"Ahang in, Thupipen TOPA thugen hih ahi hi: Jerusalem ah a sunga mihing ganhing a that dingin a lauhuai ka thukhenna nam li - namsau, kialpi, gamsa gilo le pulpi-te ka tunsak ciangin siahuai si incia!

Ezekiel 8:18

Tua ahi manin amaute ka hehna ka thuaksak ding hi; Hehpihna tawh en loin ka zah tuan kei ding hi. Ka bil ah hong kiko uh hangin a gen uh ka ngai kei ding hi," hong ci hi.

Hosea 5:6

TOPA zong dingin amaute a tuuhonte uh le a bawnghonte uh tawh a kuan uh ciangin amah a mu kei ding uh hi; amaute kiang panin amah nungkik zo hi.

Amos 5:21

"Na biakna pawite uh mudahin ka simmawh hi; na kikhopnate uh ka cimtak hi.

Micah 3:4

Tua ciangin amaute TOPA tungah kiko ding uh a, ahi hangin a dawng kei ding hi. Amaute gamtatsia uh ahi manin tua hun ciangin amaute panin a maitang a sel ding hi.

Zechariah 7:13

"Thahatpen TOPA in, ‘Ka sap ciangin amaute in ka thu a ngai nuam kei uh hi; tua ahi ciangin amaute in kei hong sap uh ciangin ka ngai kei ding hi,’ ci hi.

Malachi 1:10

"Biaknatau tungah bangmah a kimang lo mei na vak loh nadingun note khat in biakinn kongkhakte khak zaw un! Note tungah ka lung a kim kei hi," Thahatpen TOPA in ci a, "Na khutte panun biakna kong sang kei ding hi.

Malachi 2:13

Na sep lai uh adang khat in: TOPA biakna-tau khitui na tuumsak uh hi. Amah lungkim loin biakna-a na piakte uh na khut panun hong sang loin zong thudon nawn lo ahi manin kapin na thum uh hi.

Kilaakna 6:8

Ka en a, ka mai-ah sakol daang khat a na om hi! A tunga tuangpa min Sihna kici hi-a, Gawtmun in a nung mahmah ah a zui hi. Amaute in leitung seh li suah seh khat, namsau, kialpi, pulpi le leitung gamsate-a a thah theih nadingin vang liatna kipia hi.