Jeremiah 14:10 - Zokam International Version

¹⁰ Hih mite tawh kisai-in TOPA gen hih ahi hi: "Amaute in pai kawikawi nuamsa mahmah uh a; a khe uh a dek zo kei uh hi. Tua ciangin TOPA in amaute sang lo a; tu-in a gitlohnate uh ciamtehin a mawhnate uh hangin dan a tuaksak ding hi," a ci hi.

LAISIENGTHOU CL Bible (BSI)

¹⁰ Mangpa’n tam mite kungah tambangin agen hi: “Amauten tambanga vahvai a ut ua, akalsuon uh akideh zousih uhi. Tuaziehin Mangpa’n amauh a pom thei sih a, Tuin Aman agitlouna uh athei ngitnget ding a, akhelnate uh agawt ding hi.”

Zo Bible

¹⁰ Tam mite tawh kisai-in Topa in tam bang ci hi: amate a vahthap nuom vua, a kengte a tu zo sih uhi; tua ziehin Topa in amate a pom sih a, tu-in a tawnkhielnate uh phawhin a khielnate ziehun dan a pie ding hi.

Jeremiah 14:10 ပူးပေါင်းရင်းမြစ်များ

1 Kumpite 17:18

Tuanu in Elijah kiangah, "Pasian mipa aw, kei tungah bang lungkim-lohna nei na hi hiam? Ka mawhnate hong phawksak kik ding le ka tapa that dinga hong pai na hi hiam?" a ci hi.

Phatna-late 119:101

Na thu ka man theih nadingin asia lampi peuhmah ka peel hi.

Phatna-late 95:10

Tua khangte tungah kum sawmli sung ka heh a, "Amaute lungsim lampialsate hi uh a, ka lampi a thei kei uh hi," ka ci hi.

Paikhiatna 32:34

Tu-in pai inla kong gensa munah mipite makaih in, na mai-ah ka vansawltak a pai ding hi. Ahi ta zongin ka dantat ding hun a tun ciangin amaute mawhna hangin ka dantat ding hi," a ci hi.

Jeremiah 2:36

Bang hangin na lampite khelin tua zahta tung mawk na hi hiam? Assyria na maizumpih bangin Egypt na maizumpih ding hi.

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 31:34

Kuamah in a vengte ahi zongin a sanggampa ahi zongin hilhin, ‘TOPA thei in’ a ci nawn kei ding hi; bang hang hiam cih leh amaute in a neupen pan a lianpen dongin kei hong thei ta ding uh hi,’ TOPA in ci hi. Ahang in, amaute gitlohnate ka maisak dinga, amawhnate uh ka ciamteh nawn kei ding hi," a ci hi.

Jeremiah 6:20

Bang dingin Sheba pana gimnamtui le gamlapi pana sing namtui thusim ding ka hi hiam? Na meihal biaknate uh kisang thei lo a, nong biakpiaknate un kei hong lungkimsak kei hi," hong ci hi.

Jeremiah 8:5

Tua ahileh bang hangin hih mite pialmang uh ahi hiam? Bang hangin Jerusalem in lamkhial suak ahi hiam? Amaute in zuauthu lenkip uh a, kileh kik ding a nial uh hi.

Ezekiel 29:16

Israel mite adingin Egypt-te a muan bulpi uh ahi ngei nawn kei ding hi. Ahi hangin a huh ding deih ama lam a nga peuhmah adingin mawhna phawksakna hi ding hi. Tua ciangin amaute in keimah Thupipen TOPA ka hilam hong thei ding uh hi,’ ci in," hong ci hi.

Hosea 11:7

Ka mite in kei kiang pan kiheisan hong sawm teitei uh hi; Sangpen Pa a sam zawzen uh zongin amah in amaute a tawisang peuhmah kei ding hi.

Hosea 11:9

Ka hehluatna ka tungsak nawn kei dinga, Ephraim zong ka sumaimang kik nawn kei ding hi. Keimah mihing hi loin Pasian ka hi a - note laka om Siangtho Pa ka hi hi. Thangpaisa c in kong pai kei ding hi.

Hosea 7:13

Ka kiang panin amaute lampial uh ahi manin gimna thuak ta uh hen! Amaute in kei hong lehdo uh ahi manin amaute tungah siatna tung ta hen! Amaute ka tatkhiat nop hangin kei langkhatah zuauthu a phuak uh hi.

Hosea 7:2

Ahi hangin amaute in a mau gamtat sia khempeuh ka ciamteh lam a phawk kei uh hi; a mawhnate un amaute valhcip a, ka mai ah a om den uh hi.

Hosea 8:13

Amaute in kei tungah hong kipia biaknate hong pia-in a sa ne uh a, ahi hangin tuate ah TOPA a lungkim kei hi. Tu-in amah in amau gitlohnate ciamteh dinga, a mawhnate uh dan pia ding hi. Amaute Egypt ah kileh kik ding uh hi.

Hosea 9:9

Gibeah hun bangin kisiatna sungah amaute thukpi a tumsuk khin uh hi. Pasian in amau gitlohnate ciamtehin, amau mawhnate hangin dan a tuaksak ding hi.

Amos 3:2

"Leitung a innkuan khempeuh panin note bek kong teel hi; tua ahi manin na mawhna khempeuh uh hangin dan kong pia ding hi," a ci hi.

Amos 5:22

Meihal biakna le an-a biakna nong puak uh zongin tuate kong sang kei ding hi. Kilawmtakna biakna a tuam nong puak uh hangin tuate ka thusim kei ding hi.

Hebrews 8:12

Ahang in, amaute gitlohna ka maisak dinga, a mawhnate uh ka ciamteh nawn kei ding hi," e ci khin hi.

1 Samuel 15:2

Thahatpen TOPA thugen hih ahi hi: ‘Amaute Egypt pan a paikhiat toh lai-un lamkala Israel tungah Amalek-te a gamtatna uh hangin dan ka thuaksak ding hi.