Jeremiah 13:11 - Zokam International Version

¹¹ Ahi hangin kawnggak pen mihing kawng kimkot ah a kigak bangin Israel innkuan bup le Judah innkuan bup ka mi ding, ka minthan nading, hong kiphat nading le hong kipahtawi nadingin ka kawnga ka gak ahi hi. Ahi hangin amaute in thu a ngai kei uh hi," TOPA in cikhia hi.

LAISIENGTHOU CL Bible (BSI)

¹¹ Aziehpen kawnggah khu mihing kawnga abel chinten bangin, Israel innkuon pumpi leh Juda innkuon pumpi, ka mite hi ding leh, ka minthanna, ka pahtawina leh ka thupina ahi theina dingun, ka kunga bel chinten dingin ka bawl a, hinanleh amaun angaikhe nuom sih uhi, Mangpa’n achi hi.

Zo Bible

¹¹ Bangzieh ahei cile mite’ kawngah tua puon kawngten a beh cihteh bangin, keima’ mi ding, keima’ minthanna ding, keima ei kiphat nading, le keima’ thupi nadingin keima tungah Israel innkuon bup le Judah innkuon buppi ka behsah cihteh ding hi, Topa in ci hi. Ahi vangin amate in ka thu a ngai sih uhi.

Jeremiah 13:11 ပူးပေါင်းရင်းမြစ်များ

Phatna-late 135:4

Ahang in TOPA in ama adingin Jacob teel khin a, ama neihsa a goupi dingin Israel a teel khin hi.

Phatna-late 147:20

Amah in minam dangte adingin hih na sem lo a; amaute in a thukhamte a thei kei uh hi. TOPA phat un.

Phatna-late 81:11

"Ahi hangin ka mite in ka thu ngai lo uh a; kei tungah Israel hong kiniamkhiat lo hi.

Isaiah 43:21

tua pen kei mahmah in ka bawlsa, ka teelsa ka mite in kei phatna a tangko theih nadingun amaute dawn dinga ka piak ahi hi.

Isaiah 62:12

Amaute, Mi Siangtho, TOPA Tatsate kici dinga, nang, Zonkhiat, nusiat ngei nawn loh Khuapi, hong kici ding hi.

Jeremiah 13:1

TOPA in kei tungah hong gen hih ahi hi: "Pai-in puan kawnggak khat lei-in na kawng gak inla, tui tawh kisawhkhasak kei in," hong ci hi.

Jeremiah 13:10

Hih a gilo mite in ka thu ngai nuam lo uh a, amau lungtang khauhna zui-in a na semin a biak uh pasian dangte a zuite hih kawnggak tawh kibangin - kimanna a nei kiuhkeuh kei ding uh hi!

Jeremiah 13:12

"Amaute kiangah gen in: ‘Hih in Israel Pasian TOPA gen ahi hi: Savun- um peuhmah zu na dim ding hi,’ Tuateh amaute in, ‘Savun-um peuhmah zu dip ding kote in thei lo ka hi uh hiam,’ hong cih uh leh

Jeremiah 19:15

‘Hih in Israel Pasian Thahatpen TOPA gen ahi hi: ‘Ngai un! Amaute ngawng khauh uh a, ka thugente ngai lo uh ahi manin hih khuapi le a kima om khuaneute tungah amau tungah tunsak dinga ka gensa gimna ka tungsak ta ding hi,’ ci hi," a ci hi.

Jeremiah 32:20

Nangmah in Egypt ah a lamdang limte le nalamdangte na laka, Israel-te le mihing khempeuh lakah a kibangin tuni dong na lak lai-a, na min a thang lailai hi.

Jeremiah 33:9

Tua ciangin hih khuapi in ama tunga na hoih ka bawlte a za minam khempeuh mai-ah hong minthangsak, hong lungnuamsak hong phatin hong pahtawi dinga; a tunga ka piak vangphatna le lemna hangin lau-in a ling ding uh hi,’ ci hi.

Jeremiah 6:17

Note hong vil ding mi ka koih a, ‘Pengkul aw ngai un!’ ka ci hi. Ahi hangin, ‘Ka ngai kei ding uh hi,’ na ci uh hi.

Jeremiah 7:13

Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi.

Jeremiah 7:23

ahi hangin amaute tungah: Ka thu hong mang un, keimah note Pasian ka hi dinga note keima mite na hi ding uh hi. Note na nopsak theih nadingun kong thupiaknate khempeuh zui un, ci-in thu ka pia hi.

Jeremiah 7:24

Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Amos 3:1

Israel mite aw, note langkhata TOPA thugen hih thu za un - Egypt pana kong paikhiatpih innkuante aw, hih thu ngai un:

Luke 10:11

‘Ka khepek-ua bang na khua-ua leivuite nangawn no langa pang dingin ka phiatkhia uh hi. Ahi ta zongin Pasian-gam hong nai ta hi, cih na tel un,’ ci un.

Thupiakkikna 26:18

Tua banah tuni-in TOPA in hong ciamsa bangin note ama mi, ama gou na hi uh a, a thupiak khempeuh na zuih dingun hong gen khin hi.

Thupiakkikna 26:19

Amah in a bawlsa minamte khempeuh tung pekah a kiphatzaw, a minthangzaw, a kipahtawizaw in hong koih dinga, ama hong ciamsa bangin TOPA note Pasian mi siangtho na suak ding uh hi.

Thupiakkikna 4:7

TOPA eite Pasian tungah thu i nget peuhpeuh ciangin i kiangah a om bangin, amau pasiante a kianga om bang minam lian om ahi hiam?

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.