Jeremiah 12:16 - Zokam International Version

¹⁶ Tuateh ka mite omzia a sin ding uh a, Baal tunga kiciamzia ding ka mite nangawn a hilh bangun - ‘TOPA nuntakna lo-in,’ ci-a na kiciam uh leh - tua ciangin ka mite lakah amaute ka kipsak pan ding hi.

LAISIENGTHOU CL Bible (BSI)

¹⁶ Tualeh tambang a hing hi ding: Baal kunga ka mite kichiem azilsah mabang ua ka min siel a, Mangpa ahing hi chia, kichiem akizilsah ua, ka mite umdan pilvangtah a azilsah u’leh, ka mite lah ah tunding in a um ding uhi.

Zo Bible

¹⁶ Tua ciengin Baal’ min tawh a kiciem dingin ka mite a sinsah ma bangun, amate in “Topa a hing ahi ma bangin,” ci-in keima’ min tawh a kiciem dingin ka mite’ omdante kintahin a sin uleh, ka mite lahah amate kiptahin a om ding uhi.

Jeremiah 12:16 ပူးပေါင်းရင်းမြစ်များ

Zailate’ Zaila 1:8

Lianu zatam lai-a duang kikhaipen aw, na thei kei leh tengkhawi tuute nuaciang sulbang na zui inla, tuucingte limbuk siangah na lengkeel note tawh bual ve aw.

Isaiah 2:3

Mi tampite pai-in, "Hong pai un, TOPA’ mual tung Jacob Pasian inn ah va paito ni. Amah in a lampite i zuih theih nadingin eite hong hilh ding hi," ci ding uh hi. Zion panin thukham hong paikhia dinga, Jerusalem panin TOPA kammal hong paikhia ding hi.

Isaiah 42:6

"Keimah TOPA in thumaanna tawh nang kong sam khin hi; na khut ka lenkip ding hi. Nang hong kemin mite adingin thukhun Gentile-te adingin khuavak kong suaksak ding hi.

Isaiah 45:23

Kei mahmahin keimah ka kiciam khina, a kidokkik nawn lo ding kammal khat cihtakna tawh ka kamin ka genkhia khin hi: Keima mai-ah khuk khempeuh khukdin dinga, kei tungah lei peuhmah a kiciam ding uh hi.

Isaiah 49:6

amah in: "Jacob behte ciahpih kik ding le ka kepsa Israel-te puak kik ding a sempa na hina nang adingin neu lua hi. Ka hotkhiatna leimongte dongin na puak theih nadingin Gentile-te adingin zong khuavak kong suaksak ding hi," hong ci hi.

Isaiah 65:16

Leitungah thupha a ngen peuhmah in thutak Pasian suangin a hih ding hi; leitungah a kiciamte in thutak Pasian ah tomlo ding hi. Ahang in, a beisa-a lungkhamnate kimangngilhin ka mit panin kisel ta ding hi.

Jeremiah 16:19

Ka thahatna, ka kulh muanhuai le ka lungdon huna ka bukna TOPA aw, leimongte panin minamte nang kiangah hong pai uh a, "Ka pate un pasian maan lo le kimanna a nei lo, a hoih a bawl thei lo milimte longal bangmah a nei kei uh hi.

Jeremiah 18:8

tua ka vauhilh minamte a gitlohna panun a kisik uh leh tua ciangin ka khel kik dinga, ka geelsa siatna ka tuaksak kei ding hi.

Jeremiah 3:17

Tua hun ciangin amaute in Jerusalem, TOPA Tokhom ci ding uh a, TOPA min pahtawi dingin Jerusalem ah minam khempeuh a kikhawm ding uh hi. Amaute in a lungsim gitloh-tentenna uh a zui nawn kei ding uh hi.

Jeremiah 4:2

thumaan thutang le a maan lampi ah tomlo in, "TOPA nuntakna ka lo hi" ci-a na kiciam nak uh leh tua ciangin amah in minamte thupha pia dinga amaute ama sungah a minthang ding uh hi," ci hi.

Jeremiah 5:2

Amaute in, ‘TOPA nuntakna ka lo hi,’ ci-in a kiciam uh hangin tu nangawnin a khialpi-a tomlo ahi uh hi.

Jeremiah 5:7

"Bang hangin na mawhna uh hong maisak ding ka hi hiam? Na tate un kei hong mangngilh khin uh a, pasian a hilo pasian tawh a kiciam uh hi. Amaute kisapna teng ka piak hi napi, amaute in angkawm teitei uh a, numei paktatte inn ah a honin a om uh hi.

Jeremiah 6:16

TOPA thugen hih ahi hi: "Lamkabomte ah dingin en unla, tanglai lampite dong un, lam hoih koi pen hiam cih dongin tawnpah un, tua ciangin na hinna un tawldamna a mu ding hi. Ahi hangin, ‘Tua lampi tawn dah ni," na ci uh hi.

Zephaniah 1:5

innkhum tungah kah a, aksi honte bia-a kunte, TOPA tawh kiciama a kunte le Molech b tawh a kiciamte zong,

Zechariah 1:6

Ahi hangin ka nasem kamsangte tunga ka thupiak thute le thukipte, na pute uh tungah tung lo ahi hiam? "Tua ciangin amaute kisik uh a, ‘Hih dinga a geelsa bang tektekin i gamtatna tawh kizui-in eite tungah Thahatpen TOPA in hong sem ta hi,’ ci-in gen in," a ci hi.

Zechariah 2:11

Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi.

Rome-te 11:17

Tua hiangte pawlkhat kitankhia-in gamlak olive dawng khat ahi nang, tuate tungah hong kipeh a, olive tung pan hong pai khanna tui dawn khawm na hileh,

Rome-te 14:11

"Topa in,’Ka nuntakna ka lo hi, ka mai-ah mi khempeuh khukdin ding uh a, Pasian tungah leii khempeuh in a pulak ding uh hi,’ ci hi," b ci-in kigelh hi.

1 Corinth-te 3:9

Ahi hangin kote Pasian tawh nasem khawmte ka hi uh a, note Pasian inn Pasian lo na hi uh hi.

Joshua 23:7

No laka a om lai minamte tawh kipawl kei un; amau pasiante min lo kei unla tuate in zong kiciam kei un. Tuate na sem loin tuate bia-in zong na kun peuhmah kei ding uh hi.

Ruth 3:13

Tu zan hiah giak inla zingsang ciangin amah in nang hong tat nop le pha; amah kitansak in. Ahi zongin amah in hong tat nop kei leh TOPA in ka kiciam hi, keimah in ka hih ding hi. Zingsang dong hih lai-ah lum in," a ci hi.