Jeremiah 12:1 - Zokam International Version

¹ TOPA aw, nang tungah thu kong tut ciangin na thumaan tawntung hi. Tua hita leh na thutang thu kong kikuppih nuam lai hi: Bang hangin migilote daupai uh ahi hiam? Bang hangin upna nei lo khempeuh nuamtakin om uh ahi hiam?

LAISIENGTHOU CL Bible (BSI)

¹ Aw Mangpa na kunga, ka phun in zong Nang na dihtat hi; hinanleh na vaihawmna thu ah nang hing houpi vang. Bangziah a migiloute gamtatna lawching ahiei? Bangzieh a lepchietah a sil bawlte kipah ahi uoi?

Zo Bible

¹ Topa aw, kang mawsah ciengin nang a dih na hi ding hi; ahi vangin nangma kungah ka thu ei tutsah in. Bang ziehin migilote dau pei-in, upna nei lote nuomsa uh ahei?

Jeremiah 12:1 ပူးပေါင်းရင်းမြစ်များ

Piancilna 18:25

A thumaante migilote tawh that khawma, a thumaante le migilote, a kibanga thuaksak ding nang adingin kilawm peuhmah ding ahi hiam? Kilawm peuhmah kei in teh! Leitung khempeuh Thukhenpa g in a maan in khen lo ding ahi hiam?" ci hi.

Ezra 9:15

TOPA Israel-te Pasian aw, nang na thumaan hi! Kote tuni dong a baanglai-in hong kinusia hi. Kote ka mawhna uh hangin khat beek na mai-ah a ding thei lo ding hi napi, a mawhpi mahin na mai-ah kong om uh hi," ka ci hi.

Nehemiah 9:33

Ko tunga hong tungsa khempeuh ah nang na thutang khin a, mawhna ka bawl lai-un muanhuaitakin na sem hi.

Job 12:6

Guta buluhte buk kinawngkaisak lo a, Pasian a hehsakte’ buk kibitsak hi- amaute in a pasiante uh a khutun a tawi uh hi.

Job 13:3

Ahi hangin Vanglianpa tawh ka kiho nuam a, Pasian tawh ka thu ka kikum nuam hi.

Job 24:12

Khuapi sung panin a sikuana humhamna le a liamsa a huh ding ngente aw kiza hi. Ahi hangin Pasian in khat beek a mawhsak kei hi.

Job 24:23

Amah in amaute lungmuang takin tawlngasak a, ahi hangin amaute lampi a encik gige hi.

Job 8:17

suang kiciangte kikalah a zung a kha, suang laka a zung khak nading a zong singkung tawh kibang hi.

Phatna-late 116:5

TOPA , hehpih siamin thumaan a; eite Pasian khuatuahna tawh a dim hi.

Phatna-late 119:137

TOPA aw, nangmah na thumaan a na thukhamte a maan hi.

Phatna-late 119:75

TOPA aw, na thukhamte maana na muanhuaina ah kei nong thuaksiatsak lam ka thei hi.

Phatna-late 145:17

Ama lampi khempeuh ah TOPA thumaan a, a bawlsate khempeuh a it hi.

Phatna-late 37:1

Misiate hangin lunghimawh kei inla, amaan lo-a gamtate eng kei in;

Phatna-late 37:35

Leihoihna-a po singkung hing tawh a kibang a khanpha mi gilo a tatsia khat ka mu hi;

Phatna-late 51:4

Thu na gen ciangin a thumaan na hilam a kitheih nading, thu na khen cianga dik hong tangsak dingin; nang tung, nang tektek tungah ka mawh a, na muhna ah siatna ka hih khin hi.

Phatna-late 51:6

Nang in sunglam a thutak c na deih takpi a, a sungtawngpen mun ah pilna nong hilh d hi.

Phatna-late 92:7

migilopa ngaihsutna lopa bangin selkhia a, gamtatsiate a khanpha uh zongin amaute kisusia den ding hi.

Paunakte 1:32

Mimawlte in amau mottatna sihlawh ding uh a, mihaite in a thudonlohna uh sihlawh ding uh hi;

Thuhilhna 8:14

Leitunga piang a mawknapi pawlkhat om lai hi: migilopa ngah dinga kilawm a thumaan mipa in ngah a, a thumaan mipa ngah dinga kilawm migi lopa in ngah hi. Hih zong a mawknapi mah hi, ka ci hi.

Isaiah 41:21

"TOPA in, "Na thu uh sung un," a ci hi. Jacob-te Kumpipa in, "Na deihna uh puak un," a ci hi.

Isaiah 48:8

Na za ngei nai kei uh a zong na theitel ngei nai kei uh hi; khanglui hun lai-in na bil uh a kihong kei hi. Mi muantak na hi lo lam uh kong thei a; na suah tungua kipan lehdote hong kici hi.

Jeremiah 11:20

Ahi hangin Thahatpen TOPA aw, nang in thumaanin thu na khena, lungsim le ngaihsutna na entel hi; nang tungah ka thu hong suan khin ka hi manin amaute tunga na phulakna kei hong musak in.

Jeremiah 12:6

Na sanggamte le na innkuanpihte - amaute nangawn in nang hong lehhek uh a; nang hong langpangin nakpi-in awng uh hi. Hong phatgen uh hangin muang kei in.

Jeremiah 3:20

Ahi hangin Israel innkuan aw, a pasal tunga a muanhuai lo numei khat bangin kei tungah na muanhuai kei khin hi?" TOPA in a cikhia hi.

Jeremiah 3:7

Hihte khempeuh a sep khit ciangin kei lamah hong kihei kik inteh ci-a ka ngaihsut hangin hong kihei kik lo a, a muanhuai lo a sanggamnu Judah in a mu hi.

Jeremiah 32:16

"Nariah tapa Baruch tungah kileina lai ka piak khit ciangin TOPA tungah thu ka ngen a:

Jeremiah 5:11

Kei tungah Israel innkuante le Judah innkuante a muanhuai peuhmah kei uh hi," TOPA in cikhia hi.

Jeremiah 9:2

Ka mite a vekpi un angkawm hat, a muanhuai lo mihonpite ahi manun sehnel-gam ah ka zintun buk ding mun khat nei-in amaute nusia-in taisan thei leng!

Tamlawhna 1:18

"TOPA thumaan napi a thupiak ka langdo hi. No mihingte khempeuh in ngai un, ka thuakna hong en un. Ka nungaknote le ka tangvalnote salin kikai khin ta hi.

Ezekiel 18:25

"Tua hi napi, ‘Topa hihzia thutang lo hi,’ na ci uh hi. Israel innkuante aw, za un: Ka hihzia thutang lo ahi hiam?

Daniel 9:14

TOPA kote Pasian a sepna peuh ah thumaan ahi manin kote tungah siatna hong tun ding TOPA in haksa a sa kei hi; tua hi napi a thu lah ka mang tuan kei uh hi.

Daniel 9:7

Topa aw, nang na thumaan a, ahi hangin Judah mite le Jerusalem-a mite le anai agamla a om Israel-te khempeuh nang tungah ka muanhuai loh manun nong thehthangna gam khempeuh ah - tuni-in kote maizumna tawh ka kituam uh hi.

Hosea 6:7

Amaute in Adam c bangin thukhun palsat khin uh a - tua lai-ah kei tungah a muanhuai kei uh hi.

Habakkuk 1:4

Tua ahi ciangin thukham in thu nei nawn loin thumaanna a tungnung ngei kei hi. Thutang a kikawnghek theih nadingin migilote in thumaan mite a umcih uh hi.

Zephaniah 3:5

Tuanu sungah TOPA thumaan a, khialhna a bawl kei hi. Zingsang khat khit zingsang khat a thutangna zekkhia a, nisimin a zekkhia lo ngei kei hi. Tua hi napi thumaan lote in zumna mel a thei kei uh hi.

Malachi 2:17

Na kammalte uh tawh TOPA na gimsak uh hi. "Bangci gimsak ka hi hiam?" na ci uh hi. "TOPA muhna ah a sia-a gamtate hoihsa a, amaute tungah a lungkim hi," ahikeh "A thutang Pasian koi-ah om hiam," cihna tawh na gimsak uh hi.

Malachi 3:15

Ahi zongin tu-in a kiphasakte thupha ngah i ci hi. A gamtatsiate lawhcingzaw taktaka, Pasian a tote nangawn suakta uh hi,’ na ci uh hi," a ci hi.

Thupiakkikna 32:4

Amah Suangpi hi a, a nasepte kicingin a lampi khempeuh thutang ahi hi. A muanhuai, a khial lo Pasian, thudikin thutang hi.