Jeremiah 11:8 - Zokam International Version

⁸ Ahi hangin ka thu ngai loin zong a thusim kei uh hi; tua sangsikin amau lungtang khauhna a zuizaw uh hi. Tua ciangin amaute zuih dingin thu ka piak hangin a zuih nop loh uh thukhun hamsia khempeuh amau tungah ka tungsak hi,’ ci hi," a ci hi.

LAISIENGTHOU CL Bible (BSI)

⁸ Hinanleh amaun amang sih ua, abil u’zong adaw sih uhi, tua nahsangin michin in amauh lungtang gilou ngaituona uh azuita zawsop uhi; tuaziehin, akung ua bawl dinga ka pieh thuhun thute zousie atung uah ka tungsah ding ka chi a, hinanleh amaun abawl sih uhi,” achi hi.

Zo Bible

⁸ Hinanle amate in ka thu ei mang loin a bil uzong ei ngat sih vua, mi zosie in a gitlona lungsim khaupi ma uh a zui tentun zawsop uhi. Tuaci’n keima in a zui dingun tam thuciemna ka pieh vangin amate in a zui lo ziehun tua sunga thute a unpi-in amate tungah ka tungsah ta hi,” ei ci hi.

Jeremiah 11:8 ပူးပေါင်းရင်းမြစ်များ

Nehemiah 9:26

"Ahi hangin amaute thumang loin nang hong lehdo uh a; na thukham a nungngatsan uh hi. Amaute nang lama a kihei nadingun a zol, na kamsangte that uh a; a lauhuai mindaisakna a bawl uh hi.

Nehemiah 9:29

"Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

Jeremiah 13:10

Hih a gilo mite in ka thu ngai nuam lo uh a, amau lungtang khauhna zui-in a na semin a biak uh pasian dangte a zuite hih kawnggak tawh kibangin - kimanna a nei kiuhkeuh kei ding uh hi!

Jeremiah 3:17

Tua hun ciangin amaute in Jerusalem, TOPA Tokhom ci ding uh a, TOPA min pahtawi dingin Jerusalem ah minam khempeuh a kikhawm ding uh hi. Amaute in a lungsim gitloh-tentenna uh a zui nawn kei ding uh hi.

Jeremiah 31:32

Tua ciangin a pu a pate a khutuah lenin Egypt panin ka paikhiatpih lai-a amaute tawh ka bawl thukhun bang ahi kei ding hi; bang hang hiam cih leh amaute c pasal d ka hih hangin ka thukhun a palsat uh hi," TOPA in cikhia hi.

Jeremiah 32:23

Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Jeremiah 34:14

‘A kum sagihna simin kuamahpeuh in amau le amau no kianga hong kizuak Hebrew silate khatpeuh na khah ding uh hi. Na na uh kum guk a sep khit ciangin na khah c pelmawh ding uh hi,’ ka ci hi. Bangbang ka cih hangin na pate un ka thu hong mang loin kei hong thusim kei uh hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 35:17

"Tua ahi ciangin Israel Pasian TOPA, Thahatpen Pasian gen hih ahi hi: ‘Ngai un! Judah tung le Jerusalem a teng peuhmah tungah a tung dinga ka genkhiatsa gimnate ka tungsak ta ding hi. Amaute ka hopih hangin ngai lo uh a; amaute ka sap hangin hong dawng nuam kei uh hi,’ ci-in va gen in," a ci hi.

Jeremiah 38:20

"Hong ap peuhmah lo ding uh hi," Jeremiah in ci a, "Kong gen bangin TOPA thu mang in. Tua hileh nang adingin hoih dinga na nuntakna hong kihawisak ding hi.

Jeremiah 44:16

"TOPA mina ko tungah nong thupuak ka ngai kei ding uh hi!

Jeremiah 44:17

Hih dinga ka gensa uh ka hih taktak ding uh a: Judah khuapite le Jerusalem kongzingte ah ko le ka pate uh, ka kumpite uh le ka uliante un a hih bang tektekun Vantung Kumpinu tungah gimnamtu halin dawntheih-a biakna ka sungkhia ding uh hi. Tua hun lai-in an lah tampi ka nei uh a lamzangin supna baina lah ka thuak kei uh hi.

Jeremiah 44:5

Ahi hangin amaute in ngai loin thusim lo uh a, a gamtatsia uh khel loin pasian dangte tunga gimnamtui hal a tawp tuan kei uh hi.

Jeremiah 7:13

Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi.

Jeremiah 7:24

Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Ezekiel 20:8

"‘Ahi hangin amaute in kei hong lehdo uh a, ka thu a ngai kei uh hi; mitkhah lo-a a et uh a muhthadah-huai milimte paikhia lo tham loin Egypt milimte a paikhia tuan kei uh hi. Tua ciangin ka thangpaihna amaute tungah bua in, ka hehna, Egypt ah amaute tunga a zat dingin ka gen hi.

Zechariah 1:4

Na pu na pate uh bang kei un; kamsang masate in amaute tungah tangko uh a, Hih in Thahatpen TOPA gen ahi hi: ‘Na gitlohna uh le na gitloh gamtatna panin kihei un,’ ci hi. Ahi hangin amaute in a thu ngai loin, kei hong thusim lo uh hi, TOPA in cikhia hi.

Zechariah 7:11

"Ahi hangin amaute in a thusim kei uh hi; lungkhauhin nungngatsan uh a, a bil uh a hum uh hi.