Jeremiah 11:7 - Zokam International Version

⁷ Na pute uh Egypt pan ka paikhiatpih a kipan tuni dong, "Ka thu hong mang un," ci-a ka vauhilh kikkik ahi hi.

LAISIENGTHOU CL Bible (BSI)

⁷ Aziehpen Izipt gam a kipata ka puidoh ni akipat tuni dongin, Ka aw ngaikhie un chi’n matah a thou in, phatuomngai tahin, napu napate uh kungah thuhil kawm in ka phuut zing hi.

Zo Bible

⁷ Bangzieh ahei cile Egypt gam panin ka peipi lai-in na pu na pate uh nasietahin ka na hugiih a, tuni cieng nangawnin ka thu mang un, ci-in ka hugiih ngitnget hi.

Jeremiah 11:7 ပူးပေါင်းရင်းမြစ်များ

2 Kumpite 17:13

TOPA in ama kamsangte le thumute khempeuh tungtawnin Israel le Judah vauhilh a: "Na gitlohnate panun kikhel un. Na pate un aman dingin ka piak thukham khempeuh tawh kituakin a man ding uh le ka nasem kamsangte tungtawnin no tungah kong theihsak ka thupiakte le ka thukipte zui un," a ci hi.

2 Khangthute 36:15

TOPA a pate uh Pasian in ama mite le a tenna mun tungah hehpihna nei ahi manin a kamtaite tungtawnin amaute tungah thu a khak kikkik hi.

Paikhiatna 15:26

Amah in, "Note in na Pasian uh TOPA aw limtakin ngai a, ama muhna ah thumaanin na na sep uh leh, a thupiakte thupi sima, a thukipte khempeuh na zuih uh leh keimah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi," a ci hi.

Jeremiah 11:4

hih thukhunna-a thute a mang lo peuhmah in hamsiatna thuak ta hen,’ ci in. ‘Ka thu hong mang unla kong thupiak khempeuh sem un; tua hileh note ka mi na suak ding uh a, keimah note Pasian ka hi ding hi.

Jeremiah 25:3

Amon tapa Judah kumpipa Josiah, kumpi a suah zawh a kum sawm le thumna pan tuni mahmah dong - kum sawmnih le thum sung - TOPA thu kei tungah hong tunga, no tungah kong gen kikkik hangin na ngai kei uh hi.

Jeremiah 25:4

TOPA in ama nasem kamsangte hong sawl kikkik taleh note in na ngai tuan kei uh a zong na thusim kei uh hi.

Jeremiah 31:32

Tua ciangin a pu a pate a khutuah lenin Egypt panin ka paikhiatpih lai-a amaute tawh ka bawl thukhun bang ahi kei ding hi; bang hang hiam cih leh amaute c pasal d ka hih hangin ka thukhun a palsat uh hi," TOPA in cikhia hi.

Jeremiah 32:23

Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Jeremiah 34:14

‘A kum sagihna simin kuamahpeuh in amau le amau no kianga hong kizuak Hebrew silate khatpeuh na khah ding uh hi. Na na uh kum guk a sep khit ciangin na khah c pelmawh ding uh hi,’ ka ci hi. Bangbang ka cih hangin na pate un ka thu hong mang loin kei hong thusim kei uh hi.

Jeremiah 35:14

Recab tapa Jonadab in a tapate zu dawn loh ding thu pia-a, hih thupiakna kimang hi. Amaute in tuni dong zu a dawn kei uh hi; bang hang hiam cih leh amaute in a pute uh thupiak a mang uh hi. Ahi hangin note tungah kong gen kikkik hangin tua nangawn nong mang nuam kei lailai uh hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 7:13

Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi.

Hosea 4:1

No Israel-te aw, TOPA kammal za un, bang hang hiam cih leh no gam sunga teng mite langkhat ah TOPA in mawhmatna khat hong tungsak ding hi. "Gam sungah muanhuaina, itna, Pasian theihna a om kei hi.

Hosea 5:1

"No siampite in hih thu za un! No Israel-te in thupi sim un! Kumpi innkuante aw, ngai un! Hih in no tunga thukhenna ahi hi. Mizpah ah thang khat na suak khin uh a, Tabor tungah len kizaak na suak uh hi.

Zechariah 1:4

Na pu na pate uh bang kei un; kamsang masate in amaute tungah tangko uh a, Hih in Thahatpen TOPA gen ahi hi: ‘Na gitlohna uh le na gitloh gamtatna panin kihei un,’ ci hi. Ahi hangin amaute in a thu ngai loin, kei hong thusim lo uh hi, TOPA in cikhia hi.

Ephesa-te 4:17

Tua ahi ciangin note, Gentile-te ngaihsutna gina lo-a, a nuntak bangun na nuntak nawn loh nadingun hih thu Topa sungah kong gena, kong kun tangtang hi.

Thupiakkikna 12:32

Kong thupiak khempeuh sem un; behlap kei unla lah khiam kei un.

Thupiakkikna 30:20

TOPA note Pasian itin, a aw ngai-in amah na letkip theih nadingun nuntakna teel un. Ahang in, na nuntakna uh TOPA hi a amah in na pate uh Abraham, Isaac le Jacob tungah piak dinga a ciamsa gam no tungah kum tampi hong pia ding hi.

Thupiakkikna 4:6

Hih in minamte tungah pilna le theihtelna hong lak dinga, hih thukip a za khempeuh in, "Hih minam liante a pil le a theitel mi taktak ahi hi," hong cih nadingun limtakin zui un.

Thupiakkikna 5:29

Amaute le a tate uh adingin a hoih den theih nadingin hong kihta dingin a lungsim uh kei tungah hong kinga uh henla ka thupiakte zui den le uh ka deih hi.

Thupiakkikna 6:2

Tua in note le na tate uh le amau khita suak a tate uh tawh hih kong piak thukipte le a thupiakte zui-a TOPA note Pasian kihta in na nuntak uh sawtpi nuam nasak nading uh ahi hi.

Thupiakkikna 8:6

TOPA note Pasian thupiakte zui unla ama lampi tawnin zahtak mahmah un.

2 THESSALONIKA 3:12

Tua bang mite in na khatpeuh semin amau nektawm ding beek a thalawh nadingun Topa Jesu Christ sungah thu pia-in ka kun uh hi.

1 Samuel 8:9

Tu-in amaute thu ngai in; ahi hangin limtakin vauhilh inla, amaute a uk kumpipa in amaute tunga a sepzia ding theisak in," ci-in a gen hi.