Jeremiah 11:20 - Zokam International Version

²⁰ Ahi hangin Thahatpen TOPA aw, nang in thumaanin thu na khena, lungsim le ngaihsutna na entel hi; nang tungah ka thu hong suan khin ka hi manin amaute tunga na phulakna kei hong musak in.

LAISIENGTHOU CL Bible (BSI)

²⁰ Hinanleh Aw galkapte Mangpa, Nang dihtattah a vaihawmpa sunggil lam leh, lungtang enchien zelpa, atung ua na phulahna hing musah in, Na kungah ka tungthu ka hing sulangta hi.

Zo Bible

²⁰ Ahi vangin thu mantaha a khen, mihing’ lungsim le ngaisutna a encien Vanglien Topa aw, amate na thuhkiana ei musah in, bangzieh ahei cile ka vai zosie nangma kang ap zo ta hi.

Jeremiah 11:20 ပူးပေါင်းရင်းမြစ်များ

Piancilna 18:25

A thumaante migilote tawh that khawma, a thumaante le migilote, a kibanga thuaksak ding nang adingin kilawm peuhmah ding ahi hiam? Kilawm peuhmah kei in teh! Leitung khempeuh Thukhenpa g in a maan in khen lo ding ahi hiam?" ci hi.

2 Kumpite 19:14

Hezekiah in kamtaite tung panin laikhak ngaha a sim hi. Tua ciangin amah TOPA biakinnpi ah paitoin TOPA mai-ah a zaal hi.

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

1 Khangthute 29:17

Ka Pasian aw, nang in lungsim na zia-et lam ka thei-a, cihtakna ah na lungkim hi. Hih nate khempeuh ka utthu-in thumaantakin kong pia hi. Tua ciangin hih lai-a om na mite in utna tawh nang hong piakzia lung nuamtakin ka mu khin hi.

Job 5:8

"Ahi zongin kei hi leng, Pasian tungah ka ngen kik dinga a mai-ah ka thu ka nga ding hi.

Phatna-late 139:23

Pasian aw, kei hong pheklek inla, ka lungsim thei in; hong zia-et inla ka lunghimawhnate thei in.

Phatna-late 35:2

Lum le lum neu la inla, tho in kei hong huh in.

Phatna-late 43:1

Pasian aw, ka dikna langsak inla a pasian-milo minam khat langah hong gum in; zuautheite le migilote panin hong hu in.

Phatna-late 57:1

Kei hong lainat in Pasian aw, kei hong lainat in; ka hinna in nang hong bel hi; vangsiatna a bei mateng na khate liim sung kong beel ding hi.

Phatna-late 58:10

Amaute’ phu a kilak ciang, migilote sisan sungah a khe uh a sil uh ciangin a thumaante kipak ding uh hi.

Phatna-late 7:10

A Sang Pen Pasian keima lum d hi-a, lungsima dingtangte honpa ahi hi.

Phatna-late 7:8

mite tungah TOPA thukhensak in. TOPA aw, ka thumaanna, ka lungsim cihtakna tawh kizui-in thu hong khen in, Sang Penpa aw.

Phatna-late 7:9

A thumaan Pasian, lungsim le ngaihsutnate a zongpa aw, migilote ngongtatnate beisakin a thumaante bitsak in.

Phatna-late 98:9

Leitung thukhen dingin TOPA hong pai ahi manin ama mai-ah amaute in la sa uh hen. Amah in leitung buppi thumaanin thu khen dinga, guptuam paihtuam nei loin mite thu a khen ding hi.

Jeremiah 12:1

TOPA aw, nang tungah thu kong tut ciangin na thumaan tawntung hi. Tua hita leh na thutang thu kong kikuppih nuam lai hi: Bang hangin migilote daupai uh ahi hiam? Bang hangin upna nei lo khempeuh nuamtakin om uh ahi hiam?

Jeremiah 12:3

Tua hita leh TOPA aw, kei nong thei a; hong mu-in kong ngaihsutna nong sittel hi. A kisehsat ding tuu bangin amaute kaikhiagawp in! A kigawh ding uh ni ngakin tangkoihkhia in!

Jeremiah 15:15

TOPA aw, na theitel hi; hong phawk inla hong veh in. Kei hong bawlsiate tungah phu hong laksak in. Nang a lungduai na hi hi - kei hong lakhia kei in; nangma ai-in mawhsakna ka thuak lam ngaihsun in.

Jeremiah 17:10

"TOPA in lungsim zonga, ngaihsutna sittelin mi khat, ama gamtatna tawh kizui, ama nasepna tawh kituakin pahtakman a pia hi."

Jeremiah 17:18

Kei hong bawlsiate maizumsak inla, ahi hangin kei hong maizumsak kei in; amaute lausak inla, kei hong lausak kei in; amaute tungah siatna ni tungsak inla, siatna athuapthuapin tungsak in.

Jeremiah 20:12

Thahatpen TOPA aw, nang in a thumaante na encian a, lungsim le ngaihsutna na sittel hi, ka thu nang tung hong tun khin ka hi manin, amaute tunga na phulakna kei hong musak in.

Tamlawhna 3:58

Topa aw, ka thu hong thupisimsakin, ka nuntakna nong tan hi.

Tamlawhna 3:59

TOPA aw, kei hong kikhialhsaknate na mu khin hi. Ka thu hong panpih in!

Tamlawhna 3:64

TOPA aw, a khut-ua a sepsa uh tawh kituakin a thuak dingua kilawm zahin thuk kik in.

Ezekiel 11:5

Tua ciangin TOPA Kha kei tungah hong tungin ka gen ding hong gen a: "Hih in TOPA gen ahi hi: Na gen ding hih ahi hi, Israel innkuante aw, na lungsim ua na ngaihsutte uh ka thei khin hi.

Nasepte 17:31

Ahang in, amah in a sehkholhsa mipa zangin thumaan tawh leitung mi khempeuh thu a khen ni ding sehkhol khin zo hi. Hih thu amaanna mi khempeuh tungah a lahna-in, amah misi pan a thokiksak hi," a ci hi.

Philippi-te 4:6

Na khatpeuhah lunghimawh in patau kei unla, na khempeuh ah lungdamkohna tawh thuahin, thungetna le ngetna Pasian tungah na tun un.

2 Timothy 4:14

Sum sungpa Alexander in nakpi in kei hong bawlsia hi. Ama hihsa tawh kituakin Topa in a thukkik ding hi.

1 Peter 2:23

Amaute in amah a zahko uh ciangin thukkik lo a, a thuak laitakin a tawng thuk kei hi. Tua sangsikin tangtaka thukhenpa tungah amah le amah a ki-ap zaw hi.

Kilaakna 18:20

Vantung aw, ama hangin nuam in! Misiangte, sawltakpite le kamsangte aw, nuam un! Amah in note hong bawlsiatna hangin Pasian in ama tungah thu khen zo hi,’ ci ding uh hi," a ci hi.

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

1 Samuel 16:7

Ahi hangin TOPA in Samuel kiangah, "Ama meel ahi-a, a tun sanna ahi zongin ngaihsun kei in amah ka nialsa ahi hi. TOPA in nate mihingte et bangin en lo hi. Mihing in a kilangkhia a puatham en a,TOPA in ahileh a lungsim a en hi," a ci hi.

1 Samuel 24:15

Eite thukhenpa TOPA hi henla i kikal thu amah’n khen ta hen. Ka thu hong ngaihsutsak henla, hong lenkip hen; na khut pana hong hutna tawh ka thu khensiang ta hen," a ci hi.