Jeremiah 11:13 - Zokam International Version

¹³ Judah aw, nang in khuapi na neih zahzah pasian na nei a; Jerusalem kongzing pha zahzah a zumhuai Baal pasian biakna hal nadingin biakna-tau na dawh hi.

LAISIENGTHOU CL Bible (BSI)

¹³ Aw Juda, na khopi uh tam dungzuiin na pasiente u’zong atam zel hi, tualeh Jerusalem gawlzing tamdan dungzui in, pasien zum huoi Baal kunga gimnamtui halna maitam na daw uhi.

Zo Bible

¹³ Azieh pen Judah aw, nang in khuopi na nei zaza pasien-te na nei va-ia hi; tuale note in maizum nading bepin Jerusalem khuo-a gawlzing om zaza ma, Baal pasien kungah biehna pieh nadingin maitamte na lam zo ta mel uhi.

Jeremiah 11:13 ပူးပေါင်းရင်းမြစ်များ

2 Kumpite 23:13

Kumpipa in, Jerusalem nisuahna lama Siatna Mual leitaw lama om Israel kumpipa Solomon in a bawl munsangte - Ashtoreth adingin a bawl Sidon-te nusian, Chesmosh-te adingin a bawl a kihhuai Moab pasian le Molech-te c adingin a bawl a kihhuai Amon mite pasiante a phiatmang hi.

2 Khangthute 28:25

Judah khuapi sung tengah munsangte bawlin pasian dangte tungah biakna hal-a, TOPA a pate uh Pasian heh nadingin a phin hi.

Isaiah 2:8

Amaute in a gam uh milimte tawh dimsak uh a, a khutun a bawlsate uh a khutmete uh bawlsate a bia uh hi.

Jeremiah 11:17

Nang hong suan Thahatpen TOPA in nang tungah gimna a tunsak ding a khentat khin hi, bang hang hiam cih leh Israel innkuante le Judah innkuante in gitlohna bawlin Baal tunga gimnamtui halna tawh kei hong hehsak uh hi.

Jeremiah 17:1

"Judah’ mawhna a lungtang satak pek tung le a biakna-tau kite tungah sikzumin kikui kuakin suang hiamin kikhuak hi.

Jeremiah 18:15

Tua hi napi ka mite in kei hong mangngilh uh a; amaute lampi le tanglai lampite ah amaute a muktusak kimanna a nei lo milimte tungah gimnamtui a hal lailai uh hi. Tuate in amau lampi dinga kisial pen tawnsak loin, lamkhem pen a tawnsak hi.

Jeremiah 19:4

Ahang in, amaute in kei hong taisan uh a, hih mun gamdang pasiante omna suahin; a pate uh le Judah kumpite in zong a theih ngei loh uh pasiante tungah kithoihna halin, mawhpengte sisan tawh hih mun a dimsak zo uh hi.

Jeremiah 19:5

Amaute in ka thupiak ahi lo ka gen ngei loh, ka ngaihsut khak ngei beek loh Baal biakna-in a tapate uh hal nading Baal adingin munsang a bawl uh hi.

Jeremiah 2:28

Nomau bawlsa na pasiante uh tu-in koi-ah om ahi hiam? Na lungkham uh ciangin hong hot theih leh kihonsak un! Ahang in, Judah aw, khuapi na neih zahzah uh pasian na nei uh hi.

Jeremiah 3:24

I neu lai-a kipanin i pate sepsa gahte, a tuuhon - a ganhonte uh, a tanu a tapate uh a zumhuai a pasiante un valhtum khin hi.

Jeremiah 3:25

Maizumin lumcip ni, i maizumna-in kikhuh ni. Eite le i pate i nih in TOPA i Pasian tungah i mawh khin zo hi; i neu tunga kipan tuni dong TOPA eite Pasian thu i mang kei hi," a ci uh hi.

Jeremiah 32:35

Amaute in Ben Hinnom Kuam ah a tanu a tapate a uh tawh Molech a biak nadingun Baal ading munsang a bawl uh hangin, hih a kihhuai sepna tawh Judah a mawh nadingin ka sawl genloh ka lungsim sung nangawn ah a lut ngei beek kei hi.

Jeremiah 44:21

"Judah khuapite le Jerusalem kongzing lakah note le na pate uh, na kumpite uh le na uliante uh le gam mite in gimnamtui na hal lam uh TOPA in a phawk lo-a ngaihsun na hi uh hiam?

Jeremiah 44:5

Ahi hangin amaute in ngai loin thusim lo uh a, a gamtatsia uh khel loin pasian dangte tunga gimnamtui hal a tawp tuan kei uh hi.

Jeremiah 48:35

Moab ah munsanga kithoihna piate le amau pasiante tungah gimnamtui halte ka beisak ding hi," TOPA in cikhia hi.

Jeremiah 7:9

"Note guta in, tual thatin, angkawmin, a ahi lopi-in kiciamin, Baal tungah meihal biakna pia-in, na theih loh uh pasiante nung zui-in,

Ezekiel 16:24

mihon khawl theihna mun tengah mun sangtuam bawlin biakbukno na lam hi.

Hosea 10:1

Israel pen lenggui zaam ahi hi; amah mah in gah a gahkhia hi. A gah a khanna tawh kizui-in biakna-tau a tamzaw a dawh hi; a gam a daupaina tawh kizui-in a suang siangthote a zem hi.

Hosea 12:11

Gilead gilo ahi hiam? A mite in man nei lo uh hi! Gilgal ah amaute in biakna-in bawngtalte a pia uh hiam? Amau biakna-taute a kikhosa lo sunga suang kiciang tawh kibang ding hi.

Hosea 9:10

"Israel ka muh ciangin sehnel-gama kimu lengguite tawh kibang hi; na pate ka muh ciangin theikunga a gah masa muh tawh kibang hi. Ahi hangin amaute Baal Peor ah a pai uh ciangin a zumhuai tua milim ah ki-ap uh a, amaute in a iplah uh na bangin a siahuai uh hi.