Jeremiah 10:6 - Zokam International Version

⁶ TOPA aw, nang na lian mahmah a, nang tawh a kibang khat beek om lo hi; na min vanglianin a thahat hi.

LAISIENGTHOU CL Bible (BSI)

⁶ Aw Mangpa nangma bang koima a um sih hi, Nang na thupi a, na min zong hatna in athupi hi.

Zo Bible

⁶ Topa aw, nang tawh a kibang koima a om sih hi; nang na lien a, na min vanglienin a thahat hi.

Jeremiah 10:6 ပူးပေါင်းရင်းမြစ်များ

2 Samuel 7:22

"O Thuneipen TOPA, lian si cia maw? Nang tawh kibang khat beek om lo-a, ka bil-ua ka zaksa bangun nang longal Pasian dang a om kei hi.

1 Khangthute 16:25

Ahang in, TOPA liana, a phattak pen ahi hi; pasiante khempeuh khengin kihtak ding ahi hi.

Nehemiah 4:14

Nate ka et dimdem khit ciangin ding in zaliante, uliante le mite khempeuh tungah, "Amaute kihta kei un. A lian mahmah a kihtakhuai Topa phawk unla na sanggampate, na tapate, na tanute na zite le na inn uh adingin do un," ka ci hi.

Nehemiah 9:32

"Tua ahi ciangin kote Pasian, a lian mahmah a thahat a kihtakhuai, itna thukhun a palsat lo Pasian aw, Assyria kumpipa huna kipan tuni dong kote tung, ka kumpite uh le ka makaite uh tung, ka siampite uh le kamsangte tung, ka pate uh le na mite khempeuh tunga hong tung hih haksatnate hong neu muhsak kei in.

Phatna-late 145:3

TOPA lian hi, a phattak pen ahi hi; ama liatna kuamah in teh thei lo hi.

Phatna-late 147:5

I Topa lian hi, vangliatna ah thahat a, ama theihtelna kiciangtan lo hi.

Phatna-late 35:10

Ka nuntakna buppi-in lamdang sa in, " TOPA aw, nang bang kua om ahi hiam? Nang in amaute adingin a hatluate panin mizawngte na hukhia-a, amaute a lawkte panin mizawngte le a tasamte na hukhia hi," a ci ding hi.

Phatna-late 48:1

TOPA lian hi, eite’ Pasian khuapi sunga ama mual siangtho ah a phattakpen ahi hi.

Phatna-late 96:4

Ahang in TOPA lian a, a phattak pen ahi hi; pasiante khempeuh khengin kihtak ding ahi hi.

Paikhiatna 15:11

Nang bang, pasiante lakah kua om hiam? TOPA aw. Nang bang kua a hiam - sianthona - a tungtuang, minthanna - a lauhuai, nalamdangte a bawl?

Paikhiatna 8:10

Pharaoh in, "Zingciang," a ci hi. Moses in, "TOPA kote Pasian, bang kuamah om lo cih na theih thei nadingin na cih bang hi ding hi.

Paikhiatna 9:14

ahikeh tu tungin nang tung, na uliante le na mite tungah kong gimsak nading a khauh pen kong tungsak dinga, tua ciangin leitung khempeuh ah kei tawh a kibang khatbeek a om loh lam na thei ta ding hi.

Isaiah 12:6

Note lakah Israel-te Siangtho Pa lian ahi manin, Zion mite aw, ngaihtakin awng unla lungdamna la sa un," na ci ding uh hi.

Isaiah 40:18

Tua ahileh nang in Pasian le kua tehkak ding na hi hiam? Bang lim tawh amah enkak ding na hi hiam?

Isaiah 40:25

"Kei kua tawh hong teh ding na hi uh hiam? Ahikeh kei kua tawh kikim ka hi hiam?" Siangtho Pa in ci hi.

Isaiah 46:5

"Nang in kei kua tawh hong tehin ahikeh a kikimin hong seh na hi hiam? Nong tehkak theih dingin kua tawh a kibangin hong seh na hi hiam?

Isaiah 46:9

Sawtpek lai-a a piangsa nate phawk un; keimah Pasian ka hi a, adang a om kei hi; keimah Pasian ka hi a, kei tawh kibang khat beek a om kei hi.

Jeremiah 10:16

Amah, Israel le ama luah ding a minamte kihelin, na khempeuh Bawlpa ahi manin Jacob’ Tanhtuampa hihte bang ahi kei hi - ama min Thahatpen TOPA ahi hi.

Jeremiah 32:18

Tul tampite tungah na itna na lah hangin pate mawhnate amau nunga a tate uh tungah dan na thuaksak hi. A lian mahmah vanglian Pasian aw, na min Thahatpen TOPA hi a,

Daniel 4:3

Hong lah ama limte lian lua a, ama nalamdangte thahat na lawmlawm e! Ama kumpi-gam a kip tawntung kumpi-gam hi a; ama ukna khang khat khit khang khat kizomsuak hi.

Daniel 4:34

Tua hun a bei ciangin keimah Nebuchad­nezzar van lamah ka dakto a, ka khuatheihna ka ngah kik hi. Tua ciangin Sang penpa ka phat-a a tawntunga nungta pa pahtawi-in a min ka thangsak hi. Ama ukna gam kip tawntung hi; a kumpi-gam khang khat khit khang khat kizomsuak hi.

Malachi 1:11

Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

1 Corinth-te 8:6

eite adingin Pasian khat bek om a, amah Pa hi-in, na khempeuh amah panin pianga eite ama adingin i nungta hi; tua ciangin Topa khat bek om a, amah Jesu Christ ahi hi; ama tungtawnin na khempeuh pianga, ama tungtawnin eite i nungta hi.

Thupiakkikna 32:31

Ahang in, i galte nangawn in a theih mah bangun amau’ suangpi le ei Suangpi a kibang kei hi.

Thupiakkikna 33:26

"Nang hong huh dingin vante tunga tuang le thupina tawh meii tunga tuang Jeshulun’ Pasian tawh a kibang khat beek a om kei hi.