James 5:5 - Zokam International Version

⁵ Note, leitung ah noptatna zulhzauna-in na nungta uh hi. Hong kigawh ni-a dingin na kithausak c uh hi.

LAISIENGTHOU CL Bible (BSI)

⁵ Leitungah nuomsa leh nuomtat tahin na hing ua, na lungtangte uh gaw ding ni a gantate bangin na vathauta uhi.

Zo Bible

⁵ Leitungah noptat zulzau-in na nungta vua, nuomsa-in gawlup ni adingin na kivathau phitphet uhi.

James 5:5 ပူးပေါင်းရင်းမြစ်များ

Phatna-late 17:14

TOPA aw, leitung nuntakna mah amau lawhtak ahipah, hih leitung mite panin nangma khutin hong honkhia in. Na it kepte gilkialna na daisak a, a tapate un tampi nei-in a tate ading hauhna a kholsak lai uh hi.

Phatna-late 73:7

Amaute thukhuallohna lungsim panin mawhna lian a piang a; amau ngaihsutna-khel in ciangtan a nei kei hi.

Paunakte 17:1

Kiselsa-in inn dima pawi a bawl sangin kilem diamdiamin daitaka an kangkeu nek hoihzaw hi.

Paunakte 7:14

"Ka innah kilawmtakna biakna a ka bawl a; tuni-in ka thuciam ka tangtun hi.

Thuhilhna 11:9

Khangmoipa aw, na moi lai-in lungnuam inla, na khangno hun sungin na lungsim nopsak bangin om in. Na lungsim hong pina le na mita na muh bang zui in; ahi hangin Pasian in na khempeuh ah thu hong khen ding ahilam thei in.

Isaiah 22:13

Ahi hangin en in, tua lai-ah lungnopna le nopsakna, bawng gawhna le tuu gawhna, zu dawnna le sa nekna a om ding hi! "Zing ciang si ding i hi manin ne in dawn ni!" na ci uh hi.

Isaiah 3:16

TOPA in, "Zion numeite kiphasak lua-in, ngawng dok gaakgaaksa-in lam pai uh a, a mit uh hei pampamin kal tom suan toihtoih sa-in a siakbulhte uh a gingsak salsal uh hi.

Isaiah 47:8

"Tua ahi ciangin no awlmawh a nei lo nuamtaka tu hithiat ganhingte, ‘Kei bek ka hi hi, kei lo kuamah om kei, ka meigong ngei kei dinga, ka tate ka sihsuah kei ding hi’ a ci note in ngai un.

Isaiah 56:12

Amaute in, "Hong pai un, zu kong lup ding hi! I gilpi dimin zucil dawn ni. Zing ciang pen tuni mah bang dinga nuamzaw lai tham ding hi," ci uh hi.

Jeremiah 12:3

Tua hita leh TOPA aw, kei nong thei a; hong mu-in kong ngaihsutna nong sittel hi. A kisehsat ding tuu bangin amaute kaikhiagawp in! A kigawh ding uh ni ngakin tangkoihkhia in!

Jeremiah 25:34

No tuucingte aw, kap unla tau un; no tuuhon mapite aw, leivui lakah kikhuk un. Ahang in, note hong kigawt ding hun tungta hi; note pukin bel hoih kimlai a kitamzan na bang ding uh hi.

Ezekiel 16:49

"‘Na sanggamnu Sodom mawhna hih ahi hi: Amah le a tanute kiphasakin, khamvalin ne-in kuamah thudon loin om uh hi; a zawngte le a tasamte huh lo uh hi.

Ezekiel 39:17

"Mihing tapa aw, hih in Thupipen TOPA gen ahi hi: Vasa namkim le gamsa khempeuh sam inla, ‘Hong kikhawm un, Israel mualtunga alian mahmah biakpiakna - no adinga kibawl biakpiakna kimkot ah hong kikhawm un. Tua lai-ah sa ne-in sisan na dawn ding uh hi.

Amos 6:1

Zion a nuam a sa hithiatte, Samaria Vum a lungmuanga omte minamte ulianpente, Israel paikhiatnate, gimna nak thuak na nucia!

Luke 16:19

"Khatvei sumhaupa khat a om hi; tuapa in puan dupsan le saihadial puan silh a, nisimin noptatin a om hi.

Luke 16:25

"Ahi hangin Abraham in, ‘Ka ta aw, na nuntak hun sungin na hoihte na ngah a, tua laitakin Lazarus in na hoih lote a ngah hi, cih phawk in. Ahi hangin tu-in amah hih lai-ah nuamsa a, nang na hileh gimna na thuak hi.

Rome-te 13:13

Zu uang dawnna, zukhamna, numei-pasal paktatna le hukna lanna, kilungkimlohna le hazatnate sem loin sun huna i tat bangin eite a kilawmin gamta ni.

1 Timothy 5:6

Ahi hangin ama noptatna-a nungta meigongnu, a nuntak lai nangawnin a si ahi hi.

2 Timothy 3:4

a zuautatte, a gamhtatte, a kimisakte, Pasian it ding sanga nopsakna a itzawte,

2 Peter 2:13

Amaute hihsa siatna hangin tua siatna mahin amaute kithukkik ding hi. Amaute ngaihsut nopsakna ahileh suntangpipi-a uangtat ahi hi. Note e tawh an na nek khawm laitakun nop a sak luatna uh hangin melhemna le nitna a suak uh hi.

Jude 1:12

Hih mite in na itna pawite uh melhemsak in, zumna nei loin no tawh an ne uh a - amau kia bek a kivakkhop tuucingte ahi uh hi. Amaute huih in a mutleng kawikawi guah a paii lo meii; gah a gah lo, a kibulkalh - nihvei a si sikhiau singkung ahi uh hi;

Kilaakna 18:7

Noptatna le minthanna amah le amah a kipiak zahzah, gawtna le dahna amah pia un. A lungtang ah amah kisathei a, ‘Kumpinu-in ka tu hi; meigong ka hi kei a, ka thum ngei kei ding hi,’ ci hi.

1 Samuel 25:36

Nabal kiangah Abigail a pai ciangin kumpi khat bangin a inn sungah pawi a na bawl hi. Amah in zu kham mahmah a, a lungsim a kiliansak hi. Tua ahi ciangin tuanu in khuavak mateng bangmah a gen kei hi.

1 Samuel 25:6

Ama kiangah, ‘Na khan sawt ta hen! Nang le na innkuanpihte na ci uh dam ta hen! Na neihsa khempeuh cidam ta hen!