James 5:16 - Zokam International Version

¹⁶ Tua ahi manin na ci uh a dam theih nadingin na mawhnate uh kipulak tuahin thu na kingetsak ciat un. A thumaan mi thungetna vanglian in deihna a ngah hi.

LAISIENGTHOU CL Bible (BSI)

¹⁶ Suhdam a na um theina dingun na tatkhelnate uh thupha kitawituo chiet unlen, khat leh khat thu kingetpieh un. Mi dihtat thungetna in nna asem thei mama hi.

Zo Bible

¹⁶ Tua ahi ziehin na dam sieng thei nadingun khatlekhat na mawnate uh kipulah tuohin khatlekhat thu kingetpieh ciet un. Midihte’ thungetna in vang nei-in na lienpi sem thei hi.

James 5:16 ပူးပေါင်းရင်းမြစ်များ

Piancilna 19:29

Tua ci-a Pasian in zanglei khuapite a suksiat ciangin Abraham phawka, Lot tenna khuapi a lawnthal siatna lianpi panin Lot a paikhiasak ahi hi.

Piancilna 20:17

Tua ciangin Abraham in Pasian kiangah thu ngena, Pasian in Abimelech, a zi le a sila numei-te a damsak hi. Tua ciangin ta a nei thei kik uh hi,

Piancilna 20:7

Tu-in tua mipa’ zi ciah kiksak lecin amah kamsang hi-a thu hong ngetsak leh na nungta ding hi. Ahi hangin amah na ciahsak kei leh nang le nang aa khempeuh na si takpi ding uh hi," ci hi.

Piancilna 32:28

Tua ciangin mipa in, "Na min Jacob hi nawn loin Israel h hi ding hi; bang hang hiam cih leh Pasian le mite tawh na kilai a na zo khin hi," ci hi.

2 Samuel 19:19

a kiangah, "Ka topa in kei hong mawhsak kei in. Ka topa kumpipa in Jerusalem na nusiat ni-a na nasempa gamtatna ciamteh kei in. Kumpipa in na lungsim ah koih kei in.

1 Kumpite 13:6

Tua ciangin kumpipa in Pasian mipa kiangah, "Ka khut a ngeina a bat kik theih nadingin TOPA na Pasian tungah hong thumsak in," a ci hi. Tua ciangin Pasian mipa in TOPA tungah thumsak-a, kumpipa khut dam kikin a ngeina a bang hi.

2 Khangthute 30:20

Tuateh TOPA in Hezekiah ngetna za a, mite a damsak hi.

Job 42:8

Tua ahi ciangin bawngtal sagih le tuutal sagih kengin ka nasempa Job kiangah pai unla no mahmah in meihal biakna na bawl un. Ka nasempa Job in thu hong ngetsak leh ama thungetna ka sang dinga, note haina zahin kong thuaksak kei ding hi. Note in ka nasempa Job bangin kei thu amaanin na gen kei uh hi," a ci hi.

Phatna-late 34:15

TOPA’ mitte, a thumaante tung tu-a, ama bilte in a kikona uh ngai gige hi;

Paikhiatna 17:11

Moses in a khut a liiktoh laisiah Israel-te gualzo uh a, ahi hangin a khut a niamkhiat suk ciangin Amalek-te in a zo uh hi.

Paikhiatna 9:33

Tua ciangin Moses in Pharaoh paisan-a, khuapi pua-ah a paikhia hi. Amah in TOPA lamah a khut a zan hi; vanpi ging le gialpi kia khawl a, leitungah guah a bua nawn kei hi.

Paunakte 15:29

Migilote kiang panin TOPA gamla a, ahi hangin a thumaante thungetna a za hi.

Paunakte 15:8

Migilote biakpiakna TOPA in kih a, a thutang mite thungetna in amah lungkimsak hi.

Paunakte 28:9

Thukham a za nuam lo peuhmah a thungetna nangawn kihhuai hi.

Jeremiah 15:1

Tua ciangin TOPA in kei kiangah, "Moses le Samuel ka mai-ah hong ding zawzen uh zongin hih mite lamah ka lungsim a nga tuan kei ding hi. Ka muhna panin amaute hawlkhia in! Paikhiasak in!

Jeremiah 33:3

‘Kei hong sam un, kong dawng dinga na theih loh uh a kimukhia thei lo na lianpite kong gen ding hi,’ ci hi.

Jeremiah 42:2

kamsangpa Jeremiah kiang zuanin pai uh a ama kiangah, "Nong hehpihna-in kong ngetna uh hong za inla TOPA na Pasian tungah hih a baanglaite adingin thu hong ngetsak in. Ahang in, tu-a nong muh bangin hunkhat lai-in ka tam uh hangin tu-in tawmno bek ka om lai uh hi.

Misimna 11:2

Mipite in Moses a koh uh ciangin, amah in TOPA tungah thu ngen-a, mei a mit hi.

Matthew 21:22

Na up nak uh leh thungetna-a na nget peuhpeuh uh na ngah ding uh hi," a ci hi.

Matthew 3:6

Amaute in a mawhnate uh pulak uh a, amah in Jordan Gun ah a baptise hi.

Mark 1:5

Judea gam sung teng le Jerusalem a mite khempeuh ama kiangah a pai uh hi. A mawhnate uh pulak uh a, amah in Jordan Gun sungah a baptise hi.

Luke 9:6

Tua ahi ciangin amaute kuankhia uh a, khuaneute ah pai kawikawi-in mun khempeuh ah lungdamna-thu hilhin, mite a damsak uh hi.

John 9:31

Pasian in mawh neite thu ngai lo hi, cih i thei hi. Amah in a deihna a hih a pasian-mite thu a ngai hi.

Nasepte 10:38

Pasian in Nazareth mi Jesu, Khasiangtho le vangliatna sathau a nilh zia le amah pai kawikawi in, Pasian in amah a ompihna hangin na hoih sema, dawimangpa vangliatna nuai-a mi khempeuh a dam saknate na thei zo uh hi.

Nasepte 19:18

A umte tampi hong pai uh a, a gitloh gamtatnate uh a pulakkhia khin uh hi.

Nasepte 8:24

Tua ciangin Simon in, "Na gensate kei tungah bangmah hong tun loh nadingin Topa tungah thu hong ngetsak in," ci-in a dawng hi.

Rome-te 3:10

"Mi thumaan khat beek a om kei hi, khat nangawn a om kei hi;

Rome-te 5:19

Ahang in, tua mi khat thumanlohna tungtawnin mi tampi mawhnei a suah bang tektek in mi khat thumanna tungtawnin zong mi tampi mi thumaan kisuaksak ding hi.

Colosse-te 1:9

Hih thu hangin note thu ka zak ni-ua kipan, note ading khalam pilna le theihtelna khempeuh tungtawna, ama deih bang theihna tawh note hong dimsak nadingin Pasian tungah thunget ka tawp kei uh hi.

1 THESSALONIKA 5:17

thu na ngen den un;

1 THESSALONIKA 5:23

Pasian mahmah, lemna Pasian in note hong siangthosak sinsen ta hen. Eite Topa Jesu Christ hong pai cianga kawkbaanna a om lo dingin na kha, na lungsim le na pumpite uh a bupin hong kepsak ta hen.

1 THESSALONIKA 5:25

Sanggamte aw, kote ading thu na ngetsak un.

Hebrews 11:4

Abel in upna hangin Cain sangin biakpiakna hoihzaw Pasian tungah a pia hi. Pasian in ama biaknate a phatgen lai-in upna hangin mi thumaan a hina a phat hi. Amah a sih khit hangin upna hangin thu gen lailai hi.

Hebrews 11:7

Noah in upna hangin a kimu nai lo nate ah a kivauhilh ciangin kihtakna siangtho tawh, a innkuanpihte hotkhiat nading gunkuangpi a lem hi. Ama upna hangin leitung mawhpaih a, upna hanga thumaanna a luahpa a suak hi.

Hebrews 12:13

Khebaite kilawi loin a dam zawk nadingin, "Na khete uh ading lamphei sial un." g

Hebrews 13:18

Ko ading thu hong ngetsak un. Lungsim kisuantakna nei lo le lam khempeuh ah pahtawitaka nuntak ding ka lunggulh lam uh ka telcian uh hi.

Joshua 10:12

TOPA in Israel tungah Amor-te a piak ni-in Israel omin Joshua in TOPA tungah: "Ni aw, Gibeon tungah na dinkhawl inla khapi aw, Aijalon Kuam tungah na dinkhawl in," a ci hi.

1 Peter 2:24

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi.

1 John 3:22

ama thupiakte manga, amah lungkimsak i hi manin ama tungah i nget khatpeuh i ngah thei hi.

1 Samuel 1:12

Tuanu in TOPA tungah thu a nget laitakin Eli in a muk a na encik hi.

1 Samuel 12:17

Tu-in mangbuh lak hun hi lo ahi hiam? Vanging le guah hong puak nadingin TOPA tungah ka ngen ding hi. Tuateh kumpi na nget uh ciangin TOPA muhna ah na gamtatsiatna uh na mutel ding uh hi," a ci hi.

1 Samuel 12:18

Tua ciangin Samuel in TOPA sam-a, tua ni mah in TOPA in vanging le guah a sawl hi. Tua ciangin mite khempeuh in Samuel le TOPA kihta in a ding uh hi.