James 4:11 - Zokam International Version

¹¹ Sanggamte aw, khat le khat ki gensia kei un. Ama sanggampa a langgena, a tunga thu a khen peuhmah, thukham langgen-a, thukham tunga thukhen ahi hi. Thukham thu na khen ciangin thukham thu a mang lo na hi-a, thukham tunga thukhena a tutu na hi hi.

LAISIENGTHOU CL Bible (BSI)

¹¹ Unaute aw, khat leh khat kigensetuo sih un, Mi aunau gensie leh aunau tunga vaihawm pouma dan gensie ahia, dan tunga vaihawm ahi. Hinanleh dan na gensiet leh, dan zuimi na hi sih a, vaihawmmi na hi zaw hi.

Zo Bible

¹¹ Sanggamte aw, khatlekhat na kigensie sih un. Midang khat a gensie, ahi sihle midang khat tunga thu khen poma thukham gensie ahi a, thukham tunga thu khen ahi hi; thukham tunga thu na khen leh thukham zui pa na hi sih a, thukhen pa na hizaw hi.

James 4:11 ပူးပေါင်းရင်းမြစ်များ

Phatna-late 140:11

Gam sungah gensiat hatte kikipsak kei henla; siatna in mi ngongtatte sabetin beng hen.

Luke 6:37

Thu na khen kei un, no tungah zong hong kikhen kei ding hi. Na mawhpaih kei un, no zong hong kimawhpaih lo ding hi. Na maisak un, no zong hong kimaisak ding hi.

Rome-te 2:1

Tua ahi ciangin midangte tunga na thukhenna mun mah ah nangmah a kimawhpaih na hih manin midang khatpeuh tunga thukhen nang in paulap ding na nei kei hi. Bang hang hiam cih leh nang a thukhenpa mah in tuate mah na hih hi.

Rome-te 2:13

Ahang in, Pasian muhna ah thukham a zate a thumaan hi loin thukham a mangte a thumaanin kipulak ding hi.

Rome-te 7:7

Tua hileh bang i gen ding hiam? Thukham pen mawhna ahi hiam? Hi zenzen lo hi! Thukham tungtawn hi kei leh mawhna bang hiam, cih ka thei kei takpi ding hi. Ahang in, thukham in "Deihgawh kei in" d na ci lo hileh deihgawh kici bang cihna hiam, cih ka thei kei ding hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

2 Corinth-te 12:20

Ahang in, kong pai cianga note na hi ding uh kong deih banga kong muh loh khak ding le note in kei ka hi dinga nong deih bangua nong muh loh khak ding uh ka lau hi. Kitotna, kihazatna, heh-a kiselnate, kipawlkhennate, kidaisakna, kigensiatna, ki-uatsakna le buaina a om khak ding zong ka lau hi.

Ephesa-te 4:31

Khaat-na, ngonghehna le hehna, kitotzakna le gensiatnate khempeuh etsatna nam khempeuh tawh na paikhia un.

1 Timothy 3:11

Tua mah tawh kibangin a zite d uh zong zahtak a baang numei hi dinga, migensiat hat loin na khempeuh a kidaam thei, a muantak mi hi ding hi.

2 Timothy 3:3

itna nei lote, a maisak nuam lote, gensiat-hatte, amah le amah ki-uk zo lote, a ngongtatte, a hoih deih lote,

Titus 2:3

Tua tawh kibangin numei khang hamte, amaute nuntakna ah zahtak baang ding, mi gensiat hat loin, zu hai lo ding, ahi hangin a hoih khempeuh a sinsak dingun hilh in.

James 1:16

Kong it sanggamte aw, mi khemsa-in om kei un.

James 1:19

Kong it sanggamte aw, hih thu ciamteh un: A kuamah peuh thuzak ding manlang hen. Kampau ding le heh ding manlang kei hen.

James 1:25

Ahi hangin suahtakna a pia thei a hoihkim thukham limtakin en-a, thu bangin gamta-a a zaksate mangngilh loin a sempah mi, ama sepna ah thupha kipia ding hi.

James 2:8

Laisiangtho sunga om: "Nang le nang na ki-it bangin na vengte it in," a a cih kumpi thukham na letkip takpi uh leh amaana gamta na hi uh hi.

James 5:10

Sanggamte aw, gimna na thuak uh ciangin Topa mina thugen kamsangte lungduaina ettehin na nei un.

James 5:7

Tua ciangin sanggamte aw, Topa hong pai mateng na thuak keeikai un. Lokhopa in sikhiau guah le tuk guahte ngak a, leitung in a manpha gah a gah ding lungduaitaka a ngak thei ta un.

James 5:9

Sanggamte aw, khat le khat na kiphunsan kei un, na kiphunsan uh leh thukhenna na thuak ding uh hi. Thukhenpa kongkhakah ding hi!

1 Peter 2:1

Tua ahi manin etsatna khempeuh, khemna khempeuh, kineih-siamna, enna le mindaisakna namkimte na paikhia un.