James 4:1 - Zokam International Version

¹ Note lakah kitotna le kidona bang in piangsak ahi hiam? Nomau sunga kido den lunggulhna pana piang hi lo ahi hiam?

LAISIENGTHOU CL Bible (BSI)

¹ Na lah ua kidounate leh kihaunate heia hing kipan ahiei? Na tahsa hiengte ua kidou leng, na tahsa lunggulnate ua hing kipan a hing pieng hilou amah?

Zo Bible

¹ Note lahah a om tua bang kidona le kihaunate hei pana ang pei ahei? Noma sunga gal a bawl den ahi lunggulna pana tuate ang pei hi lo amah?

James 4:1 ပူးပေါင်းရင်းမြစ်များ

Jeremiah 17:9

Na khempeuh sangin lungsim khemhatzaw a, kidamsak thei lo hi. Kua in theitel ding ahi hiam?

Matthew 15:19

Lungtang pana piangte: ngaihsut khel, tualthahna, angkawmna, numei le pasal paktatna, guktakna, zuau teci panna le gensiatna-te ahi hi.

John 8:44

Note, na pa uh dawimangpa suan na hi uh hi. Tua ahi manin na pa uh deihna na tangtungsak nuam uh hi. Amah a cil panin tualthatpa hi-a, ama sungah thutak om lo ahi manin thutak a len kei hi. Amah zuau thei-a, zuauphuakte pa ahi manin zuau a gen ciangin ama pianpih pau-a pau ahi hi.

Rome-te 7:23

Ahi hangin ka pumpi nate sungah thukham dang khat nasem ka mu hi. Tua thukham in ka lungsim thukham do a, kei pumpi nate sunga mawhnate sungah hong koltangsak hi.

Rome-te 7:5

Pianngei c mawhna in eite hong uk laitakin, sihna ading gah i gah nadingin thukham in a khanlawhsak lunggulh mawhnate in i pumpi sungah na a sem hi.

Rome-te 8:7

Mawhdim lungsim g in Pasian a langneih hi. Tua in Pasian thukham a mang kei hi; zong a mang thei kei hi.

Galatia-te 5:17

Ahang in, mawhdim pianngei lunggulhna pen Kha deihna tawh kilehbulh a, Kha lunggulhna pen mawhdim pianngei lunggulhna tawh kilehbulh hi. Tuate gel khat le khat kido ahi ciangin na hih nop uh na hih thei kei uh hi.

Colosse-te 3:5

Tua ahi manin na leitung pianngei uh ahi: numei-pasal paktatna, siantholohna, kilunggulhluatna, gitlohnate le milim biakna ahi huaihamna na sisak un.

2 Timothy 2:23

A haihuai le thugina lo kiselnate in kitotna piangsak cih thei na hi manin tuate ah kikum kha kei in.

Titus 3:3

Hun khat lai-in eite zong ahai, a thumang lo, mi khemsa le pumpi lung gulhna namkim le noptatna sila i hi hi. Gitlohna le hazatna tawh kidim in, mite muhdah le khat le khat kimuhdahna tawh i nungta hi.

Titus 3:9

Ahi hangin a haihuai kikalhnate, khang tangthute, thukham thu a kiselnate le kitotnate peel in. Bang hang hiam cih leh hihte, phattuamna nei lo le a kimanna bei ahi hi.

James 1:14

ahi hangin mi khatpeuh ama gitloh lunggulhna in kai-a a zol ciangin zia-etna a thuak ahi hi.

James 4:3

Na nget uh ciangin na ngah kei uh hi, bang hang hiam cih leh na ngahte uh nomau nopsak nadinga na zat theih nading uh tupna man lo tawh na ngen uh hi.

1 Peter 1:14

A thumang tate bangin bangmah thei lo-a na nuntak lai-ua na neih uh lunggulhna gilote deihna zui-in gamta kei un.

1 Peter 2:11

Kong it lawmte aw, na kha uh hong do den, mawhdim lunggulhnate pana kidek dingin leitung ah gamdang mite le mikhualte bangin kong kun hi.

2 Peter 2:18

Ahang in, amaute in kisaktheihna mawkna kamte zangin, khialhna tawh a nungta mite lak pana a suakta lai liailiaite, pianpih mawhdim kilunggulhna-in a zol uh hi.

2 Peter 3:3

A masa penin ni nunungte ah mi zahpihhatte hong pai dinga, mite zahpih in amau gilo lunggulhnate zui ding uh hi, cih na theitel pelmawh un.