James 3:5 - Zokam International Version

⁵ Tua mah tawh kibangin leii pen pumpi na a neuno khat ahi hangin nakpitakin a kisial hi. Mei-ekno khat in gamsung lianpipi a katsak na ngaihsun in.

LAISIENGTHOU CL Bible (BSI)

⁵ Tuamabangin lei zong tahsa bameng neu nou khat ahia, nasatahin aki uongsah zel hi. En un, mei neunoukhat in Gammang thupitah akatum thei hi.

Zo Bible

⁵ Tua ma bangin leii zong i pumpi tungah a neu mama van khat hi napi thu lienpite-ah a kisathei mama hi. Meikuong neuno khat in gammang tulah katumsah thei hi!

James 3:5 ပူးပေါင်းရင်းမြစ်များ

Job 22:17

Amaute in Pasian kiangah, ‘Ko hong nawngkaisak kei in! A Thahatpenpa in ko tungah bang hih thei hiam?’ ci uh hi.

Phatna-late 10:3

Amah in ama lungtang lunggulhna kisaktheihpih a; a huaihamte thupha pia-in TOPA a kosia hi.

Phatna-late 17:10

Amaute in a lungtang kheengte khakcip uh a, a kamte un kiphatsakna kam a pau uh hi.

Phatna-late 39:1

Keimah in, "Ka gamtatnate ah kidawmin a mawh lo dingin ka leii ka kem ding hi; ka omna ah migilote a om laisiah ka muk ah muktuam ka thuah ding hi," ka ci hi.

Paikhiatna 15:9

"Galte kisathei uh a, ‘Ken delh ning amaute ka pha ding hi. Galvan lakte ka hawm dinga, tuate ka deih zahzah ka tang ding hi. Ka namsau ka dok dinga, ka khut in amaute a susia ding hi,’ ci uh hi.

Paikhiatna 5:2

Pharaoh in, "Keimah in ama thu manga Israel ka paisak nadingin TOPA kua ahi hiam? TOPA ka thei kei hi; Israel ka paisak kei ding hi," a ci hi.

Paunakte 12:18

Kamkhauh in namsau bangin sunlet a, mipilte kampau in ahileh a damsak hi.

Paunakte 15:2

Mipilte leii in theihna phata, mihaite kam in ahileh haina phulkhiasak hi.

Paunakte 18:21

Leii in nuntakna le sihna vang nei a, a leii it mi in a leii gah ne ding hi.

Paunakte 26:20

Singkhuah loin mei mit a, gensiatna om kei leh kitotna dai hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Ezekiel 28:2

"Mihing tapa aw, Tyre ukpa tungah gen in, Hih in Thupipen TOPA gen ahi hi: "‘Na lungsim sungah kiphasakin, "Kei pasian khat ka hi hi; tuipi laizang a pasian tokhom tungah ka tu hi," na ci hi. Nang pasian khat zaha pilin na kingaihsut hangin pasian na hi kei a, mihing lel khat na hi hi.

Ezekiel 29:3

Amah hopih inla: ‘Hih in Thupipen TOPA gen ahi hi: "‘Egypt kumpipa Pharaoh aw, nang na luite sunga a bok ganhing lianpi na hi a, nang langah ka pang hi. Nang in, "Nile kei aa ahi hi; keima adinga ka bawlsa ahi hi," na ci hi.

Daniel 3:15

Tu-in saki, tamngai, zither, lyre, harp gawsem le tumtheih nam khempeuh ging na zak uh ciangin ka bawlsa milim bia-in na boksuk uh leh hoih mahmah hi. Ahi zongin na biak kei uh leh note pummei kuanglai sungah hong kilawnpah ding hi. Tua ciangin ka khut sung pan bang pasian in note hong hukhia zo ding ahi hiam?" a ci hi.

Daniel 4:30

"Hih a lian Babylon keima kumpi inn dinga ka lamsa hi a, keima thahatna vangliatna tawh ka thupina minthanna dinga ka lamsa hi mawk lo hiam?" a ci hi.

James 3:4

Ahi kei leh tembawpi gentehna in nei ni. Tuate lian mahmah a huih khauh mah mah in a mut hangin a hawlpa in a pai nopna peuhpeuh ah a heina neuno-in a hei hi.

2 Peter 2:18

Ahang in, amaute in kisaktheihna mawkna kamte zangin, khialhna tawh a nungta mite lak pana a suakta lai liailiaite, pianpih mawhdim kilunggulhna-in a zol uh hi.

Jude 1:16

Hih mite, phunhatte le mi ngawhhatte ahi uh hi; amaute, amau gitloh lunggulhna bangin gamta uh a, amau le amau kisialin, amau hamphat nadingin mi dangte a maitang phat uh hi.