James 2:6 - Zokam International Version

⁶ Ahi hangin note in a zawngte na zahlaksak uh hi. Note hong netum mihaute hi lo uh ahi hiam? Thukhenna mun hong tun amaute hi lo uh ahi hiam?

LAISIENGTHOU CL Bible (BSI)

⁶ Hinanleh nouten mi zawngte na zalasah uhi. Mihausaten noute ahing bawlsie un, thukhenna inn ah ahing kailut zel uh hilou ahiei mah?

Zo Bible

⁶ Ahi vangin note in mizawngte na simmaw bawl uhi. No ang gawtte, mihaute hi lo uh amah? Thukhenna zumah ang kaite zong amate hi lo uh amah?

James 2:6 ပူးပေါင်းရင်းမြစ်များ

Job 20:19

Ahang in, amah in mizawngte nengniam a, khasiat loin a nusia hi; ama lam lohpi innte a laksak hi.

Phatna-late 10:10

A thahnop mite tuanzana amaute tukin; ama hatna nuai ah a puk uh hi.

Phatna-late 10:14

Ahi hangin nang, Pasian aw, lungkhamna le khasiatna mu dih in; na khut sungah lak na sawm hi. Nang tungah a thuakpa amah le a mah hong ki-ap a; nang pen pa nei lote huhpa na hi hi.

Phatna-late 10:2

Migilopa ki-uangsakin a thanemte sabetin benga ama gelsa ngimnate ah amaute a awksak hi.

Phatna-late 10:8

Amah in khuaneute gei-ah munbu lak pan boksa-in pang a, a thahnop mite vil gige-in mawhpengte muansuamin a that hi.

Phatna-late 12:5

"A zawngkhalte kinetniamna le a tasamte tauna hangin tu-in ka tho ta ding hi; "A selphote panin amaute ka dal ding hi," TOPA in a ci hi.

Phatna-late 14:6

No gitlohna a semte in mizawngte geelna na lawhsapsak uh hangin, amaute belh TOPA ahi hi.

Paunakte 14:31

Mizawngte a nengcipte, amaute a Bawlpa simmawh hi-a, a tasamte tungah migi peuhmah Pasian pahtawi ahi hi.

Paunakte 17:5

Mizawngte a simmawh mi in amaute a Bawlpa simmawh hi-a; siatna tunga kisathei peuhmah dan tuak loin a om kei ding hi.

Paunakte 18:23

Mizawngte in lainat nadingin thum uh a, mihaupa in kamkhauhin a dawng hi.

Paunakte 22:16

Hauh beh nadingin mizawngte a nengniamte le mihaute letsong piate - a nih in a zawng ding hi.

Paunakte 22:7

A haupa in a zawngpa uk a, a leitawipa in a leitawinapa nasem a suak hi.

Thuhilhna 5:8

Gam sungah mizawngte kinengniam a, thumaan le thutang a kinial na muh leh lamdang sa kei in; ahang in, ulian khat amah sanga lianzaw khat in ena, amaute gel tungah a sangzaw dang om lai hi.

Isaiah 53:3

Mihingte in amah simmawhin nial uh a, dahna thuak mipa le haksatna thei mipa ahi hi. Mite in mu nuam loin a mai uh a humsan mipa bangin amah kisimmawh a, eite in zong i thusim tuan kei hi.

Amos 4:1

No Samaria Vum a Bashan bawngpite, mizawngte a nengniam no numeite, a cimawhte a sugawpgawpte aw, hih thu za unla na pasalte uh tungah, "Ka dawn ding khat hong pia un," ci-in gen un.

Amos 5:11

Mizawngte na tuancil uh a, a antang teng uh ut lopipi-in na kipiasak uh hi. Tua ahi manin suang kiseek inn na lam uh hangin a sungah na teng kha kei ding uh hi; lenggui hoihna lo na neih uh hangin lenggahzu na dawn kha kei ding uh hi.

Habakkuk 3:14

Munbu sungah migentheite a kisukgawp bangin, kote hong delh dingin ama galkap hangte hong kuankhiat laitakin ama teipi -in a lutang na sunlet hi.

Zechariah 7:10

Meigong numeite, pa nei lote, pemtate le mizawngte nengniam kei un. Khat le khat kisiatsak ding na lungsimun ngaihsun kei un,’ ci hi.

John 8:49

Jesu in, "Kei sungah dawi a lut kei hi. Ahi hangin ken ka Pa ka pahtawi-a, no kei nong pahtawi kei uh hi.

Nasepte 13:50

Ahi hangin Jew-te in Pasian kihta numei zahtakhuaite le khuapi sunga tangpi makaite a holhthawh uh hi. Amaute in Paul le Barnabas langbawlin a bawlsia ding mi tawsawn uh a, amau kual panin a hawlkhia uh hi.

Nasepte 17:6

Ahi hangin amaute a muh loh uh ciangin Jason le sanggamte pawlkhat kaigawpin khuapi vaihawm uliante mai-ah tun uh a, "Leitung khempeuhah buaina bawl hih mite hih lai hong tung uh a,

Nasepte 18:12

Gallio, Achaia-a gam-ukpa ahi laitakin Jew-te kipawlkhawmin Paul va busim uh a, thukhen zumah a tun uh hi. Amaute in,

Nasepte 8:3

Ahi hangin Saul in pawlpite suksiat ding a kipan hi. Inn khat pan inn khatah pai-in numei hitaleh pasal hitaleh kaikhia gawpin amaute thong ah a khum hi.

1 Corinth-te 11:22

Na nek na dawn nading uh inn nei lo na hi uh hiam? Ahikeh Pasian pawlpi simmawhin bangmah a nei lote zahlaaksak na hi uh hiam? Note kiangah bang kong gen ding hiam? Hih thu hangin note kong phat ding hiam! Kong phat peuhmah kei hi!

James 2:3

Note in puan hoih silh pa tuam bawlin, "Hih lai-ah tutphah nuam om hi," na ci uh a, ahi hangin mizawng pa tungah, "Hua lai-ah na ding in," ahikeh, "Ka khephung sual tungah na tu in," ci-a thudon tuam na neih uh leh

James 5:4

En sin! A thaman na piak loh, na lo uh hong khawhsakte no langah kiko uh hi. An late kikona, a Thahatpen Topa bilah a tung zo hi.

James 5:6

No hong langbawl lo mawhpeng mite na mawhpaih uh a, na that zo uh hi.