James 2:19 - Zokam International Version

¹⁹ Pasian khat om hi, cih na um hi. Pha hi! Dawite nangawn in tua mah umin lau-in a ling uh hi.

LAISIENGTHOU CL Bible (BSI)

¹⁹ Pasian khat aum chi na gingta hi. Hoi e. Dawite nangawn in agingta ua, achitun uhi.

Zo Bible

¹⁹ Pasien khat beh om hi, ci na um uhi; na hoi sep hi. Dawite nangawn in umin zau-in a ling uhi.

James 2:19 ပူးပေါင်းရင်းမြစ်များ

Isaiah 43:10

"Note ka teci na hi uh hi," TOPA in cikhia a, "kei in amah ka hilam thei-in um a nong theihtel nadingun kong teelsa ka nasempa na hi hi. Kei om ma-in Pasian kibawl lo a, kei om khitin zong khat beek a om tuan kei hi.

Isaiah 44:6

TOPA cih hih ahi hi - Israel-te Kumpipa le Tanpa, Thahatpen TOPA in: Keimah a masapen le keimah a nunungpen ka hi hi; Keimah longal Pasian dang a om kei hi.

Isaiah 44:8

Ling kei un, kihta kei un. Hih thu sawtpi-in genkhol khin hi lo ka hi hiam? Note ka teci na hi uh hi. Kei lo Pasian dang om ahi hiam? Om lo hi, Suangpi dang a om kei hi; khat beek ka thei kei hi,"

Isaiah 45:6

tua pen nisuahna pan nitumna mun dong mite in kei longal adang kuamah a om loh lam a theih nading uh ahi hi. Keimah TOPA ka hi-a, adang a om kei hi.

Isaiah 46:9

Sawtpek lai-a a piangsa nate phawk un; keimah Pasian ka hi a, adang a om kei hi; keimah Pasian ka hi a, kei tawh kibang khat beek a om kei hi.

Jonah 4:4

Ahi hangin TOPA in, "Heh theih nading thu nei na hi hiam?" ci-in a dawng hi.

Jonah 4:9

Ahi hangin Pasian in Jonah tungah, "Nang, lenggui tungah heh nading thu nei na hi hiam?" ci hi. Amah in, "Ka nei hi, sih na ding khopin ka heh hi," a ci hi.

Zechariah 14:9

Leitung buppi ah TOPA , kumpi a hi ding hi. Tua ni ciangin TOPA khat bek om dinga, ama min bek min ahi ding hi.

Matthew 8:29

Amaute in, "Pasian Tapa aw, ko bang cih hong sawm na hi hiam? A kisehsa hun a tun ma-in kote bawlsia dinga hih lai-a hong pai na hi hiam?" ci-in a kiko uh hi.

Mark 1:24

"Nazareth mi Jesu aw, kote bang hong cih nuam na hi hiam? Kote susia dingin hong pai na hi hiam? Nang kua na hiam cih kong thei hi - Pasian Mi Siangtho na hi hi!" ci-in a kiko hi.

Mark 12:29

Jesu in, "A thupi penpen hih ahi hi: ‘Israel aw, ngai dih in i Topa eite Pasian in Topa khat ahi hi. e

Mark 5:7

Tuapa in, "A Sang Pen Pasian Tapa Jesu aw, kei bang hong cih nuam na hiam? Kei hong bawlsia lo dingin Pasian tungah kiciam in!" ci-in a aw neih zahin a awng hi.

Mark 7:9

Tua ciangin amah in amaute kiangah, "Na tang ngeinate uh na tan d theih nadingun Pasian thupiakte nawlkhin dan na siam uh hi!

Luke 4:34

"Ehei! Nazareth mi Jesu aw, kote bang hong cih nuam na hi hiam? Kote susia dingin hong pai na hi hiam? Nang kua na hi hiam, cih kong thei hi - Pasian’ Mi Siangtho na hi hi!" ci-in a kiko hi.

John 17:3

Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi.

Nasepte 16:17

Hih numeino in Paul le ko adangte hong zui a, "Na suahtak nading uh lampi hong gen hih mite Sang pen Pasian nasemte ahi uh hi," ci-in a kiko hi.

Nasepte 19:15

Ni khat tua kha gilo in amaute tungah, "Jesu ka thei a, Paul thu zong ka thei hi, no kua na hi uh hiam?" a ci hi.

Nasepte 24:25

Paul in, thumaanna, ei le ei pumpi ki-ukna le hong tung ding thukhenna thute a gen ciangin Felix lau a, "Pha zo! Ciah ta in. Hun hoih ka sak ciangin kong sam kik ding hi," a ci hi.

Rome-te 3:30

Vunatte amau upna hangin midik tangsak dinga, tua upna mah tungtawnin vunat lote, dik a tangsak ding Pasian khat bek om ahi nungsang amah, Gentile-te Pasian zong ahi hi.

1 Corinth-te 8:4

Tua tak ciangin milim thoihna an nekna thu panin milim pen, leitung ah bangmah a hi lopi hi-a Pasian khat longal adang om lo cih i thei hi.

1 Corinth-te 8:6

eite adingin Pasian khat bek om a, amah Pa hi-in, na khempeuh amah panin pianga eite ama adingin i nungta hi; tua ciangin Topa khat bek om a, amah Jesu Christ ahi hi; ama tungtawnin na khempeuh pianga, ama tungtawnin eite i nungta hi.

Galatia-te 3:20

Ahi zongin mi pawlkhat bek tangin palai a ding kei hi; ahi hangin Pasian khat ahi hi.

Thupiakkikna 6:4

Israel aw za in: TOPA eite Pasian, TOPA in khat b ahi hi.

1 Timothy 2:5

Ahang in, Pasian khat om a, Pasian le mite kikalah palai khat omin tua mipa Christ Jesu ahi hi.

James 2:8

Laisiangtho sunga om: "Nang le nang na ki-it bangin na vengte it in," a a cih kumpi thukham na letkip takpi uh leh amaana gamta na hi uh hi.

Jude 1:4

Ahang in, sawtpi-a amaute a kimawh paihna thu b a kigelh khin zo mi bangzah hiam khat note lakah hong lutsim zo uh hi. Amaute pasian-neilo mite hi uh a, eite Pasian hehpihna, a kihhuai paktat theihna suaksakin eite in Thuneipipa le Topa a, amah bek i neih Jesu Christ a nial uh hi.

Jude 1:6

Tua ciangin, a thuneihna dinmun uh kemcing lo a, a inn uh a taisan vansawltakte khuamial sungah khumcipin ni thupi Ni-a thukhen dingin tawntung sikkhainiang tawh a khih hi.

Kilaakna 20:10

Amaute a khem tua dawimangpa gamsa le kamsang zuaute a kipaihna kaat kuang lipi sungah a kilawn hi. Amaute sun le zanin a tawntung gawtna kithuaksak den ding hi.