James 1:12 - Zokam International Version

¹² Zia-etna thuaka, a sikdo mi thupha ngah ahi hi. Bang hang hiam ci leh zia-etna a thuak zawh khit ciangin Pasian in amah a itte a kamciamsa nuntakna lukhu a ngah ding hi.

LAISIENGTHOU CL Bible (BSI)

¹² Ze etna thuoh teitei mi khu ahampha hi, aziehpen etkhieh a aum zou chiengin Mangpa’n Ama itte kunga pieh dinga achiemsa hinna manglukhu asang ding hi.

Zo Bible

¹² Ze-etna a thuoh zo mi poma mi hampha ahi hi. Tua bang mipa in ze-etna a thuoh zaw ciengin Topa in ama a it mite tungah a na kamciemsa hinna lukhu a nga ding hi.

James 1:12 ပူးပေါင်းရင်းမြစ်များ

Piancilna 22:1

Tua khit a sawt loin Pasian in Abraham a sin hi. Amah in, "Abraham," ci-in sama, amah in, "Hiah ka om hi," ci-in a dawng hi.

Nehemiah 1:5

Tua ciangin: "TOPA vantung Pasian, nang hong itin na thupiakte a mangte tunga a itna thukhunte a zui a lian mahmah a kihtakhuai Pasian aw,

Job 2:10

Amah in, "Numei hai c khat bangin lah na pau a; Pasian tung panin a hoih sang hi lo i hi hiam? Gimna zong i san ding mah hi lo hiam?" ci-in a dawng hi. Hihte khempeuh ah a kam paunate panin Job a mawh kei hi.

Job 5:17

"Pasian in a sittel mite, thupha ngah ahi hi; tua ahi ciangin Thahatpa a hong seknate thusim lo kei in.

Phatna-late 11:5

TOPA in mi thumaante sittel-a, a hinna in migilote c le ngongtatna nuamsate a mudah hi.

Phatna-late 119:67

Ka thuaksiat ma-in lam ka pialkha zel a, ahi zongin tu-in na thu ka mang ta hi.

Phatna-late 119:71

Na thukipte ka sintheih nadingin kei adingin haksatna thuak a hoih hi.

Phatna-late 119:75

TOPA aw, na thukhamte maana na muanhuaina ah kei nong thuaksiatsak lam ka thei hi.

Phatna-late 5:11

Ahi hangin nang hong beelte khempeuh lungdamin amaute in lungnuamin la sasa uh hen. Na min a itte nang sungah a kipak nadingun amaute tungah na liahna zal in.

Phatna-late 94:12

TOPA aw, na thukham hilhin na sektat mi thupha ngah hi a;

Paikhiatna 20:6

Ahi hangin kei hong it-a, ka thupiakte a zui a tultulte tungah itna a lakpa ka hi hi.

Paunakte 17:3

Sik huantuina ah ngun kizia-et in, pummei ah kham kizia-et a, TOPA in ahileh lungsim a zia-et hi.

Isaiah 64:4

Tanglai-a kipan, amah a ngakte cihna-a na a sepsak nang longal Pasian khat beek kiza lo a, bil in zong za kha loin mit khat beek in a mu ngei kei hi.

Zechariah 13:9

Hih a thumna pen meikhuk ah ka khul ding hi. Ngun siansuah bangin ka siangsak dinga, kham bangin ka zia-et ding hi. Amaute in ka min hong lo ding uh a, ka dawng ding hi; ‘Amaute ka mite ahi uh hi,’ ka ci dinga amaute in, ‘TOPA in kote Pasian ahi hi,’ ci ding uh hi."

Matthew 10:22

Keima hangin mi khempeuh in note hong mudah ding uh hi. Ahi hangin a tawp donga kipte kihonkhia ding hi.

Matthew 25:34

"Tua hun ciangin Kumpipa in a taklama omte kiangah, ‘Ka Pa in thupha hong piaksate aw, hong pai un; leipiansak cil-a kipan no adinga kibawlsa na luah ding uh gam hong luah un.

Luke 6:22

Mite in note hong mudah uh a, Mihing Tapa hangin amaute in note hong puaseh in, hong engko in na min uh siasak a, hong nolh uh ciangin thupha ngah na hi uh hi.

Rome-te 5:4

thuak zawhna in nundan piangsak a, nundan in lametna piangsak ahilam eite in i thei hi.

Rome-te 8:28

Tua ciangin Pasian in ama ngimna tawh kizui-a, a sapsa mite a ahi, amah a itte a hoih nadingin na khempeuh a sepsak hi, b cih i thei hi.

1 Corinth-te 2:9

Ahi zong in: "Amah a itte adingin Pasian bawlkholhsate mitin mu ngei nai lo, bilin za ngei nai lo lungsimin ngaihsun ngei nai lo" d ci-a kigelhsa bang hi a,

1 Corinth-te 8:3

Ahi hangin Pasian a it mi Pasian in a thei hi.

1 Corinth-te 9:25

Kidemna-a kihel dingte peuhmah nakpitakin a kisin uh hi. Amaute a kisia thei lukhu ngah dingin a kidem uh hi. Ahi hangin eite in a kisia thei lo ding lukhu ngah dingin i kidem hi.

Thupiakkikna 13:3

tua kamsangpa ahikeh mang-manpa thu na ngai peuhmah kei ding uh hi. TOPA note Pasian in na lungsim khempeuh uh le na hinna khempeuh un amah na it uh hiam, cih a muhkhiat nadingin hong zia-et ahi hi.

Thupiakkikna 7:9

Tua ahi ciangin TOPA note Pasian pen Pasian ahilam thei un; amah a muanhuai Pasian hi-a, amah it-in a thupiak a zuite tungah ama itna thukhun khang tulkhat dongin a kiplet hi.

Thupiakkikna 8:2

TOPA note Pasian in ama thupiakte na zui uh hiam, na zui kei uh hiam cih note lungsim hong sittel nop manin, note hong niamkhiat a kum sawmli sung sehnel-gam lampi ah hong bangci makaih ahi hiam, cih phawk gige un.

2 Timothy 2:15

Maizumna om lo thutak thu diktakin a zang a santak nasempa bangin, Pasian tunga na kipiak theih nadingin na hih theih tawpin hih in.

2 Timothy 4:8

Tu-in thumaana thukhenpa Topa in tua ni cinga kei hong piak ding thumaanna lukhu kei ading a om zo hi. Kei bek hong kipia loin ama kilat ding lawpa a ngakte khempeuh zong a pia ding hi.

Hebrews 10:32

Note in khuavak na ngah khit nungua haksatna mai-ah panmun la a, nasiataka na do lai uh ni masate phawk un.

Hebrews 11:17

Pasian in a zia-et ciangin Abraham in upna hangin biakpiak nadingin Isaac a pia hi. Tua kam ciamna a ngahpa in a tapa khat neihsun biakpiakna-a pia dingin a kithawi hi.

Hebrews 12:5

Tapate banga note kianga hong gen, "Ka tapa aw, Topa hong sekna neu ngaihsut kei in; amah in nang hong tai ciangin na lung kiasak kei in;

Hebrews 6:15

Tua mah bangin lungduaitaka a ngak khit ciangin Abraham in tua a kikamciamsa a ngah hi.

James 2:5

Kong it ka sanggamte aw, ngai un: Pasian in upna ah ahau ding le amah a itte a kamciam, ama gam a luah dingin leitung mite muhna-a a zawngte teel hi lo ahi hiam?

James 5:11

Na theihsa bangun a sikdote thupha ngahin ka ngaihsun uh hi. Job sikdona na za zo uh a, a tawpna-ah Topa in a piakte na mu zo uh hi. Khuatuahna le lainatna tawh Topa a dim hi.

1 Peter 3:14

Ahi hangin thumaan khatpeuh hanga na thuak leh zong thupha ngah na hi hi. "Amau kihtakte na kihta kei un, b linthawn zawhin na om kei un," c

1 Peter 4:13

Ahi hangin ama minthanna hong kilaak ciangin na lungnopna uh a dimlet theih nadingin Christ thuaknate a thuakpih na hina uh hangin na lungdam un.

1 Peter 4:14

Pasian le a minthanna Kha note tungah om ahi manin, Jesu min hangin note hong ki-engko leh thupha ngah na hi uh hi.

1 Peter 5:10

Christ sunga a tawntung minthanna ngah dinga hong sampa, hehpihna khempeuh Pasian in, tomcik sung na thuak khit uh ciangin amahmah in na ngei uh hong bangsak dinga, hong hatsak in, hong kipsak hong khosak ding hi.

1 Peter 5:4

Tua hileh Tuucing Lianpenpa hong kilat ciangin a tul ngei lo minthanna lukhu na ngah ding uh hi.

1 John 4:19

Amah in eite hong it masa ahi manin eite in i it hi.

Kilaakna 2:10

Na thuak dingte kihta kei in. Nang hong zia-et dingin dawimangpa in kimkhat thong sungah hong khum dinga, ni sawm sung bawlsiatna na thuak ding uh kong hilh hi. Sih dongin muanhuai un, tua hileh nuntakna lukhu kong pia ding hi.

Kilaakna 3:19

Ka it mite tai-in ka sek hi. Tua ahi ciangin citak inla kisik in.

Kilaakna 3:21

Kei gualzo-in ka Pa tawh ama kumpi tokhom tungah ka tut bang tektek in, a gualzopa, kei tawh ka kumpi tokhom tungah a tut theih na ding thu ka pia ding hi.