Isaiah 9:4 - Zokam International Version

⁴ Bang hang hiam cih leh Midian-te a kizawh ni-a bangin nangmah in amaute vangik puakna hakkol le a liangko-ua kikham singzawl, amaute a kinetniamna ciangkhut na nuaizansak hi.

LAISIENGTHOU CL Bible (BSI)

⁴ Aziehpen apuohgih puohna hahkol leh, aliengzang ua zawl leh ama bawlsepa, chieng zong Midiante zawna nia na sattawng, pieh bangin na sattawng piehta hi.

Zo Bible

⁴ Azieh pen Midian-te a kizaw ni-a bangin nangma in amau’ vangih puohna hahkol le a liengko vua kikham singzawl, amate a bawlsie mite’ ciengpum na sattawngpieh ta hi.

Isaiah 9:4 ပူးပေါင်းရင်းမြစ်များ

Isaiah 14:25

Ka gam sungah Assyria mite ka gawizan dinga, ka mualte tungah ka tuancilgawp ding hi. Ka mite panin ama hakkol kilakhia dinga, amau liangko panin a van a kihemkhia ding hi," a ci hi.

Jeremiah 30:8

"Thahatpen TOPA in cikhia hi, ‘Tua ni ciangin amaute ngawnga hakkol ka kuaitan dinga a kihennate uh ka bottat ding hi; gamdang mite in amaute sila-in a khawi nawn kei ding uh hi.

Nahum 1:13

Tu-in note ngawnga hakkol ka sutan dinga na kolte uh ka bottat ding hi," a ci hi.

Isaiah 54:14

Thumaanna-in nang hong kikipsak dinga, ukcipna tawh na kigamla ding hi; bangmah na kihta kei ding hi. Gamlapi ah launa kikhinkhia dinga, nang kiang hong tung kei ding hi.

Isaiah 49:26

Nang hong nengniamte amaute sa amau mah ka nesak dinga, amau sisan zukham bangin ka khamsak ding hi. Tua ciangin mihing peuhmah in keimah, TOPA, note Honpa, note Tanpa, Jacob Thahat Pa ka hilam hong thei ding uh hi," a ci hi.

Siampi Laibu 26:13

Keimah TOPA note Pasian, Egypt-te sila a suak nawn lo dingin Egypt pana hong paikhiatpihpa ka hi hi; na hakkolte uh ka kuaitan-a, ngawng tangsa in kong pai theisak hi.

Piancilna 27:40

Namsau-in na nungta dinga, na sanggampa’ na na sem ding hi. Ahi hangin na kitomtom dinga na ngawng pana ama hakkol na lawnkhia ding hi," ci-in a dawng hi.

Isaiah 10:5

"A khut uh ka hehna cianggolh le ka thangpaihna khetbuk-a ka zat Assyria-te tungah gimna tung ta hen!

Phatna-late 125:3

A thumaan mite in a khut uh gitlohna-in zangkha ding uh ahi manin a thumaante a kipia gam ah migilote kumpi ciangkhut ki-omsak den lo ding hi.

Isaiah 51:13

Nang hong Bawlpa TOPA - vante zala leitung bulpite a phutpa a mangngilh nang, mi nengniamte thangpaihna hangin lauthawngsa-a nungtapa, siatna bek tupa nei pa nang kua na hiam? Ahang in, mi nengniamte thangpaihna koi-ah om ahi hiam?

Isaiah 47:6

Ka mite tungah ka heh a, ka gouluah ka ninsak hi; amaute na khut sungah kong pia-a, nang lainatna na lak kei hi. A khanghamte tung nangawn ah hakkol gik mahmah na suan hi.

Phatna-late 81:6

Amah in, "Amaute liangko panin tua vangik ka sankhia a; tanglawh panin a khutte uh ka khahkhiatsak hi.

Isaiah 9:5

Galkap hangte in gal sunga a zat uh khedapte le sisan a bang niaunuau puansilh khempeuh hal dingin kikoih dinga, mei in a kicih ding hi.

Isaiah 16:4

A kidelhkhia Moab-te no tawh omkhawmsak unla; amaute a susia dingte panin liah un." Mi nuainetpa om nawn loin, kisiatna a bei ding hi; leitungpanin a tatsiapa a bei ding hi.

Isaiah 52:2

Na leivuite singkhia in; Jerusalem aw, tho inla kumpi tokhom ah tu in. Saltang Zion Tanu aw, na ngawnga khainiangte panin kisuahtak in.

Jeremiah 48:17

Tuanu liatna a thei a kima tengte khempeuh aw amah kah unla, ‘A khauh na sik ciangkhut kitan-a, a minthang na ciangkhut lah a kitan ta mawk a!’ ci un.

Isaiah 10:16

Tua ahi ciangin Topa, Thahatpen TOPA in ama galhang tha hoihte tungah thabei natna a tungsak ding hi; ama thupina nuai-ah mei kuanglai bangin a kuang den ding hi.