Isaiah 9:3 - Zokam International Version

³ Tua minam na khangsaka, a lungdamna uh na khangsak hi; anlak cianga mite a lungdam bang le van kisutte a kihawm cianga a lungdam bangin na mai-ah mite a lungdam uh hi.

LAISIENGTHOU CL Bible (BSI)

³ Nangman namte na pungsahta a, tualeh alungnopna uh na pungsah a, bu lah laia kipahna bang leh miten, galvanlah akihawm chieng ua akipah, mabangun na masangah akipah uhi.

Zo Bible

³ Nang in minam na pungsah zo a, a lungdamna uh na khangsah zo hi. Anlah huna a lungdam bang ule galvanlah a hawm hunin mite kipahin a lungdam bangun, na mai-ah amate a lungdam uhi.

Isaiah 9:3 ပူးပေါင်းရင်းမြစ်များ

Nehemiah 9:23

Nangmah in a tate uh vana aksi zaha tam dingin na bawl-a, pai-a a luah dingun a pate uh tunga na gensa gamah na puak hi.

Job 12:23

Amah in minamte liansak a, amaute a susia hi; minamte khangsaka amaute a thehthang hi.

Phatna-late 107:38

amah in amaute thupha pia-in pung mahmah uh a, a ganhonte uh zong a kiamsak kei hi.

Phatna-late 119:162

Van kinusia tampi a mupa bangin na thuciam ah ka lung nuam hi.

Phatna-late 4:7

Amaute in an le zuthak a hauh hun ua a lungnop uh sangin a lianzaw lungnopna tawh ka lungsim nong dim hi.

Isaiah 10:26

Thahatpen TOPA in Oreb suangtumpi a, Midiante a sattuk bangin amaute khauteepin vat dinga, Egypt a a hih bangin tui tung tengah a ciangkhut a viik ding hi.

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Isaiah 14:5

TOPA in mitatsiate ciangkhut le gam ukte ciangkhut -

Isaiah 25:9

Tua ni ciangin amaute in, "Hih in eite Pasian hi takpi hi; amah i muanga, amah’n hong hon hi. Hih in TOPA, amah i muanpa ahi hi; ama hotkhiatna ah nuamsa-in kipak ni," a ci ding uh hi.

Isaiah 26:15

Minam khat nong liansak hi, TOPA aw; ko minam nong liansak hi. Nangmah bek in minthanna na ngah hi; gamgite khempeuh nangma sotsa ahi hi.

Isaiah 35:10

TOPA in tatman a piaksate hong ciah kik ding uh hi. Amaute lasa kawmin Zion ah a lut ding uh hi; amaute lutungah a tawntungin lungnopna khu ding uh hi. Nopsakna le kipahna tawh kidim ding uh a, dahna le khuisatna beimang ding hi.

Isaiah 35:2

a pak uh kakhia dinga; nuam lua mahmah in lungdamin kiko ding uh hi. Lebanon minthanna kipia dinga, Carmel le Sharon thupina a kipia ding hi; amaute in TOPA’ minthanna le Pasian thupina a mu ding uh hi.

Isaiah 54:1

"Tasel numei, ta a nei ngei lo nu aw, la sa in; nau suah nat a thuak ngei lo nu aw, la sakhia-in lungdamin awng in. Bang hang hiam cih leh pasal nei numei’ tate sangin a kinusia numei tate a tamzaw hi," TOPA in a ci hi.

Isaiah 55:12

Gual nuamin na kuankhia ding uh a, lungnuamin hong kipaikhiatpih ding hi; note mai-ah mualliante le mualneute la sa in awng ding uh a, lo lai-a singkung khempeuh in khut beng ding uh hi.

Isaiah 61:10

TOPA sungah nuam ka sa mahmah a, ka Pasian sungah ka kha a kipak hi. Ahang in, zi neipa in siampipa bangin a lu a zep bang le, suangmanpha-in monu a kizep bangin amah in hotkhiatna puante kei hong silhsak khin a, thumaanna puantualpi-in kei hong zem khin hi.

Isaiah 61:7

Ka mite in amau maizumna tangin a zahnih tang ding uh a, amaute mindaina tangin amau luahna nuam a sa ding uh hi; tua ciangin amau gamah a zah nih luah ding uh a, tawntung nopsakna amau aa hi ta ding hi.

Isaiah 65:14

Ka nasemte in amau lungsima pusuakkhia lungdamna la sa ding uh a, note na hi uh leh na lunggim man uh leh na lungsim uh a kitapna hangin tau-in na kapkhia ding uh hi.

Isaiah 65:18

Ahi hangin, Jerusalem nopsakna-in ka piangsak dinga a sunga tengte nuamsa ding uh ahi manin ka piansaksa sungah nuamsa-in kipak tawntung un.

Isaiah 66:10

Jerusalem a it note khempeuh aw, amah tawh nuamsa unla, ama hangin kipak un; ama hanga a thum note khempeuh aw, amah tawh nuamsa khawm un.

Jeremiah 31:7

Hih in TOPA gen ahi hi: "Jacob adingin lungdamin la sa un; minamte lakah a madawkpen adingin kiko un. Na phatna uh kiza henla, ‘TOPA aw, a baanglai na mi Israel-te honkhia in,’ ci un.

Hosea 4:7

Siampite a punna uh tawh kizui-in kei langah tam a mawhzaw uh hi; amaute c in amau Minthanna pen maimawlna khatpeuh tawh a khek d uh hi.

Siampi Laibu 26:13

Keimah TOPA note Pasian, Egypt-te sila a suak nawn lo dingin Egypt pana hong paikhiatpihpa ka hi hi; na hakkolte uh ka kuaitan-a, ngawng tangsa in kong pai theisak hi.

Zechariah 10:8

Amaute khutvanin ka kaikhawm ding hi. Amaute ka tankhia taktak dinga, a masa lai-a bangin tampi a pha ding uh hi.

Zechariah 2:11

Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi.

Zechariah 8:23

Thahatpen TOPA thugen hih ahi hi: "Tua ni ciangin kam khempeuh le minamte khempeuh sung pan mi sawm in Jew khat a puanmongteep panin lenkipin, ‘Nang tawh tonkhawm ni, bang hang hiam cih leh nang tawh Pasian omkhawm hi, a kicih ka za uh hi,’ ci ding uh hi," a ci hi.

Luke 11:22

Ahi hangin amah sanga hatzaw khatin amah busima, a thazawh khit ciangin ama muan a hiamte sutin a nate a hawmthang hi.

Nasepte 8:8

Tua ahi ciangin tua khuapi sungah lungdamna lianpi a tung hi.

Philippi-te 4:4

Topa sungah lungnuam tawntung un. Kong genkik ding hi: Lungnuam un!

1 Peter 1:8

Amah mu ngei lo napi na it uh hi; tu-in amah mu lo napi na um uh a, a kigenkhia thei lo a minthang lungnopna tawh na kidim uh hi.

Thukhente 5:3

"No kumpite aw, za un! No gam-ukte aw, ngai un! TOPA la ka sak c dinga, ka sak ding hi; Israel Pasian TOPA tungah, tumtheih d ka tum ding hi.

Thukhente 7:22

Pengkul zathum a gin ciangin TOPA in giahphual sunga om mite khempeuh khat le khat a namsau un a kisat tuahsak hi. Galkapte in Beth Shittah ah Zererah lam manawh uh a, Tabbath kianga Abel Meholah gamgi dong a tai uh hi.

Thukhente 8:12

Midian-te kumpi nihte, Zebah le Zalmunna a tai uh hi; ahi hangin amah in galkap honpi delhkekin amaute gel nungdelha, a man hi.

1 Samuel 30:16

Amah in David makaih suka amaute Philistia-te gam le Judah panin a lak uh van tampitakte hangin ne-in dawnin nuamsa-in khuaneute ah a kikhenthang laitak uh ahi hi.