Isaiah 66:3 - Zokam International Version

³ Ahi hangin bawngtalin biakna a piapa mi thatpa tawh kibanga, tuuno khat go-a biakna a pia peuhmah ui ngawngtanpa tawh kibang hi; an-a biakna a pia peuhmah vok sisan piapa tawh kibanga, tuateh phawkna-a gimnamtui a hal peuhmah milim biapa tawh kibang ahi hi. Amaute in amau deih zia le tong teel khin uh a, amaute hinna in a kihhuaite nuam sa uh hi;

LAISIENGTHOU CL Bible (BSI)

³ “Bawngtal that mi pouma pen, mihing that bang ahi, Belamnou a kithoi mi zong, ui ngawng hehtan bang ahi; ann sillat lan mi zong voh sisan lan bang ahi. Gimnamtui hal a lan pouma zong, Milim bie bang ahi. Amauh lampi chiet akitel ua, ahinna un akidahhuoina uh akipahpi uhi.

Zo Bible

³ Bawngtang a go poma mihing a that tawh kibang hi; tuuno-a biehpiehna a bawl poma pen ui’ ngawng tan mipa tawh kibang hi; an tawh biehna a pie poma pen voh’ si a pie mipa tawh kibang hi; panamtui tawh phawna biehna pie poma pen milim thupha a pie pa tawh a kibang hi. Tam mite in a lampi ciet uh a teel vua, amau’ kidahhuoi a gamtatnate ah nuom a sa uhi;

Isaiah 66:3 ပူးပေါင်းရင်းမြစ်များ

Paunakte 15:8

Migilote biakpiakna TOPA in kih a, a thutang mite thungetna in amah lungkimsak hi.

Paunakte 21:27

Migilote’ kithoihna kihhuai hi - ngimna hoih lo tawh a puakte nak kihhuai zaw ngel ve!

Isaiah 44:19

Khat beekin ngaihsun lo uh a, khat beek in, "Alang mei-in ka cih khin a; a am tung nangawn ah anlum ka em a, sa hangkeu-in ka ne khin hi; a val laite-in a kihhuaina bawl ding ka hi hiam? Singbek khat mai-ah kun buang ding ka hi hiam?" cih nading theihna le theihtelna nei buang lo uh ahi hiam?

Isaiah 53:6

Eite khempeuh tuu bangin lam i pial khin a, eima utna ciatah i pial hi; TOPA in eite khempeuh mawhna ama tungah a suan hi.

Isaiah 57:17

Ama huaiham mawhna hangin ka heh lua-a; amah dan thuaksakin hehin ka lehngatsan hangin, ama nopsak bangin a gamta veve hi.

Isaiah 65:12

ken, namsau adingin nang kong sehkhol dinga, hong ngawngtan dingte dawhin na vekun na kun ding uh hi; ahang in, kong sap hangin nong dawng kei uh a, kong gen hangin na ngai kei uh hi. Kei muhin gitlohna na sem uh a, kei hong lungkimsak lote na teel uh hi," a ci hi.

Isaiah 65:2

Sun nilohin a paupeng mite tungah ka khut ka zan hi, tua mite pen amau ngaihsutna zui-a lampi hoih lo a tawnte

Isaiah 66:17

"Huante sunga pai dingin amaute kisiansuah a, amau le amau a kisiangsakte, voksa, zusa le a kihhuai nate ne a, a laizang a pena a zuite - amaute a beimang khawm ding uh hi," TOPA in cikhia hi.

Jeremiah 6:20

Bang dingin Sheba pana gimnamtui le gamlapi pana sing namtui thusim ding ka hi hiam? Na meihal biaknate uh kisang thei lo a, nong biakpiaknate un kei hong lungkimsak kei hi," hong ci hi.

Siampi Laibu 2:2

Aaron tapa siampite kiangah tawi ding hi. Siampipa in annel le sathau gim namtui khempeuh tawh khut dim khat pham khawm dinga, TOPA a lungkimsak mei-a meihal biakna khat phawkna-in biakna-tau tungah a hal ding hi.

Haggai 2:14

Tua ciangin Haggai in, "Hih mite le hih minamte kei muhna ah tua tawh kibang uh hi," TOPA in cikhia hi. ‘A sep peuhpeuh, a piak peuhpeuh uh anin ahi hi.

Thupiakkikna 14:8

Vok in zong khecin ka a neih hangin eknel hai lo ahi manin a nin ahi hi. A sa lah ne loin a sisa zong na lawng kei ding uh hi.

Thupiakkikna 23:18

Numei kizuak man ahi-a, pasal kizuak man a ahi zongin kiciamna khatpeuhpeuh mante TOPA note Pasian innah na tun peuhmah kei ding uh hi; a nihin TOPA note Pasian in a kihkhawm hi.

Thukhente 10:14

Pai unla na pasian dingua na teelte uh va ko un. Na lungkham uh ciangin amaute kihonkhiasak un!" ci-in a dawng hi.

Thukhente 21:25

Tua hun lai-in Israel in kumpi nei lo hi; amau hoihsak bangin a gamta ciat uh hi.

Thukhente 5:8

Adang pasiante a teel uh ciangin, khuapi ah gal tunga, Israel tul sawmlite lakah lum le tei a kimu kei hi.