Isaiah 66:2 - Zokam International Version

² Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

LAISIENGTHOU CL Bible (BSI)

² Aziehpen tam silte zousie ka khut in abawlta a, tua silte ahing um uhi; Mangpa’n achi hi. Hinanleh mi gentheitah a um, lungsim kisia tuntun, tualeh ka thu a chitun zel mi ka en zaw ding hi.

Zo Bible

² Tam nate zosie ka khuta ka bawlsa ahi a, tam nate zosie keima-a’ ahi hi, Topa in ci hi. Ahi vangin ka et ding mi pen a kiniemkhieh le a lungsim kisia, ka thu a zah cienga zau-a a citun mipa ahi hi.

Isaiah 66:2 ပူးပေါင်းရင်းမြစ်များ

1 Kumpite 21:29

"Ka mai-ah Ahab a kiniamkhiat lam na phawk hiam? Amahmah kiniamkhiat ahi manin hih siatna ama hun sungin ka tungsak kei ding hi, ahi hangin a tapa hunin a innkuan tungah ka tungsak ding hi," a ci hi.

2 Kumpite 22:10

Tua ciangin thuvanpipa Shaphan in kumpipa kiangah, "Siampi Hilkiah in kei laibu khat hong pia hi," ci-in a theisak hi. Tuateh Shaphan in kumpipa omin a sim hi.

2 Kumpite 22:11

Kumpipa in Thukham Laibu sunga thute a zak ciangin a puante a balkek hi.

Ezra 10:3

Tu-in nang ka topa uh le eite Pasian thupiakna a kihtate ngaihsutna tawh kizui-in hih numei te le a tate uh khakkhiat nading eite Pasian mai-ah thukhun i bawl ding hi. Thukham tawh kituakin kibawl ta hen.

Ezra 9:4

Tua ciangin sal-a om hi mite muanhuailohna hangin Israel-te Pasian thu za-a a ling peuhmah ka kimah hong kikhawm uh hi. Tuaci-in nitak biakpiak hun dong tua lai-ah ka tucip hi.

Phatna-late 119:120

Nang hong kihta-in ka sa ling a; na thukhamte ka kihta hi.

Phatna-late 119:161

Gam-ukte in a thu om loin hong bawlsia uh a, ahi hangin na thu ah ka lungsim a ling hi.

Phatna-late 138:6

A sangpi ah TOPA om taleh a tualniamte thudon-a, a gamlapi panin a kiphasakte a thei hi.

Phatna-late 34:18

Lungtang kitamkhamte kiangah TOPA nai a, a lungsim kitamzante honkhia hi.

Phatna-late 51:17

Pasian biaknate e ka biakpiakna in ahileh a tamkham lungsim ahi hi; Pasian aw, a kitamkham lungtang kisikna na nolh kei ding hi.

Phatna-late 51:19

Tua hileh thumaanin biakna kipia dinga, meihal biakna buppite in nang hong lungkimsak in; tua ciangin na biakna-tau tungah bawngtalte hong kipia ding hi.

Paunakte 28:14

TOPA a kihta tawntung mi thupha ngah hi-a, a lungtang khauhsakte ahileh a lungkham hi.

Paunakte 29:23

Mi khat a kiphatsakna in niamkhiat a, a lungsim kiniamkhiat mi ahileh pahtawina a ngah hi.

Isaiah 40:26

Dakto unla vante en dih un. Hihte khempeuh kua piansak ahi hiam? Amah in aksi honpite khatkhatin suaksak a, a min ciatun a sam hi. Ama vangliatna le thahatna hangin amaute khat beek a mangthang kei hi.

Isaiah 41:20

tua pen mihingte in TOPA khut in hih bawl khin a, Israel-te Siangtho Pa in a piansak ahi hi, ci-in mu a, ngaihsun thei in a theihtel nading uh ahi hi.

Isaiah 57:15

Ahang in, a sang, a sangpen Pa - a nungta tawntung ama min siangthopa gen hih ahi hi: "A sangna le a sianthona munah ka tenga, ahi hangin lungsim niamte le lunggimte a lungkhauhsak dingin a lungsim niamte le a lunggimte tawh ka tengkhawm hi.

Isaiah 61:1

Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate a khahkhiat nading tangko ding,

Isaiah 66:5

No ama thu hanga lingte aw, TOPA kammal za un: "Na sanggamte un keima min hangin hong mudahin hong hawlkhia uh a, ‘Na lungnopna uh i muh theih nadingin TOPA kiminthangsak hen!’ ci uh hi. A tua cih uh hangin amaute a kimaizumsak ding hi.

Hosea 11:10

Amaute in TOPA zui ding uh hi; humpinelkai bangin amah a hawk ding hi. Amah a hawk ciangin nitumna-lam panin a tate lingkawmin hong pai ding uh hi.

Micah 6:8

Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

Habakkuk 3:16

Ke’n ka za a, ka lungtang kisai damdamin ka muk linga, ka guh ka tang hong zenin, a muatkhia ding banga, ka khete a ling daldal hi. Tua hi taleh ko hong simgawp minamte tungah kisiat ding ni lungduaitakin ka ngak ding hi.

Matthew 12:6

Biakinnpi sanga lianzaw khat d hih lai-ah a om hi, cih kong gen hi.

Nasepte 7:50

Hih na khempeuh ka khuta ka bawlsa hi lo ahi hiam? Topa in ci hi.’ j

Nasepte 9:6

Tu-in tho inla khuapi sungah lut in. Na hih pelmawh ding hong kigen ding hi," ci-in a dawng hi.

Philippi-te 2:12

Tua ahi manin kong it lawmte aw, thu na man densa bangun ka om sung bek hi lo, ka om loh sungin zong ka thu hong mangzaw in, lau kawm ling kawmin note hotkhiatna na semkhia den un.

Colosse-te 1:17

Na khempeuh a om ma-in amah om a, ama sungah na khempeuh a kizom khawm hi.