Isaiah 61:3 - Zokam International Version

³ Zion-a om a dahte huhin - amau lutungah vut tangin kumpi lukhu a khusak ding, thumna tangin nuamna sathau, le lungkiatna kha tangin phatna puan a pia dingin kei hong sawl zo hi. ama thupina a kilat nadingin amaute, TOPA suansa thumaanna tehno kungte, kici ding hi.

LAISIENGTHOU CL Bible (BSI)

³ Zion a dalekapte henem ding leh, vut taanga pahkhi pe ding, da leh kaana taanga lungnopna sathau pe ding leh, nguina hagau taanga phatna puon pe dingin, kei ahing sawl hi; Mangpa pahtawi a a um theina dinga, amauh dihtatna singte, Mangpa phusa akichi theina ding un.

Zo Bible

³ a date adingin Zion ah, vut tangin paakuol, dana tangin nopna sathau, lungkiehna tangin phatna puon a pie dingin keima ei sawl zo hi. Amate pen dihna gangpi sing kici ding a, ama’ thupina a kilah nadingin Topa’ suon singkung kici ding hi.

Isaiah 61:3 ပူးပေါင်းရင်းမြစ်များ

Esther 8:15

Mordecai in adum le akang kumpi puan silh a, kham kumpi lukhu a lian deda khat khu in saihadial puan hoih le puansan silhsa in kumpipa omna panin a paikhia hi. Tua hi-a Susa khuapi ah lungnuamtakin pawi a kibawl hi.

Esther 9:22

Jew-te a galte uh khut sung pan a suahtakna uh, amaute dahna, nuamna a suah kha le amaute thum ni, pawi bawl ni a suah kha phawkna in a bawl dingun a zasak hi. Amah in amaute tungah tua mite pawi bawl ni le lungnop ni-in zanga khat le khat an kikholhin mizawngte letsong piakni-a a zat dingun a gelh hi.

Phatna-late 104:15

mihing lungsim a nuamsak dingin zu, a mai a zolsak dingin sathau le a lungsim a hatsak dingin anlum a pia hi.

Phatna-late 149:4

Ahang in, a mite tungah TOPA lungtai a, a kiniamkhiatte hotkhiatna a khusak hi.

Phatna-late 23:5

Ka galte ompi-in ka mai ah sabuai nong lui hi. Ka lu sathau nong nilh a; ka hai a dimlet hi.

Phatna-late 30:11

Ka thumna, lamna na suaksak a; ka puanhampi puan suahkhia-in lungnopna nong silhsak hi,

Phatna-late 30:12

tua hangin ka lungsimin la kongsak a, ka dai om kei hi. Keima Pasian TOPA aw, lungdam kong ko tawntung ding hi.

Phatna-late 45:7

Thumaanna na it a gitlohna na mudah hi; tua ahi ciangin Pasian, na Pasian in nopna sathau hong nilhna tungtawnin na pawlte tungah hong koih hi.

Thuhilhna 9:8

Puanpak silh den inla na lu sathau nilh tawntung in.

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Isaiah 26:2

A thumaan minamte - upna a nei den minam lut nadingin kongte hong un.

Isaiah 44:23

Hih in TOPA sepsa ahi manin vante aw lungdamin la sa un; nuai-a lei aw, nakpi in kiko in. No mualliante, no tulak le singkungte khempeuh aw, TOPA in Jacob tankhia khin a, Israel sungah amah kiminthangsak khin ahi manin la sakhia zuah un.

Isaiah 46:13

Ka thumaanna note kiang nai-ah kong puak hi, gamlapi-ah a om kei hi; ka hotkhiatna a ziakai nawn kei ding hi. Hotkhiatna Zion tungah, ka thupina Israel tungah ka pia ding hi.

Isaiah 52:1

Khanglo in, khanglo in, Zion aw, thahatna puanin silh in. Khuapi siangtho Jerusalem aw, na thupina puan silh in. Na sungah vunat lohte le a kihhuaite lut kik lo ding uh hi.

Isaiah 61:10

TOPA sungah nuam ka sa mahmah a, ka Pasian sungah ka kha a kipak hi. Ahang in, zi neipa in siampipa bangin a lu a zep bang le, suangmanpha-in monu a kizep bangin amah in hotkhiatna puante kei hong silhsak khin a, thumaanna puantualpi-in kei hong zem khin hi.

Jeremiah 31:13

Tua ciangin nungakte lam ding uh a, tangvalte le uhamte in a kibangin nuam a sa ding uh hi. Amaute thumna, nuamna ka suaksak dinga; amaute hehnemin a dahna tangun amaute ka lungnuamsak ding hi.

Ezekiel 34:29

Amaute an pianna a minthang gam khat ka pia dinga a gam-uah kialpi tung nawn lo dinga minamte in zong a simmawh nawn kei ding uh hi.

Ezekiel 47:7

Tua lai ka tun ciangin gunpang tuaka po singkung tampitak ka mu hi.

Zechariah 3:5

Tua ciangin, "Dial siangtho khat a lu ah khimsak in," ka ci hi. Tua ciangin TOPA vansawltak in a dinpih lai mahin amaute in a lu ah dial siangtho khat khimsakin puan a silhsak uh hi.

Matthew 15:13

Amah in, "Vantunga ka Pa in a suan loh kung peuhmah a zungin kibotkhia ding hi.

Matthew 5:16

Tua mah bangin mite in na gamtatna hoihte uh a muh ciangin vantunga om na Pa uh a phat nadingun na khuavak uh mite mai-ah na tangsak un.

Luke 15:22

"Ahi hangin a pa in a nasemte kiangah, ‘Manlang un! Puan a hoih pen hong la unla amah silhsak un. A khutme ah zungbuh bunsak unla khedap zong bulhsak un.

John 15:8

Note in gah tampi na gah uh a, ka nungzuite na hina uh na lahna uh, ka Pa minthanna ahi hi.

John 16:20

Thutak kong geninah, leitung a lungdam laitakin note kapin na dah ding uh hi. Na lungkham ding uh a, ahi hangin na lungkhamna uh lungnopna a suak ding hi.

1 Corinth-te 3:9

Ahi hangin kote Pasian tawh nasem khawmte ka hi uh a, note Pasian inn Pasian lo na hi uh hi.

1 Corinth-te 6:20

note man kipia-a leisa na hi uh hi. Tua ahi manin na pumpi uh tawh Pasian na pahtawi un.

Philippi-te 1:11

Pasian minthan nading le a kiphat nadingin Jesu Christ tungtawna hong pai thumaan gah tawh na dim nading uh ahi hi.

2 THESSALONIKA 1:10

Amah hong pai ni-in a misiangthote sungah kiminthangsak dinga amah a um mite khempeuh lakah piandang a kisa ding hi. Note kianga ka teci panna uh na upna un note zong a umte lakah hong kihelsak hi.

Hebrews 1:9

Thumaanna it-in, tatsiatna na mudah hi; tua ahi manin Pasian, na Pasian lungnopna sathau nilhna tawh na pawlte khempeuh sangin, nang hong tawisang zaw hi," f

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.

1 Peter 4:14

Pasian le a minthanna Kha note tungah om ahi manin, Jesu min hangin note hong ki-engko leh thupha ngah na hi uh hi.