Isaiah 61:2 - Zokam International Version

² TOPA angvan kum le eite Pasian phulak ni tangko-a, a thumte khempeuh hehnemin,

LAISIENGTHOU CL Bible (BSI)

² Mangpa lungdam kum thu leh, i Pasian phubalahna ni phuongdoh ding leh, da leh kapte hamuon dingin,

Zo Bible

² Topa’ angvan kum le i Pasien’ phulah ni a tangko ding;

Isaiah 61:2 ပူးပေါင်းရင်းမြစ်များ

Isaiah 1:24

Tua ahi ciangin Topa, Thahatpen TOPA , Israel-te Thahatpen Pa in: "Ah, ka galte panin ka honkhia dinga kei mahmah in ka galte phu ka la ding hi.

Isaiah 13:6

TOPA ni naita ahi manin kap vangvang un; Thahatpen c pana suksiatna hong tung ding hi.

Isaiah 2:12

Thahatpen TOPA in a kisathei le a kiliansak khempeuh, a kitawisangte khempeuh (tuateh amaute a kiniam koih ding hi),

Isaiah 25:8

sihna a valhtum den ding hi. Thupipen TOPA in maitang khempeuh pana khitui teng nulsak dinga, leitunga ama mi khempeuh minsiatna a beisak ding hi. TOPA gensa ahi hi.

Isaiah 34:2

Minamte khempeuh tungah TOPA heh hi; amaute’ galkapte khempeuh tungah thangpai hi. Amah in amaute susia khin kiuhkeuh d dinga; amaute thah dingin pia ding hi.

Isaiah 34:8

Ahang in, TOPA in Zion mawhsakte a thuksak ding, dan a tuahsak ding kum khat, a phu lak ding ni khat a nei hi.

Isaiah 35:4

A lauthawng mite tungah, "Kihatsak un, lau kei un; na Pasian uh hong pai dinga phula dingin hong kuanin a siangtho dantuahsakna tawh note hong hon ding hi," ci un.

Isaiah 40:1

Hehnem un, ka mite hehnem un, note Pasian in hong ci hi.

Isaiah 49:8

TOPA gen hih ahi hi: "Kong angvan hunin kong dawng dinga, hotkhiatna ni-in nang kong huh ding hi; Keimah in note hong kemin mite adingin thukhun kong suaksak dinga, leitang hong puahphasakin kuama tenlohna mun kong luahsak dinga,

Isaiah 51:12

"Kei, kei mahmah note hong hehnempa ka hi hi. Mihing hi lel a, mihing tapate ahi lel, lopa bang lelte a kihta nang kua na hiam?

Isaiah 57:18

Ama lampi ka muh khit hangin amah ka damsak ding hi; amah lam ka hilh dinga hehnem in,

Isaiah 58:5

Kei teel antanna in mi khat amah le amah ni khat sung kiniamkhiat lel ding ahi hiam? Pumpeng bangin a lu kun a ippi puan silhin vut laka lup lel kei deih antan nam ahi hiam? TOPA san theih ding ni khat sung antan na cih uh tua ahi hiam?

Isaiah 60:10

"Gamdang mite in na kulhte uh ciang kik ding uh a, a kumpite un na na uh sem ding uh hi. Hehna-in nang kong sat hangin, kong angvanna-in ka khuatuahna kong lak hi.

Isaiah 66:14

Hih thu na muh uh ciangin na lungsim uh nuam dinga, lopa bangin na nosuak ding uh hi; ama nasemte tungah TOPA khut kilang dinga ahi hangin a galte tungah a hehna a lak ding hi.

Jeremiah 31:13

Tua ciangin nungakte lam ding uh a, tangvalte le uhamte in a kibangin nuam a sa ding uh hi. Amaute thumna, nuamna ka suaksak dinga; amaute hehnemin a dahna tangun amaute ka lungnuamsak ding hi.

Jeremiah 46:10

Ahi hangin tua ni Topa in a galte tunga phulak nading phulak ni hi a, Thahatpen TOPA aa ahi hi. Namsau in a kham mateng valhin a dangtak a kap mateng a sisan dawn ding hi. Ahang in, Topa Thahatpen TOPA in leilu-lam gam Euphrates Gun gei-ah kithoihna-in a nei ding hi.

Micah 3:8

Ahi hangin kei ka hileh Jacob khialhna le Israel mawhna pulak dingin vangliatna, TOPA Kha le thutang le hatna tawh ka kidim ding hi.

Matthew 5:4

A dahte thupha ngah ahi hi, ahang in, amaute a kihehnem ding hi.

Luke 4:19

Topa angvanna kum a tangko dingin, kei hong sawl zo hi," a ci-a kigelhna mun a mu hi.

Luke 6:21

Tu laitaka gilkial note thupha ngah na hi uh hi, ahang in, hong kivak kham ding hi. Tu laitaka kap note thupha ngah na hi uh hi, ahang in, na nui ding uh hi.

2 Corinth-te 6:2

Ahang in amah in, "Kong angvan hunin note kong za a, hotkhiatna ni-in note kong huh hi," b ci hi. Pasian angvan hun tuhun hi-a, hotkhiatna ni tuni ahi hi, cih kong gen hi.

1 THESSALONIKA 2:16

Gentile-te a kihotkhiat theih nadingin amaute kianga thu ka hilh ding uh hong kham uh hi. Hih bangin a hih theih zahzah un mawhnate in amaute a kivuk uh hi. A tawpna a ah amau tungah Pasian thangpaihna a tung petmah hi.