Isaiah 61:1 - Zokam International Version

¹ Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate a khahkhiat nading tangko ding,

LAISIENGTHOU CL Bible (BSI)

¹ Mangpa hagau khu ka kungah aum a, Aman gentheite kunga khantan hoi gen dingin, Mangpa’n sathau ahing nuta hi. Aman lungtang hasete damsah ding leh, saltangte kunga suotatna thu gen ding, tualeh suongkul taangte hadohna ding, thu phuong dingin, kei ahing sawl hi.

Zo Bible

¹ Topa Pasien’ hlagau keima tungah a om hi, azieh pen Topa in kei sathau ei nu zo ta hi; ama in a kibawlsie mite kungah lungdamna thu puoh ding, lungsim tamkhamte a khuipieh ding, saltang mite kungah suotahna thu a tangko ding le thongkie mite a hlakhie ding;

Isaiah 61:1 ပူးပေါင်းရင်းမြစ်များ

Luke 7:22

Tua ciangin amah in thupuate kiangah, "Note pai kik unla, na zaksa na muhsa uh thu teng John kiangah va hilh un: Mittawte in khua mu uh hi, khebaite lam pai thei uh hi; miphakte b damsiang uh hi; bilngongte in khua za uh hi; misite kihingkiksak hi; mizawngte kiangah lungdamna thu kihilh hi.

Isaiah 42:7

Mittawte mit honsak ding, thong sung pan le thong hawmpi sunga khuamial laka tute a khahkhia ding na hi hi.

Matthew 11:5

Mittawte in khua mu a, khebaite lam pai-in, miphakte a damsiang uh a, bilngongte in khua za hi; misite kithosakin, mizawngte kiangah lung damna thu kigen hi.

Phatna-late 147:3

Amah in lungsim tamkhamte damsak a, amau liammate a tunsak hi.

Isaiah 42:1

"Hih lai-ah ka letkip, ka lungkimna, ka telsa ka nasempa a om hi. Ama tungah ka Kha ka koih dinga, amah in minamte tungah thutang a puak ding hi.

Nasepte 10:38

Pasian in Nazareth mi Jesu, Khasiangtho le vangliatna sathau a nilh zia le amah pai kawikawi in, Pasian in amah a ompihna hangin na hoih sema, dawimangpa vangliatna nuai-a mi khempeuh a dam saknate na thei zo uh hi.

Isaiah 57:15

Ahang in, a sang, a sangpen Pa - a nungta tawntung ama min siangthopa gen hih ahi hi: "A sangna le a sianthona munah ka tenga, ahi hangin lungsim niamte le lunggimte a lungkhauhsak dingin a lungsim niamte le a lunggimte tawh ka tengkhawm hi.

Isaiah 49:9

thongkiate tungah, ‘Hong paikhia un’ ci-in khuamial sunga omte tungah, ‘Suakta un,’ ka cisak ding hi. "Amaute in lampi gei-ah an ne in mualneu tunga pawnlak khempeuh ah lonona a mu ding uh hi.

Phatna-late 34:18

Lungtang kitamkhamte kiangah TOPA nai a, a lungsim kitamzante honkhia hi.

Isaiah 48:16

Ka kiang hong naih unla hih thu ngai dih un: "Ka zaksak masa pena kipan a simthamin ka gen kei hi; tua hun mah in pianga, tualai ah kei ka om hi." Tua hi a tu-in Thupipen TOPA in ama Kha tawh kei hong sawl hi.

Nasepte 26:18

Keimah hong upna hangun mawhnate maisakna le sian thosaksate lakah mun a ngah theih nadingun, amaute mit honsak ding, khuamial pan khuavak ah a hei ding, Satan vangliatna pan Pasian lam a ngasak dingin nang kong sawl ding hi,’ hong ci hi.

John 3:34

Ahang in, Pasian sawlpa in Pasian thute a gen hi. Pasian c in ama tungah ciangtan loin Kha a pia hi.

Matthew 3:16

Jesu a kibaptise phetin tuilak pan a paito hi. Tua hun lianin van kihong a, vakhu bangin Pasian Kha kum sukin, ama tunga khawl a mu hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Phatna-late 45:7

Thumaanna na it a gitlohna na mudah hi; tua ahi ciangin Pasian, na Pasian in nopna sathau hong nilhna tungtawnin na pawlte tungah hong koih hi.

Phatna-late 22:26

Mizawngte in ne in taii ding uh a; TOPA a zongte in amah a phat ding uh hi - na lungtangte uh hing den ta hen!

Phatna-late 102:20

amah in thongkiate tauna za dinga, si dinga kimawhpaihte a khahkhia ding hi," ci-in kigelh hen.

Phatna-late 51:17

Pasian biaknate e ka biakpiakna in ahileh a tamkham lungsim ahi hi; Pasian aw, a kitamkham lungtang kisikna na nolh kei ding hi.

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Isaiah 59:21

"Kei adingin ahi leh hih in amaute tawh ka thukhun ahi hi" TOPA in a ci hi. "Note sunga om ka Kha le note kam tunga ka guansa kammalte na kam uh tawh kikhenkhia lo dinga, na tate kam, a suan le khakte kam tawh tu le a tawntungin a kikhenkhia kei ding hi," TOPA in a ci hi.

Hebrews 1:9

Thumaanna it-in, tatsiatna na mudah hi; tua ahi manin Pasian, na Pasian lungnopna sathau nilhna tawh na pawlte khempeuh sangin, nang hong tawisang zaw hi," f

2 Corinth-te 7:6

Ahi hangin a kinengniamte a hehnempa Pasian in, Titus hong tunna tawh hong hehnemin,

Daniel 9:24

"Na mite le na khuapi siangtho in khialhna beisak a nading, mawhna beisak nading, gitlohna thoihdam nading, tawntung thumaanna a tun nading mangmuhna le kamsanna imcip nading le siangthopen b sathau nilh nadingin "Sawm sagih ‘sagihte’ c thukip hi khin hi.

Phatna-late 69:32

A zawngte in mu ding uh a, kipak ding uh hi - no Pasian a zongte aw, na lungsimte uh thadim hen!

Isaiah 66:2

Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

Phatna-late 25:9

Amah in a kiniamkhiatte amaanin pi-a, amaute ama lampi a hilh hi.

John 1:41

Andrew in a hih masak pen a sanggampa Simon zonga, "Messiah (Christ cihna) ka mu zo uh hi," ci-in a va gen ahi hi.

Phatna-late 149:4

Ahang in, a mite tungah TOPA lungtai a, a kiniamkhiatte hotkhiatna a khusak hi.

Nasepte 4:27

Hi takpi hi. Herod le Pontia Pilate in Gentile-te le hih khuapi sunga Israel mite g tawh kimu khawmin na sathau nilhsa pa, na nasem siangtho Jesu langpang dingin kithuhual uh hi.

Jeremiah 34:8

Kumpipa Zedekiah in Jerusalem a mi khempeuh tawh silate suahtak nading tangko nading thukhun a bawl khit uh ciangin Jeremiah tungah TOPA thu a tung hi.

Isaiah 52:9

TOPA in mite hehnem khin a, Jerusalem tankhia khin ahi manin, nang a kisiasa Jerusalem aw, lungnopna late sakhia khawm un.

2 Corinth-te 3:17

Tua Topa pen tua Kha hi-a, Topa Kha a omna ah suahtakna a om hi.

Isaiah 29:19

A kiniamkhiatte khatvei TOPA sungah lungnuam kik ding uh a; a tasamte Israel-te Siangtho Pa sungah a lungnuam ding uh hi.

Isaiah 30:19

No Zion mite, Jerusalem a tengte aw, na kap nawn kei ding uh hi. Huhna ngenin na kiko uh ciangin hong hehpih mahmah hi! Amah in a zak phetin hong dawng ding hi.

Isaiah 30:26

TOPA in a mite liamma tunsakin a gimpiakna-mate a damsak ciangin ni bangin khapi tang dinga, ni sagih sunga a tan zahin ni a zah sagih in a tangzaw ding hi.

Isaiah 32:7

Mi cingtak lopa sepzia kheltatna bek hi-a, a tasamte in thutanga a ngetna nangawn khemna tawh a suksiat nadingin gitloh ding bek a sawm hi.

Isaiah 40:9

No Zion a thuhoih puakte aw, mualsang tungah kahto un. No Jerusalem d a thupha puakte aw, na aw uh sangsak unla awng un, sangsak un, lau kei un; Judah khuapite tungah, "Note Pasian hiah om hi," ci un.

Isaiah 52:7

Mual liante tunga thupha a puakte, lemna a va tangkote, thuthak hoih a va puakte, hotkhiatna va tangko a, Zion tungah, "Na Pasian kumpi in mang hi," a va cite khe melhoih na lawmlawm e!

Isaiah 57:18

Ama lampi ka muh khit hangin amah ka damsak ding hi; amah lam ka hilh dinga hehnem in,

Micah 3:8

Ahi hangin kei ka hileh Jacob khialhna le Israel mawhna pulak dingin vangliatna, TOPA Kha le thutang le hatna tawh ka kidim ding hi.

Paikhiatna 28:41

Hih puansilhte na sanggampa Aaron le a tapate na silhsak khit ciangin amaute sathau nilh inla siansuah in. Kei ading siampi na a sep theih nadingun siangthosak in.

Paikhiatna 29:7

Nilh sathau la inla a lutungah sungin nilhsak in.

Siampi Laibu 7:35

Hih in, TOPA tungah siampi nasem dinga Aaron le a tapate a kipiak ni-ua, TOPA mai-a meihal biaknate pana kisehkhia amau tanh ding ahi hi.

Phatna-late 68:7

Pasian aw, na mite’ mai ah na paikhiat ciang, gam simtham nawka na paikhiat ciangin

Jeremiah 52:33

Tua ciangin Jehoiachin in a thong puante suahkhia-a a om lai ama nuntak hun sung teng kumpipa sabuai-ah maanmaanin an a ne hi.