Isaiah 60:3 - Zokam International Version

³ Minamte in na khuavak hong zuan ding uh a, kumpite in na phalvak tangpha hong zuan ding uh hi.

LAISIENGTHOU CL Bible (BSI)

³ Tualeh Jentelte na vah ah ahing pei ding ua, tualeh leengte khu na hing suohdohna vahna ah, ahing pei ding uhi.

Zo Bible

³ Na khuovah sungah minamte ang pei ding a, na phalvah tang sungah kumpite ang pei ding hi.

Isaiah 60:3 ပူးပေါင်းရင်းမြစ်များ

Piancilna 49:10

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

Phatna-late 102:16

Ahang in, TOPA in Zion lam kikin a minthanna tawh a kilang ding hi.

Phatna-late 102:22

Zion ah TOPA min kipulakin, Jerusalem ah amah phatna a kigenkhia ding hi.

Phatna-late 138:4

TOPA aw, leitung kumpite khempeuh in, na kam pana thute a zak uh ciangin nang hong phat uh hen.

Phatna-late 2:10

Tua ahi ciangin no kumpite aw, pil un; leitung gam-ukte aw, vauhilhna thei un.

Phatna-late 22:27

Leimong khempeuh dongin phawk kik in, TOPA lamah kihei ding uh a, minam innkuante khempeuh ama mai-ah a kun ding uh hi;

Phatna-late 68:29

Jerusalem a na biakinnpi hangin kumpite in nang letsong hong puak ding uh hi.

Phatna-late 72:11

Kumpite khempeuh ama mai-ah kun ding uh a, minam khempeuh in a na sem ding uh hi.

Isaiah 11:10

Tua ni ciangin mite dialkhai bangin Jesse Zungpi ding dinga, minam khempeuh in amah beelin ama khawlna mun a minthang ding hi.

Isaiah 42:6

"Keimah TOPA in thumaanna tawh nang kong sam khin hi; na khut ka lenkip ding hi. Nang hong kemin mite adingin thukhun Gentile-te adingin khuavak kong suaksak ding hi.

Isaiah 45:14

TOPA gen hih a hi hi: Egypt gama na piangte, Cush c a sumbuk vante le Sabean mi tunsangte - na kiangah hong pai ding uh a, nang aa ahi ding uh hi. Amaute in nang hong nungzuih ding uh a, sikkhau khihsa-in nang kiang hong zuan ding uh hi. Amaute na mai-ah kun ding uh a, hong thumin, ‘Nang tawh Pasian om takpi a, adang a om kei hi; pasian dang a om kei hi’ ci ding uh hi," a ci hi.

Isaiah 45:22

"No leimongte a omte khempeuh aw, keimah longal Pasian dang om lo ahi manin kei lamah kihei-in kihonkhia un.

Isaiah 49:12

En un, amaute gamlapi panin- pawlkhatte leilu-lam pan, pawlkhatte nitumna-lam pan, pawlkhatte Aswan a kual pek pan hong pai ding uh hi," a ci hi.

Isaiah 49:23

Kumpite, nang hong don na pate suak ding uh a, amaute zite nang hong cing na nute a suak ding uh hi. A maitangun lei si-in na mai-ah kun ding uh a; na khe-a leivuite a liak ding uh hi. Tua ciangin keimah TOPA ka hilam na thei ding uh hi. Kei sungah lametna a neite a zahlak kei ding hi," a ci hi.

Isaiah 56:8

Thupipen TOPA - a kikhenthang Israel-te a kaikhawmpa in: "A kikaikhawmsa banah a omlaite amaute kiangah ka kaikhawm lai ding hi," a ci hi.

Isaiah 60:10

"Gamdang mite in na kulhte uh ciang kik ding uh a, a kumpite un na na uh sem ding uh hi. Hehna-in nang kong sat hangin, kong angvanna-in ka khuatuahna kong lak hi.

Isaiah 60:16

Minamte’ nawi na dawn ding uh a, kumpi nawitui-in na kivak ding uh hi. Tua ciangin TOPA keimah note Honpa note Tanpa, Jacob Thahatpen Pa ka hilam nong thei ding uh hi.

Isaiah 62:2

Minamte in na thumaanna mu ding uh a, kumpi khempeuh in na minthanna a mu ding uh hi. TOPA kam in nang hong phuah ding minthakin nang hong kisam ding hi.

Isaiah 66:12

Ahang in, hih in TOPA gen ahi hi: "Gun bangin ama lungnopsakna ka khangsak dinga, minamte hauhna lui khang ka bangsak ding hi; a khutin hong tawi-in a nawi na teep ding uh a, a khuk tungah na diang ding uh hi.

Amos 9:12

Tua pen, amaute in Edom a baanglaite le ka min a lo minam khempeuh a a neih theih nading uh ahi hi," hih nate a sem ding pa TOPA in cikhia hi.

Zechariah 2:11

Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi.

Matthew 28:19

Tua ahi manin pai unla, minamte khempeuh nungzui na suaksak un; Pa, Tapa le Khasiangtho minin d na baptise unla,

Luke 24:47

Jerusalem pan kipankhia in, ama minin minamte khempeuh tungah kisikna le mawh maisakna thu a kihilh ding hi.

John 12:32

Ahi hangin kei ka hileh leitung pan hong kikhaitoh ciangin kei lamah mi khempeuh ka huai ding hi," a ci hi.

Nasepte 13:47

Ahang in, Topa in eite hong thupiak hih ahi hi. "‘Nang in leitung mongte dongin hotkhiatna na puak theih nadingin keimah in no a Gentile-te tungah khuavak ahi dingin kong bawl zo hi,’ b ci hi," c ci-in amaute hangtakin a dawng uh hi.

Nasepte 15:17

A mangthang baang’ mite le ka min a suang Gentile-te khempeuh in, Topa a zon theih nading ci-in hih nate khempeuh a hih pa Topa in a gen hi,’ b

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 21:24

Minamte, tua khuavak ah lam pai ding uh a, leitung kumpite in a thupinate uh a sungah a puak ding uh hi.