Isaiah 52:2 - Zokam International Version

² Na leivuite singkhia in; Jerusalem aw, tho inla kumpi tokhom ah tu in. Saltang Zion Tanu aw, na ngawnga khainiangte panin kisuahtak in.

LAISIENGTHOU CL Bible (BSI)

² Aw Jerusalem leivuite lah a kipat kithing sieng inlen, thou inlen, touin; Zion tanu saltang aw, na ngawnga na kolbutte sutkhie in.

Zo Bible

² A kiman Jerusalem aw, leivui panin kithing inlen ding in. A kiman Zion tanu aw, na ngawnga ang kikhina khaute sut in!

Isaiah 52:2 ပူးပေါင်းရင်းမြစ်များ

Isaiah 10:27

Tua ni ciangin amaute vangik na liangko panun hong kisankhia-in na ngawng panun b hakkol hong kisankhia ta ding hi; note thau lua ta ding na hi manun hakkolte a kisutan ding hi.

Isaiah 14:25

Ka gam sungah Assyria mite ka gawizan dinga, ka mualte tungah ka tuancilgawp ding hi. Ka mite panin ama hakkol kilakhia dinga, amau liangko panin a van a kihemkhia ding hi," a ci hi.

Isaiah 29:4

Hong kiniamkhiatin, leitual panin na pau ding hi; leivui lak pan na phun mualmual ding hi. Lei sung pan sikha’ aw bangin ging khia dinga; leivui lak pan hong huau siausiau ding hi.

Isaiah 3:26

Zion kongpite taamlo-in thum ding uh a; a hawm guakin tuanu leitual ah a tu ding hi.

Isaiah 49:21

Tua ciangin na lungsimin, ‘Hihte kua hong neihsak hiam? Kei taselin ka tangkhat a, hong kinolhin sal ka suak hi. Hihte a khansuah kua ahi hiam? Kei guak hong kinusia den a, ahi zongin hihte - amaute koi pan hong pai uh ahi hiam?’ na ci ding uh hi," a ci hi.

Isaiah 51:14

Thong kia-a kunte kikhahkhia baih ta ding hi; amaute thong hawmpi sungah si lo ding uh a, anlum zong a kitasam kei ding uh hi.

Isaiah 51:23

No hong gentheisaka no tungah, ‘No tung ka tot theih nadingin na khupbawh unla lampi-a kitawn lamlian bangin na nungzang uh na dawh un,’ hong cite khut sungah ka koih ding hi," a ci hi.

Isaiah 60:1

"Na khuavak hong tung zo-a, tho inla tang in; TOPA minthanna nang tungah hong suak ta hi.

Isaiah 61:1

Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate a khahkhiat nading tangko ding,

Isaiah 9:4

Bang hang hiam cih leh Midian-te a kizawh ni-a bangin nangmah in amaute vangik puakna hakkol le a liangko-ua kikham singzawl, amaute a kinetniamna ciangkhut na nuaizansak hi.

Jeremiah 51:45

"Ka mite aw, ama sung panin paikhia un! Na nuntak nadingun tai un! TOPA hehluatna panin taikhia un.

Jeremiah 51:50

No, namsau pana suaktate aw, dingding nawn loin paisan pak un! Gamlapi a om TOPA phawk unla Jerusalem ngaihsunsun un.

Jeremiah 51:6

"Babylon pan taikhia un! Na nuntakna uh hu-in tai un! Ama mawhnate hangin kisusiasak kei un. TOPA phulak hun hi a, ama thuak ding a kilawm bangin a thuk kik ding hi.

Ezekiel 34:27

Lo sunga singkungte gah ding uh a, leitang in an tampi piangsakin mite amau leitang ciatah nuamtakin a teng ding uh hi. A hakkol zawlte uh kuaihtansak a, sila a, khawite khut pan ka hutkhiat ciangin amaute in keimah TOPA ka hilam hong thei ding uh hi.

Zechariah 2:6

TOPA in, "Hong pai ou! Hong pai ou! Leilu-lam gam panin tai ou,’ ci hi. Ahang in, note, vantung huih lite lakah kong thehthang zo hi," TOPA in cikhia hi.

Zechariah 2:7

"Zion aw, hong pai ou! No Babylon Tanu sunga tengte suakta un."

Luke 21:24

Amaute namsau in puk ding uh a, minamte khempeuh thongkiate bangin a kai ding uh hi. Gentile-te hunte a tangtun kim khit matengin Gentile-te in Jerusalem a tuancil ngi-ingei ding uh hi.

Luke 4:18

"Mizawngte tunga lungdamna-thu hilh dingin keimah sathau hong nilh khin zo ahi manin, Topa Kha ka tungah a om hi. Amah in thongkiate suaktasak ding, mittawte khua musak ding, a kinengcipte khahkhia ding,

Kilaakna 18:4

Tua ciangin vantung panin aw dang khat in: "Ka mite aw, ama mawhnate ah na kihel khak loh nadingun, ama gimnate na thuak khak loh nadingun tuanu sung pan hong paikhia un;