Isaiah 51:9 - Zokam International Version

⁹ Khanglo in, khanglo in! TOPA ban aw, thahatna puan silh in; a beisa nite bang, tanglai peka khanghunte bangin khanglo in. Rahab a atnenpa ganhing lianpi a sunletpa nang hi lo na hi hiam?

LAISIENGTHOU CL Bible (BSI)

⁹ Mangpa banthahat aw, khanglou in, khanglou in, hatna in kivon in, tanglai nite leh nidanglai khangte bangin, khanglou in! Rahab satnen a, gulpi satliempa nang hilou na hiei mah?

Zo Bible

⁹ Khanglo in, khang lo in, thahatna puon sil in, Topa’ banhat aw! Hun lui lai, khanghun sawtpi lai-a bangin khanglo in! Rahab a semnen pa, gulhiempi sunpailet pa nang hi lo na mah?

Isaiah 51:9 ပူးပေါင်းရင်းမြစ်များ

Job 26:12

Ama vang tawh tuipi khawlcipsak a; ama pilna tawh Rahab a atnen gawp hi.

Job 9:13

Pasian in hehna dok kik lo hi; Rahab galkapte nangawn a khe phungah kun uh hi.

Phatna-late 21:13

TOPA aw, na thahatna ah hong kitawisang hen; kote in la sa in na hatna ka phat ding uh hi.

Phatna-late 44:1

Pasian aw, tanglai pek ka pate uh hun lai-a na bawlte amaute in hong gen uh a, ka bilun ka za uh hi.

Phatna-late 44:2

Na khutin minamte na hawlkhia a, ka pate uh na tengsak hi; mite tuanzanin ka pate uh na pungsak hi.

Phatna-late 44:23

Topa aw, khanglo in! Bang dia ihmu na hiam? Nangmah tho tawm in! Kote hong nolhsuak kei in.

Phatna-late 44:24

Bang hangin na maitang sel a, kote gentheihna le hong kinetniamna mangngilh na hi hiam?

Phatna-late 59:4

Khialhna ka bawl loh hangin kei sim dingin a baihsa-in om uh hi. Hong huh dingin tho in; ka tuah siat hunin hong en in.

Phatna-late 7:6

TOPA aw, hehsa-in tho in; ka galte lungsona langah hong dingin. Ka Pasian aw, khanglo inla thutangin thukip bawl in.

Phatna-late 77:5

A beisa nite le kum sawtpi laite ka ngaihsun hi;

Phatna-late 78:65

Tua ciangin zu pengnawng ihmu khanglo mipa bangin a ihmutna pan Topa a khanglo hi.

Phatna-late 87:4

"Kei hong thusimte lakah Rahab c le Babylon ka ciamteh dinga - Philistia zong, tuateh Tyre, Cush d tawh ka ciamteh khawm dinga, ‘Hih e pa Zion ah suak hi,’ ka ci ding hi," a ci hi.

Phatna-late 89:10

Galte thahsa bangin Rahab na suzana; a thahat na ban tawh na galte na thehzak hi.

Phatna-late 89:11

Vante nang aa hi a, leitung zong nang aa mah ahi hi; leitung le a sunga om khempeuh na siamsa ahi hi.

Phatna-late 93:1

TOPA in uk a, thupina-in kituam hi; TOPA thupina-in kituam a, hatna in a kituam hi. Leitung buppi kiptakin kiphut kip a, a kiling thei kei ding hi.

Paikhiatna 6:6

Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi.

Isaiah 27:1

Tua ni ciangin TOPA in ama namsau - a hiam mahmah, a lian le a vanglian ama namsau in, a kitholhkhia gulpi Leviathan a kual gulpi Leviathan daan thuaksak dinga, tuipi ganhing lianpi a that ding hi.

Isaiah 30:7

Egypt-te tungah a puak uh hi. Tua ahi ciangin amah Sep Awl Rahab ka ci hi.

Isaiah 51:17

Khanglo in, khanglo in! Jerusalem aw, tho in, nang in ama thangpaihna ahi - mite a amsak hai a tawdat dongin TOPA khut panin na dawna na kham khin hi.

Isaiah 51:5

Ka thumaanna hong kinawh mahmahin ka hotkhiatna hong pai laitak hi a, ka khut in minamte tungah thutang a puak ding hi. Tuikulhte in kei hong en ding uh a, ka khut sep ding lamenin a ngak ding uh hi.

Isaiah 52:1

Khanglo in, khanglo in, Zion aw, thahatna puanin silh in. Khuapi siangtho Jerusalem aw, na thupina puan silh in. Na sungah vunat lohte le a kihhuaite lut kik lo ding uh hi.

Isaiah 52:10

TOPA in minamte khempeuh muhin a khut siangtho zankhia dinga, leimongte khempeuh in eite Pasian hotkhiatna a mu ding uh hi.

Isaiah 53:1

Kote thupuak kua in um a, kua kiangah TOPA khut kilak ahi hiam?

Isaiah 62:8

A khut taklam le a khut thahatna-in TOPA kiciam khin a: "Na antangte uh na galte uh an dingin ka pia kik ngei nawn kei dinga, note sepsa zu thak gamdang mite in a dawn kik ngei nawn kei ding uh hi;

Ezekiel 29:3

Amah hopih inla: ‘Hih in Thupipen TOPA gen ahi hi: "‘Egypt kumpipa Pharaoh aw, nang na luite sunga a bok ganhing lianpi na hi a, nang langah ka pang hi. Nang in, "Nile kei aa ahi hi; keima adinga ka bawlsa ahi hi," na ci hi.

Micah 7:15

"Egypt pan na paikhiat lai mah bangin ka na lamdangte amaute ka lak ding hi."

Habakkuk 2:19

Singbek tungah, ‘Nungta in! ahikeh nuntakna a nei lo suang tungah, ‘Khang lo in!’ a cipa aw, gimna nak thuak na nicia! Tua in hong makaih thei ahi hiam? Tua pen ngun le khamin kituama; a sungah huu a om kei hi.

Habakkuk 3:13

Nangma mite hukhia ding, nangma sathau nilhpa honkhia dingin na kuankhia hi. Migilote gama makaipa na tuangawp-a, a lutang pan a khepek dong na hawkkhia hi.

Zechariah 10:11

Amaute in lungkhamna tuipi kantan ding uh hi; tuipi hualte ki-uk zo-in Nile thuknate khempeuh a kangcip ding hi. Assyria kiphatsakna kinuaisiah dinga, Egypt sik ciangkhut a mangthang ding hi.

Zechariah 2:13

Mite khempeuh aw, TOPA mai-ah daitakin om un, bang hang hiam cih leh amahmah a tenna mun siangtho panin dingkhia ta hi," a ci hi.

Luke 1:51

Amah in a khut tawh a thahatna lak hi; a lungsim tawnga kisatheite a thehthang zo hi.

John 12:38

Hih in kamsangpa Isaiah gen: "Topa aw, ka thugen kuan um-a, kua tungah Topa khut kilaak hiam?" b a cih thu a tangtunsak nading ahi hi.

Nasepte 7:7

Ahi hangin amaute sal-a a khawi mite ka gawt ding hi, ci-in gen a, tua nung ciangin amaute tua mun pan paikhia ding uh a, hih munah kei hong bia ding uh hi,’ c Pasian in ci hi.

Thupiakkikna 4:34

TOPA note Pasian in zia-etnate, lim piandangte le a lamdangte, gal, a thahat khut le khut zankhiatna tawh ahikeh a lipkhaphuai sepna tawh na muh mahmah un no ading Egypt ah na khempeuh a sep bangin, pasian khatpeuh in na semin minam khat pan minam dang khat lakkhiat sawm ngei ahi hiam?

Kilaakna 11:17

"A om densa, tu laitaka om, Thahatpen Topa Pasian aw, a lian mahmah na vangliatna na la zo a, gam uk dingin kipan khin na himanin nang tungah lungdamna kong puak uh hi.

Kilaakna 12:9

Gulpi-sikhiam kilawnsuk a - tua dawimangpa ahikeh Satan kici leitung buppi lampialsakpa tua tanglai gulpi ahi hi. Amah ama vansawltakte tawh lei-ah kilawnkhia suk hi.

Thukhente 6:13

Gideon in, "Ahi zongin pu aw, TOPA in kote hong ompih ahileh bang hangin ko tungah hihte khempeuh hong tung ahi hiam? Ka pate un, ‘TOPA in Egypt panin hong paikhiatpih to hi lo ahi hiam?’ a cih uh ama nalamdang bawlte khempeuh koi-ah om khin ta hiam? Tu-in TOPA in ko hong nusia-a Midian-te khut sungah hong koih khin hi," ci-in a dawng hi.