Isaiah 51:7 - Zokam International Version

⁷ "Thumaan thei a, a lungsimah ka thukham a vomte aw, ka thugen ngai un: mite kosiatna kihta kei unla amaute engkona hangin patau kei un.

LAISIENGTHOU CL Bible (BSI)

⁷ “Nou dihtatna theite leh, ka danthu lungtang sunga vom mite aw, ka thu ngaikhie un, mihingte gensietna zausih unlen, ahing housiet ziehun zong zausih un.

Zo Bible

⁷ Thumanna thei a, na lungsim sung vuah ka thuhil a vom mite aw, kang thugen ngai un; mihingte’ gensietna zau sih unlen, ang hosiet ciengun lungkie sih un.

Isaiah 51:7 ပူးပေါင်းရင်းမြစ်များ

Phatna-late 37:31

Ama Pasian’ thukham a lungsim ah om a; a khete a tal kei hi.

Phatna-late 40:8

Nangma deihna ka sem nuam hi, ka Pasian aw; nangma thukham ka lung sungah a om hi," ka ci hi.

Isaiah 25:8

sihna a valhtum den ding hi. Thupipen TOPA in maitang khempeuh pana khitui teng nulsak dinga, leitunga ama mi khempeuh minsiatna a beisak ding hi. TOPA gensa ahi hi.

Isaiah 33:22

Ahang in, eite thukhenpa TOPA hi a, thukham piapa TOPA hi-in eite kumpipa TOPA ahi hi; eite hong hon dingpa amah ahi hi.

Isaiah 37:6

Isaiah in, "Na pu uh kiangah, ‘TOPA thugen hih ahi hi: Na zaksate uh hangin lau kei un - tua Assyria kumpipa kam a gensawnte in kei hong daisak ahi hi.

Isaiah 51:1

No thumaan delha TOPA a zongte aw, ngai un: Note hong ki-eukhiatna suangpi, hong kitawhkhiatna suangkuak en un;

Isaiah 54:4

"Kihta kei un; na maizum kei ding uh hi. Na zahlak khak ding uh lau kei un; hong kimaizumsak lo ding hi. Na khangmoi lai-a na maizumna na mangngilh dinga, na meigon lai-a mawhsaknate na phawk kha nawn kei ding hi.

Jeremiah 1:17

"Nang kithawi in! Ding inla kong thupiak khempeuh amaute tungah va gen in. Amaute mai-ah lauthawng kei in, na lauthawng leh amaute mai-ah kong lauthawngsak ding hi.

Ezekiel 2:6

Ahi zongin nang mihing tapa aw, amaute ahikeh a kampaute uh hangin lau kei in na kimkotah dailing le thangling in hong umin aikam lakah na teng zongin kihta peuhmah kei in. Amaute a lehdo innkuante hita leh amau genna le hong linthawnnate uh hangin lau het kei in.

Matthew 10:28

Pumpi a thah hangin kha a that thei lote kihta kei un. Kha le pumpi meili sunga a siasak thei pa na kihta zaw un.

Matthew 5:11

"Keima hangin engkona, bawlsiatna le zuauthu tawh gitlohna nam khempeuh a hong kingawh ciangin thupha ngah na hi uh hi.

Luke 6:22

Mite in note hong mudah uh a, Mihing Tapa hangin amaute in note hong puaseh in, hong engko in na min uh siasak a, hong nolh uh ciangin thupha ngah na hi uh hi.

Nasepte 5:41

Sawltakpite, tua Min hanga zah lakna a thuak tham dinga a om uh nuam uh a, Sanhedrin panin a paikhia uh hi.

2 Corinth-te 3:3

Note Christ tung pana lai na hi uh a, kote nasep gah, laitui tawh kigelh hi lo, a nungta Pasian Kha tawh a kigelh, suangpekte tungah hi lo, mihing lungtang pekte tunga kigelh lai na hina uh na lak uh hi.

Thupiakkikna 6:6

Tuni-a kong piak hih thupiakte na lungsimun vom un.

Philippi-te 3:10

Christ le ama thawhkikna’ vangliatna le a thuaknate thuakpihna, a sihna ah amah tawh kibatna ka thei nuam hi.

Philippi-te 3:8

Tua tham loin ka Topa Christ Jesu theihna a thupi luatna tawh tehin na khempeuh supna-in ka sima, ama hangin na khempeuh ka taan zo hi. Tuate khempeuh ninneng bangin ka ngaihsun hi, Christ ka ngah nading le

Hebrews 10:16

"Tua hun khit ciangin amaute tawh ka bawl ding, thukhun hih ahi hi, Topa in ci hi. Amaute lungtang sungah ka thukhamte ka koih dinga, amaute lungsim sungah tuate ka gelh ding hi," e ci hi,

1 Peter 4:14

Pasian le a minthanna Kha note tungah om ahi manin, Jesu min hangin note hong ki-engko leh thupha ngah na hi uh hi.

1 Peter 4:4

Amaute tawh kibanga uangtat-luatna sunga na va kihel nawn loh uh ciangin lamdang sa-in hong siat gen uh hi.