Isaiah 51:3 - Zokam International Version

³ TOPA in Zion hehnem taktak dinga, ama kisiatna khempeuh khuatuahna mitin a en ding hi; ama sehnel-gamte Eden bangsak dinga, a gamtulte TOPA huan bang ding hi. Ama sungah lungnopna le kipahna, lungdamkohna le lasakna awging a om ding hi.

LAISIENGTHOU CL Bible (BSI)

³ Aziehpen Mangpa’n Zion ahamuon dinga, amun sesate zousie ahamuon dinga, agamdaite Eden bangin abawl dinga, tualeh agamgawte Mangpa huon abangsah ding hi; lungnopna leh kipahna asungah mu in a um ding a, kipahthugenna leh ginglawm a um ding hi.

Zo Bible

³ Azieh pen Topa in Zion henem ding a, ama in a daidamsa ama’ mun zosie henemin, a gamlah zong Eden bangsah ding a, a senel gam zong Topa’ um bangsah ding hi; ama sungah lungnopna kipahna, lungdamkona le lasahna awging kiza ding hi.

Isaiah 51:3 ပူးပေါင်းရင်းမြစ်များ

Piancilna 13:10

Lot khuadakto a, Jordan zanglei buppi in limtakin tui ngah a, TOPA’ huan tawh kibangin Zoar lam-a Egypt leitang tawh a kibatna mu hi. (Hih pen TOPA in Sodom le Gomorrah a suksiat ma ahi hi.)

Phatna-late 85:8

TOPA Pasian thugen ka ngai ding hi; amah in ama mite, a misiangte tungah lemna hong kham hi - ahi hangin amaute haina lamah kihei kei uh hen.

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Isaiah 25:9

Tua ni ciangin amaute in, "Hih in eite Pasian hi takpi hi; amah i muanga, amah’n hong hon hi. Hih in TOPA, amah i muanpa ahi hi; ama hotkhiatna ah nuamsa-in kipak ni," a ci ding uh hi.

Isaiah 35:6

Tua ciangin khebaite sazuk bangin diang ding uh a, a pau thei lote lungdamin a awng ding uh hi. Gamsimtham ah tui phulkhia dinga sehnel-gam ah lui a luang ding hi.

Isaiah 41:16

Na haih ding uh a, amaute huihin lenin huihpi in a mutmang ding hi. Ahi hangin TOPA sungah note na lungnuam ding uh a, Israel-te Siangtho Pa sungah na minthang ding uh hi.

Isaiah 43:19

En un, na a thak ka bawlbawl ta hi; tu-in a mengkhia ta hi phawk lo na hi uh hiam? Sehnel-gam ah lampi ka sial dinga gamtul ah luite ka luangsak ding hi.

Isaiah 44:26

a nasemte kammalte semkhia in, a kamtaite thugente a tangtungsakpa, Jerusalem tungah ‘Mi hong teng ding hi’ ci a, Judah khuapite tungah, ‘Amaute kilam ta ding hi,’ ci a, tuateh tua a siasate, ‘A ngei ka bangsak ding hi,’ a cipa,

Isaiah 49:13

Vante aw, lungdamin awng un, leitung aw, nuam in; mualliante aw, la sa-in awngkhia un! Ahang in, TOPA in a mite hehnem ta in, gim thuak mite khuatuah ta ding hi.

Isaiah 49:19

"Nang kisia-in hong kilawi a, na gam gamkhing a suak zongin tu-in na mite adingin nang na neu lua dinga, nang hong nawmvalhte gamlapi ah a om ding uh hi.

Isaiah 49:8

TOPA gen hih ahi hi: "Kong angvan hunin kong dawng dinga, hotkhiatna ni-in nang kong huh ding hi; Keimah in note hong kemin mite adingin thukhun kong suaksak dinga, leitang hong puahphasakin kuama tenlohna mun kong luahsak dinga,

Isaiah 51:12

"Kei, kei mahmah note hong hehnempa ka hi hi. Mihing hi lel a, mihing tapate ahi lel, lopa bang lelte a kihta nang kua na hiam?

Isaiah 52:9

TOPA in mite hehnem khin a, Jerusalem tankhia khin ahi manin, nang a kisiasa Jerusalem aw, lungnopna late sakhia khawm un.

Isaiah 61:10

TOPA sungah nuam ka sa mahmah a, ka Pasian sungah ka kha a kipak hi. Ahang in, zi neipa in siampipa bangin a lu a zep bang le, suangmanpha-in monu a kizep bangin amah in hotkhiatna puante kei hong silhsak khin a, thumaanna puantualpi-in kei hong zem khin hi.

Isaiah 65:18

Ahi hangin, Jerusalem nopsakna-in ka piangsak dinga a sunga tengte nuamsa ding uh ahi manin ka piansaksa sungah nuamsa-in kipak tawntung un.

Jeremiah 31:25

A gimte ka tawldamsak dinga, a bahte an khamtakin ka vak ding hi," a ci hi.

Ezekiel 28:13

Pasian huan sung Eden ah na om a; suangmanpha citeng: ruby, topaz, le emerald, chrysolite, onyx, le Jasper, sapphire, b turquoise le beryl c-te in na kizem hi. Na dinna le na kawmhekte d khama kibawl hi-a, tuate nang hong kipiansak ni-in kibulh hi.

Ezekiel 36:11

Note tungah mihing ganhing ka khangsak dinga amaute gahpha mahmahin tampitak a pha ding uh hi. A beisa huna bangin na tungah mi ka tengsak dinga, a beisa hun sangin kong daupaisak zaw ding hi. Tua ciangin keimah TOPA ka hilam nong thei ding uh hi.

Ezekiel 36:35

Amaute in, "Hih a kimawk nusiat gam, Eden huan bang ta hi; a kisusia gamkhinga om a kisia khuapite tu-in mi tenga kulhin ki-um ta hi," ci ding uh hi.

Joel 2:3

Amaute mai-ah mei in hula, amaute nungah mei kuang hi. Amau ma-ah leitung teng Eden huan banga, amau nungah bangmah suakta loin sehnel-gam keu a suak hi.

1 Peter 1:8

Amah mu ngei lo napi na it uh hi; tu-in amah mu lo napi na um uh a, a kigenkhia thei lo a minthang lungnopna tawh na kidim uh hi.