Isaiah 5:2 - Zokam International Version

² Amah in tua lei tang kal a, suangteng paikhia-in lenggui hoih pente a suan hi. A lo sungah buktau khat dawh a, lengtui sukna khuk khat a to hi. Tua ciangin lenggah hoih gah dingin lamen a, ahi hangin lenggah hoih lo gah mawk hi.

LAISIENGTHOU CL Bible (BSI)

² A kimkot in lei atou kuoh a, suongte atom sienga, grepgui hoipente asuon a, alai ah innsang alam a, khunah grep suhna khuh zong atou a, tuachi’n grep ga hoitah a ga dingin alam en a, hinanleh grep-hem ahing gata hi.

Zo Bible

² Ama in lei to-in suongte paidawh a, a deiteel lengguite a suon hi; a laikimah dawsang khat lam a, tua sungah lengga tui hlawhna khuh khat to hi; lengga hoi a ga dingin ama kinem a, hinanle gam lengga a ga mawh hi.

Isaiah 5:2 ပူးပေါင်းရင်းမြစ်များ

2 Samuel 7:10

Ka mi Israel-te in amau inn ding nei-in a kinawngkaisak nawn loh nading mun ka pia dinga amaute ka phut ding hi. A tung lai-a migilote in ka mi Israel-te a nuainet bangin

Nehemiah 13:15

Tua hun laite in Judah gam ah, Sabbath ni-in lenggah cilna ah lenggah a cil, lenggahzu, lenggah, theigah le van nam khempeuh laate suana van nawn mi ka mu hi. Amaute in Sabbath ni-in hihte khempeuh Jerusalem ah a puak uh hi. Tua ahi ciangin tua ni-a an a zuak uh ka vauhilh hi.

Phatna-late 80:8

Egypt panin lenggui khat na puakhia a; minamte nawhkhia in tua na suan hi.

Phatna-late 80:9

Na suan nading mun na hah sianga, tua in zungkha-in gamsung a dim hi.

Paikhiatna 33:16

Ko tawh nang nong tonkhawm loh ngalin kua in, kei le na mite tunga na lungkim lam thei ding ahi hiam? Lei maitanga midangte khempeuh panin kei le na mite ka tungnunna uh bang dang om ahi hiam?" a ci hi.

Isaiah 1:8

Zion Tanu, lenggui lo-a bukkhel bang, tangmai huan a hampheng bang le a ki-umcih khuapi bangin kinusia ta hi.

Isaiah 5:7

Thahatpen TOPA’ lenggui lo pen Israel innkuan hi-a, a lungtunna huan lah Judah mite ahi hi. Amah in a thutang dingin lamen napi sisan luanna a mu hi; thumaanna a lamet hangin lungdonga kahna a za hi.

Jeremiah 11:17

Nang hong suan Thahatpen TOPA in nang tungah gimna a tunsak ding a khentat khin hi, bang hang hiam cih leh Israel innkuante le Judah innkuante in gitlohna bawlin Baal tunga gimnamtui halna tawh kei hong hehsak uh hi.

Jeremiah 2:21

Note, a kiteltel a cidam a muantak lenggui paipi banga kong suan na hi uh hi. Bangci in kei hong langpangin a sia thei gam-lenggui suak mawk na hi uh hiam?

Hosea 10:1

Israel pen lenggui zaam ahi hi; amah mah in gah a gahkhia hi. A gah a khanna tawh kizui-in biakna-tau a tamzaw a dawh hi; a gam a daupaina tawh kizui-in a suang siangthote a zem hi.

Micah 4:8

Tuuhon cinna tausang aw, Zion tanu’ mun muanhuai a aw, na kumpi-gam uh no hong kipia kik ding hi; Jerusalem tanu kumpi hi ding hi.

Misimna 23:9

Asannate panin amaute ka gal-et a, suangpi dawn panin amaute ka mu hi. A tuam ten mite ka mu a, amau le amau minam khata a kisim lote ahi uh hi.

Matthew 21:19

Lampi gei-ah theikung khat a muh ciangin a zuan to hi. Ahi hangin theikung tungah a teh longal bangmah a mu kei hi. Tua ciangin, "Gah nawn peuhmah kei in!" a cih leh thei kung a dinggaw pah hi.

Matthew 21:33

"Gentehna dang khat na ngai un: Lenggui a cing loneipa khat a om hi. Amah in a kimkotah dai kai-a, lengtui sukna khuk khat to-in tausang khat a dawh hi. Tua khit ciangin a lenggui lo, lokho pawlkhat a khawhlawhsak hi. Tua ciangin khual a zinsan hi.

Matthew 21:34

A lak hun a tun ciangin lenggah khawm dingin lo-khawh-lawhte kiangah a nasemte a sawl hi.

Mark 11:13

Theikung a teh pha khat a galmuh ciangin, a gah kha hiam cih en dingin a va pai hi. Thei gah hun hi lo ahi manin thei phung a tun ciangin a teh simloh bangmah a om kei hi.

Mark 12:1

Tua ciangin amah in amaute kiangah gentehnate zangin thu gen a: "Lenggui a ciing mi khat a om hi. A kimkotah dai kai-a, lengtui sukna khat toin, tausang khat a dawh hi. Tua khit ciangin a lenggui lo lokho pawlkhat khawhlawhsakin khual a zinsan hi.

Mark 12:2

A lak hun a tun ciangin lenggah khawm dingin lo-khawhlawhte kiangah a nasemte khat a sawl hi.

Rome-te 9:4

Tapa suahsakna amau aa hi-a Pasian minthanna ahi zongin, thukhunte ahi zongin, thukham ngahna ahi zongin biakinnpi-a biakna le kamciamte khempeuh amau aa ahi hi.

1 Corinth-te 9:7

Ama sum zanga galkap na a sem kua ahi hiam? Lenggui suan napi lenggah ne lo kua ahi hiam? Ganhon khawi napi a nawi dawn lo kua ahi hiam?

Thupiakkikna 32:6

A hai, a pil lo mite aw, TOPA na thuk kik nading uh hih bang lam mah hiam? Amah note hong bawl hong siam, hong Piangsakpa b na Pa uh hi lo ahi hiam?

Thukhente 16:4

Tua khit a sawt loin Sorek Kuama om a min Delilah kici numei khat tawh a kingai hi.