Isaiah 5:16 - Zokam International Version

¹⁶ Ahi hangin Thahatpen TOPA a thutangna hangin kitawisang dinga, a siangtho Pasian in a thumaanna tawh a siangtho a hihna hong lak ding hi.

LAISIENGTHOU CL Bible (BSI)

¹⁶ Hinanleh galkapte Mangpa khu vaihawmna ah tawisangin a um ding a, tualeh siengthoupa Pasian khu dihtatna ah siengthou in aum ding hi.

Zo Bible

¹⁶ Hinanle Vanglien Topa ahile a thutang sep ziehin kitawisang a, a Siengtho Pasien in dihtatna tawh a sienthona a lah hi.

Isaiah 5:16 ပူးပေါင်းရင်းမြစ်များ

1 Khangthute 29:11

TOPA aw, leitung le vantunga na khempeuh nang aa ahi manin liatna le vangliatna nang aa hi-a, minthanna ukzawhna le thupina nangma aa ahi hi. TOPA aw, kumpi-gam nangma aa hi a; na khempeuh lutangin hong kitawisang hi.

Phatna-late 21:13

TOPA aw, na thahatna ah hong kitawisang hen; kote in la sa in na hatna ka phat ding uh hi.

Phatna-late 46:10

"Dai hithiat unla, keimah Pasian ka hina thei un; minamte lakah kei hong kitawisang dinga, leitungah kei hong kitawisang ding hi."

Phatna-late 9:16

Ama thutang hangin TOPA kithei khin a; migilote amau bawlsa thangah a awk uh hi. e

Isaiah 12:4

Tua ni ciangin note in: "TOPA tungah lungdamna ko-in a min lo un; ama sepsate minamte lakah kitheisak unla a min a kitawisangna tangko un.

Isaiah 2:11

Mite kiliatsakna mitte kiniamkoih dinga, mite kiphatsakna kiniamsak ding hi; tua ni ciangin TOPA bek kitawisang ding hi.

Isaiah 2:17

Mite kiliatsakna kiniamsak dinga, mite kiphatsakna kiniamkoih ding hi; tuani-in TOPA kia bek kitawisang dinga,

Isaiah 2:9

Tua bangin mite kiniamsak sukin mihingte kiniamkhiat hi - amaute a maisak kei in.

Isaiah 28:17

Keimah in thutanna khaukhai ka suaksak dinga, thumaanna saval-bawk ka suaksak ding hi; zuauphuaka na bukna uh gialpi in nuaimang dinga, na bukna mun uh tui in a tuum ding hi.

Isaiah 29:23

Amaute in ka khuta ka bawlsa a tate uh amaute lakah a muh uh ciangin ka min siangthosak ding uh a; Jacob’ Siangtho Pa Sianthona kipsanin Israel-te Pasian a kihta ding uh hi.

Isaiah 30:18

Tua hi napi TOPA in note hong hehpih nuam lailai in; ama hong khuatuahna hong lak lailai hi. Ahang in, TOPA in a thutang Pasian ahi hi. Amah a ngak zote khempeuh thupha ngah ahi hi.

Isaiah 33:10

"Tu-in ka ding dinga, tu-in ka kitawisang ding hi; tu-in ka kilaamto ding hi.

Isaiah 33:5

A sangna munah TOPA teng ahi manin a kitawisang hi; amah in thumaan le thutang tawh Zion a dimsak ding hi.

Isaiah 57:15

Ahang in, a sang, a sangpen Pa - a nungta tawntung ama min siangthopa gen hih ahi hi: "A sangna le a sianthona munah ka tenga, ahi hangin lungsim niamte le lunggimte a lungkhauhsak dingin a lungsim niamte le a lunggimte tawh ka tengkhawm hi.

Isaiah 6:3

Amaute khat le khat kisamin: Siangtho, siangtho, siangtho Thahatpen TOPA; a minthanna leitung buppi kidim hi," a kici uh hi.

Isaiah 61:8

Ahang in, keimah TOPA in thutang ka it a; mite neihsa suhna le khialhna ka mudah hi. Ka muanhuaina hangin amaute pahtakman ka pia dinga, amaute tawh tawntung thukhun ka bawl ding hi.

Isaiah 8:13

Thahatpen TOPA bek na siangthosak ding uh hi, amah bek kihta-in amah bek na lau ding uh a,

Ezekiel 20:41

Na kithehthangna gam panun hong kaikhawmin minamte lakpan kong lakkhiat ciangin note gimnamtui bangin kong sang dinga minamte mai-a note lakah kei ka sianthona kong kilak ding hi.

Ezekiel 28:22

‘Hih in Thupipen TOPA gen ahi hi: "‘Sidon aw, nang langah ka panga, nang hangin minthanna ka ngah ding hi. Tuanu tungah ka sianthona laka amah dan ka thuaksak ciangin, amaute in keimah TOPA ka hilam a thei ding uh hi.

Ezekiel 28:25

"‘Hih in Thupipen TOPA gen ahi hi: Minamte lakah a kithehthangna panun Israel mite ka khop ciangin minamte muhin amaute lakah ka siangthona ka lak ding hi. Tua ciangin ka nasempa Jacob tunga ka piaksa amau leitangah a teng ding uh hi.

Ezekiel 36:23

Minamte laka na daisak uh, amaute laka na daisak uh ka min alian mahmah ka min a sianthona kong lak ding hi. Note tungtawnin amaute mai-ah keimah ka sianthona kong kilah ciangin minamte in keimah TOPA ka hilam hong thei ding uh hi, Thupipen TOPA in cikhia hi.

Ezekiel 38:16

Meii in leitung a tuam bangin ka mi Israel-te sim dingin na kuan ding uh hi. Gog aw, hong tung ding nite ah ka sianthona hong kitheih nadingin minamte mitmuhin nang tungtawna ka kilah theih nadingin ka gam sim dingin kong puak ding hi.

Ezekiel 38:23

Tua bangin ka liatna le ka sianthona ka lak dinga minam tampite muhin kei le kei ka kitheisak ding hi. Tua ciangin amaute in keimah TOPA ka hilam a thei ding uh hi," ci hi.

Daniel 4:37

Tu-in keimah Nebuchadnezzar in vana kumpipa phat in, tawisangin ka minthangsak hi, bang hang hiam cih leh na khempeuh thumaanin sema, ama lampi khempeuh thutang ahi hi. Tua hi-a a kisatheite a niamkhiat thei hi.

Siampi Laibu 10:3

Tua ciangin Moses in Aaron kiangah, "Hih in TOPA thugen ahi hi, amah in: ‘Kei hong naihte lakah, kei a siangtho ka hina ka lak ding hi; mite khempeuh muhna-ah kei hong kipahtawi ding hi,’ ci hi," a ci hi. Aaron a daidide hi.

Misimna 20:13

Hihte in Meribah a tuiphual-a, Israel-te in TOPA tawng uh a, amaute laka amah a siangtho-a a kilahna-a thupiang ahi hi.

Rome-te 2:5

Ahi hangin na lungkhauhna le na kisik theihlohna lungtang hangin Pasian thukhenna maan a kilaak hun ahi Pasian’ thangpaihna ni adingin nang le nang tungah thangpaihna a khol na hi hi.

1 Peter 1:16

ahang in, "Kei siangtho ka hi manin siangtho un," a ci-in kigelh zo hi.

1 Peter 2:15

Ahang in, a hoih na sep uh hanga mihaite haipaunate na daihsak ding uh Pasian deihna ahi hi.

1 Peter 3:15

Ahi hangin note lungsungah Christ Topa-in tuam koih un. Tua na neih uh lametna ahang hong dong peuhpeuh tungah migitna le zahtakna tawh na hilh theih dingin kigingsa in om gige un.

Kilaakna 3:7

"Philadelphia a pawlpi vansawltak tungah gelh in: Hihte, a siangtho le a thumaan-pa, David tawhtang tawipa kammalte ahi hi. Ama honsa kuamah in khak thei lo a, ama khaksa kuamah in a hong thei kei hi.

Kilaakna 4:8

Tua a nungta ganhing lite in kha guk nei ciat uh a, a pumtangun a kha nuai nangawn mit-in a tuam hi. Amaute in sun le zan khawl loin: "A omdensa, tu laitaka om le hong pai ding, Thahatpen Topa Pasian, Siangtho, Siangtho, Siangtho hi," a ci uh hi.