Isaiah 40:2 - Zokam International Version

² Jerusalem tungah awnemin gen unla ama tungah tangko un. Ama nasep haksapi kimansiang ta a, a mawhna thaman kipia khin hi; amah in TOPA khut panin ngah a, a mawhnate khempeuh a zah nihin kithuk hi.

LAISIENGTHOU CL Bible (BSI)

² Jerusalem kungah kamnem in gen unlen, galdouna abeita chi’n akungah kikou un, akhelnate uh ngaidam ahita a, akhelna tengteng ziehin, Mangpa khut a ale niin amuta uh chi hil un.

Zo Bible

² Awnem no tawh Jerusalem hopi unlen, a thuoh ding hun ciengtan cing zo a, a mawna thaman kipie zo hi. A mawna zosie ziehin Topa’ khut tung panin a zani-in ama in thuoh zo hi, ci-in ama kungah kiko un.

Isaiah 40:2 ပူးပေါင်းရင်းမြစ်များ

Piancilna 34:3

A lungsim ah Jacob tanu Dinah bek om a, tua numeino it in kamkhumin hopih hi.

2 Khangthute 30:22

Hezekiah in TOPA nasepna hoihtaka a lak thei Levi-te khempeuh tungah hanthawnna kam a gen hi. Tua ni sagihte sung teng amaute in amau tanh dinga kiseh ciat ne uh a, kilawmtakna biaknate c pia-in TOPA a pate uh Pasian a phat uh hi.

Phatna-late 32:1

A tatkhialhnate kimaisak a, a mawhna a kikhuhsak mi thupha ngah ahi hi.

Phatna-late 85:3

Na thangpaihna khempeuh na pampaih a, na hehluatna na kiheisan hi.

Paikhiatna 22:3

ahi hangin hih thupiang f nisuah khit ahileh sisan luanna hangin amah a khial ahi hi. "Guta khat in a guksa na a din kik pelmawh ding hi; ahi hangin amah in bangmah a neih kei leh a guksate a dit nadingin amah a kizuak pelmawh ding hi.

Thuhilhna 3:4

kah hun omin nuih hun om a, thum hun omin lam hun om a,

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Isaiah 14:3

Note thuakna, buaigawpna le khelbawlgawpna panin TOPA in hong suahtaksak ni-in

Isaiah 27:9

Amah in biakna-tau suangte khempeuh suangkang satvui bangsak a, Asherah gimnamtui-tau ahikeh khuamte b a po lai a omsak nawn loh ciangin hihte hangin Jacob khialhna kimaisakin a mawhna a kipaihsakna gah ahi ding hi.

Isaiah 33:24

Zion-a tengte kuamah in, "Ka ci na," ci lo dinga, tua lai-a tengte mawhnate a kimaisak ding hi.

Isaiah 35:4

A lauthawng mite tungah, "Kihatsak un, lau kei un; na Pasian uh hong pai dinga phula dingin hong kuanin a siangtho dantuahsakna tawh note hong hon ding hi," ci un.

Isaiah 43:25

Kei mahmah ka kikhualna-in na thupalsatnate uh hong paihsak keimah, kei mahmah in na mawhnate uh ka ciamteh nawn kei hi.

Isaiah 44:22

Keimah in thupalsatnate meii bangin ka phiatmang khin a, na mawhnate zingsang meiilum bangin ka thengsak zo hi. Nang kong tankhia khin hi, hong ciah ta in," a ci hi.

Isaiah 49:25

Ahi hangin TOPA gen hih ahi hi: "Galhangpa tung panin galmatte kilakhia dinga, a lungngolpa tung panin kisutkhia taktak ding hi; nang hong langbawlte ka langbawl dinga, na tate ka honkhia ding hi.

Isaiah 51:17

Khanglo in, khanglo in! Jerusalem aw, tho in, nang in ama thangpaihna ahi - mite a amsak hai a tawdat dongin TOPA khut panin na dawna na kham khin hi.

Isaiah 53:5

Ahi hangin eite tatsiatna hangin amah kisunlet a, i tatkhialh nate hangin amah kisatnim hi; eite in lungnopna i ngah nadingin amah in dan thuaka, ama liammate hangin eite i dam hi.

Isaiah 53:6

Eite khempeuh tuu bangin lam i pial khin a, eima utna ciatah i pial hi; TOPA in eite khempeuh mawhna ama tungah a suan hi.

Isaiah 54:15

Khatpeuh in nang hong sim leh, kei sep ahi kei ding hi; nang hong sim peuhpeuh nang tungah hong kipumpiak ding uh hi.

Isaiah 54:17

Nang do nadingin hiam a seek peuhmah mavang lo dinga, nang hong mawhsak leii peuhmah na zothal ding hi. Hih in TOPA nasemte luah hi dinga, hih in kei pana amau luah thumaanna hi ding hi," TOPA in cikhia hi.

Isaiah 55:7

Tatsiapa a gamtat nusiasak unla, a gilopa a lungsim kheelsak un; TOPA lamah kiheisak le uh cin amah in lainat dinga, eite Pasian lamah na kiheisak uh leh amah in a mawhna maisak pha mahmah ding hi.

Isaiah 6:7

Tua-in ka kam hong bi a, "En in, hih in na muk bi khin hi; na khialhna kilakhia khin a, na mawhna kikhuhcip zo hi," hong ci hi.

Isaiah 61:7

Ka mite in amau maizumna tangin a zahnih tang ding uh a, amaute mindaina tangin amau luahna nuam a sa ding uh hi; tua ciangin amau gamah a zah nih luah ding uh a, tawntung nopsakna amau aa hi ta ding hi.

Isaiah 66:13

Nu khatin a ta a hehnep bangin, nang kong hehnem dinga; Jerusalem tungtang thu ah nang hong kihehnem ding hi," a ci hi.

Jeremiah 16:18

Amaute gitlohna le a mawhna uh a zah nihin ka thuk ding hi, bang hang hiam cih leh amaute in nuntakna nei lo, a zumhuai milim bawltawmin ka gamsung ninsak uh a, a kihhuai a milimte uh tawh ka gouluahna mun teng a dim khin uh hi," hong ci hi.

Jeremiah 17:18

Kei hong bawlsiate maizumsak inla, ahi hangin kei hong maizumsak kei in; amaute lausak inla, kei hong lausak kei in; amaute tungah siatna ni tungsak inla, siatna athuapthuapin tungsak in.

Jeremiah 29:11

Ahang in, note adingin ka geelnate ka thei hi, "TOPA in cikhia a, "Na nat nading uh hi loin na nopsak nading uh geelnate, note ading lemetna le mailam hun hoih piak ding geelnate ahi hi.

Jeremiah 51:10

"‘ TOPA in eite hong diksak khin hi; pai un, TOPA eite Pasian sepsa, Zion ah va gen ni,’ ci uh hi.

Tamlawhna 4:22

Zion Tanu aw, na dan thuakna beita ding hi. Amah in nang salin hong kikaisak nawn kei ding hi. Ahi hangin Edom Tanu aw, na mawhna dan hong pia dinga, na gitlohnate a pholak ding hi.

Ezekiel 16:42

Tua ciangin nang tunga ka thangpaihna damta dinga, haza a ka hehluatna a kam ta ding hi; ka dai dide dinga ka heh nawn kei ding hi.

Daniel 11:35

A pil pawlkhatte a bei hun dong kawk bang lo-a a om nadingun kisiansuahin kisiangthosak dinga, amaute a muktu ding uh hi, tua hun pen a kiciangtan hun a tun mateng hi ding hi.

Daniel 12:4

Ahi hangin nang Daniel aw, a beina hun mateng laizial-a thute khakcip inla a tungah ciamteh in. Pilna behlap dingin mi tampi a suktai a totai ding uh hi," hong ci hi.

Daniel 12:9

Amah in, "Daniel aw, pai ta in, bang hang hiam cih leh a beina hun mateng kikhakcipin kiciamteh hi.

Daniel 9:12

A kigensate na tangtunsakna-in kote le ka gam-ukte uh tungah siatna lianpi na tungsak zo hi. Jerusalem tungah a tungsa thu bangin vantung buppi nuai-ah khatvei beek a tung ngei nai kei hi.

Daniel 9:2

kumpi a suah zawh a kum masapen kumin, keimah Daniel in, Laisiangtho sunga TOPA in kamsangpa Jeremiah tunga a piak, Jerusalem a siatmang nading kum sawm sagih a sawt ding hi, a cih tawh kizui thu ka telcian hi.

Hosea 2:14

"Tua ahi ciangin keimah in tu-in tuanu ka zol ding hi; sehnel-gam ah paipihin damtakin amah ka hopih ding hi.

Hosea 2:16

Tua ni ciangin keimah, ‘ka pasal nong ci dinga, ‘ka topa c nong ci nawn kei ding hi,’ TOPA in cikhia hi.

Habakkuk 2:3

Ahang in, hih kilaakna in a kisehsa hun a ngak hi; hun tawpna gen dinga a khial kei ding hi. A tunghak kha zongin ngak in; tua c pen tung pelmawh dinga a ziakai nawn kei ding hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Zechariah 1:13

Tua ciangin TOPA in kei tawh kiho vansawltak kam khum le hehnepna kam tawh a hopih hi.

Zechariah 1:15

ahi hangin a lungmuang minamte tungah ka heh mahmah hi. Ki-iip lai ka hi manin amaute in siatna a behlap uh hi,’ ci hi.

Zechariah 9:12

Lametna kiate aw, na kulh muanhuai uh zuan kik un; tu nangawnin a zahnih a nang kong piak ding ka genkhia hi.

Nasepte 1:7

Amah in amaute kiangah, "Pa in ama thuneihna tawh a seh ani ahi zongin ahun ahi zongin note theih ding hi lo hi.

Galatia-te 4:4

Ahi hangin a hun hong tun kim ciangin Pasian in a Tapa hong sawla, thukham nuai-ah numei sung panin hong suak hi.

Kilaakna 18:6

Ama piaksa bangin amah pia kik un; ama hihsa zah nih amah pia kik un. Ama hai pan mah in a zah nih leihbeh un.