Isaiah 4:3 - Zokam International Version

³ Jerusalem ah a teng laite khempeuh lakah Zion-a a kinusiate le Jerusalem a, a omlaite a siangtho-in kiciamteh ding hi.

LAISIENGTHOU CL Bible (BSI)

³ Tualeh hichi ahing hidinga, Zion a kinua sie sunte leh Jerusalem a um sunte, mi siengthou chia min law ahi ding uhi.

Zo Bible

³ Zion khuo-a kinuasie mi poma le Jerusalem-a a omlai teng, Jerusalem ah khang tungtawn a om dingin a kiciemtesa mi zosie a siengtho kici ding a,

Isaiah 4:3 ပူးပေါင်းရင်းမြစ်များ

Phatna-late 69:28

Nuntakna laibu sung panin amaute kiphiatkhia henla a thumaante tawh kiciamteh khawm kei hen.

Phatna-late 87:6

TOPA in mihingte ciamtehna laibu sungah: "Hih pa Zion a suak ahi hi," ci-in a gelh ding hi.

Isaiah 1:27

Thutangin Zion kitankhia dinga, ama sunga kisikkik mite thumaanin kitankhia ding uh hi.

Isaiah 28:5

Tua ni ciangin Thahatpen TOPA, a baanglai a mite adingin minthanna lukhu, a melhoih pakkual hi ding hi.

Isaiah 35:8

Tua lai-ah lam lianpi om dinga, Sianthona lampi a kici ding hi. A sianglo mite in tua a tung tawn lo ding uh a; tua Lampi tawnte ading tua bang ahi ding hi; a tatsia mihaite in tua tung a tawn kei ding uh hi.

Isaiah 46:3

"No Jacob innkuante, hong kipaii a kipan kong don a, na suahua kipan kong puak no a omlai Israel innkuante khempeuh aw, ka thu ngai un.

Isaiah 52:1

Khanglo in, khanglo in, Zion aw, thahatna puanin silh in. Khuapi siangtho Jerusalem aw, na thupina puan silh in. Na sungah vunat lohte le a kihhuaite lut kik lo ding uh hi.

Isaiah 6:13

Tua gamah mi sawm-ah khat a omlai zongin a kisusia kik lai ding hi. Ahi hangin nahhi le tawsaw kungte a kiphuk khitin a bulsum a om niloh bangin tua gamah khaici siangtho bul om niloh ding hi," hong ci hi.

Isaiah 60:21

Tua ciangin na mite khempeuh thumaan ta ding uh a, amaute in tua gam a nei den ding uh hi. Ka thupina a kilat nadingin, amaute ka khuta ka sep ka suansa pana selte hi ding uh hi.

Isaiah 62:12

Amaute, Mi Siangtho, TOPA Tatsate kici dinga, nang, Zonkhiat, nusiat ngei nawn loh Khuapi, hong kici ding hi.

Ezekiel 13:9

Aman lo mangmu a, aman lo aisan kamsangte ka khutin a langpan hi. Thu kikum ka mite lakah amaute kihel lo ding uh a, Israel innkuante lakah a min uh kigual loin Israel gam sungah zong a lut kei ding uh hi. Tua ciangin keimah Thupipen TOPA kahilam na thei ding uh hi.

Ezekiel 43:12

"Biakinnpi tawh kisai thukham hih ahi hi: Mualtung a om huang kimkot khempeuh a siangthopen hi ding hi. Biakinnpi thukham hih bang ahi hi.

Joel 3:17

"Tua ciangin keimah TOPA note Pasian, ka mual siangtho Zion ah ka ten lam na thei ding uh hi. Jerusalem siangtho dinga gamdang mite in a zo kik ngei nawn kei ding uh hi.

Obadiah 1:17

Ahi hangin Zion Vum kihonkhia ding hi, tua pen kisiangthosakin Jacob innkuan in a gou teng luah ding hi.

Zechariah 14:2

Jerusalem do dingin minam khempeuh ka khawm ding hi; khuapi kila dinga, innte kilong gawpin numeite kibuan gawp ding hi. Khuapi alang salin kikai dinga, a om lai teng khuapi pan a kipaikhiatpih kei ding hi.

Malachi 3:16

Tua ciangin TOPA a kihtate khat le khat kihopih uh a, TOPA in ngai-in a za hi. Ama omna ah TOPA kihta a, a min a pahtawite tawh kisai phawk tawntungna laizial khat sungah kigelh hi.

Luke 10:20

Ahi zongin khate in na thu uh a manna hangin lungnuam kei unla vantungah na min uh a kigelhna hangin na lungnuam zaw un," ci-in a dawng hi.

Nasepte 13:48

Gentile-te in hih thu a zak uh ciangin lungdam mahmah in Topa thu pahtawi uh a, nuntak tawntungna ngah dinga kisehsate khempeuh in a um uh hi.

Rome-te 11:4

Tua ciangin ama tungah Pasian dawnna bang ahi hiam? "Keima ading Baal mai-ah a khukdin lo mi tul sagih ka siit khin zo hi," d

Rome-te 11:5

Tua hunmah bangin tuhun laitakin zong hehpihna hanga teelsa a baanglaite a om hi.

Ephesa-te 1:4

Ahang in, ama mitmuh c ah ‘siangtho-a pau i ban loh nadingin leitung piansak ma-in ama sungah eite hong teel zo hi.

Philippi-te 4:3

Hihi, ka hakkol puakpih muanhuai a aw, lungdamna-thu ka genna-a hong panpih hih numeite, Clement le ka naseppihte, nuntakna laibu sunga a min omte khempeuh na huh un.

Colosse-te 3:12

Tua ahi manin note, Pasian teelsa a siangtho le a ithuai mi na hi bangun no le no in, kikhuatuahna, migitna, kiniam khiatna lungnemna le thuakzawhna na silh un.

Hebrews 12:14

Mi khempeuh tawh kilemin nungta a, na siantho nadingun nakpi-in hanciam un; sianthona lo tawh kuamah in Topa a mu kei ding hi.

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.

Kilaakna 13:8

Leitung kipiansaka kipan a kigosa Tuuno nuntakna laibu sunga a min a kigelh lote khempeuh - leitunga a tengte khempeuh in tua gamsa bia ding uh hi. b

Kilaakna 17:8

Khat vei lai-a na muhsa tua gamsa, tu-in a om nawn kei hi. Kawhawmpi sung pan hong pusuakkhia-in ama kisiatna ah a pai ding hi. Lei kipiansak cila kipan, nuntakna laibu sunga a min kigelh nai lo leitunga teng mi khempeuh in, tua gamsa a muh uh ciangin, khat vei a om khin, tu-in om nawn lo napi hong pai ding ahi manin lamdang a sa mahmah ding uh hi.

Kilaakna 20:15

Nuntakna laibu sunga a min kigelh lo peuhmah meili sungah kipai hi.

Kilaakna 21:27

Tua sungah a siang lo bangmah lut thei lo dinga, a zumhuai, zuauphuakte khatpeuh zong a lut ngei kei ding hi; ahi hangin Tuuno nuntakna laibu sunga min kigelhsate bek a lut thei ding hi.

Kilaakna 3:5

A gualzopa in amaute tawh kibangin puanpak a silh ding hi. Nuntakna laibu panin a min ka phiat ngei kei dinga, ka Pa le ama vansawltakte mai-ah a min ka pulak zaw ding hi.