Isaiah 4:2 - Zokam International Version

² Tua ni ciangin TOPA Hiang melhoih in minthang dinga, leitung pana piang gahte, a suakta lai Israel-te kiphatsakpih le a minthanna uh ahi ding hi.

LAISIENGTHOU CL Bible (BSI)

² Tua ni chiengin Mangpa silbawl theina khu kilawmtah leh thupitah in a um dinga, agam gate zong Israel suohta um sunte a dingin, kiletsahpi leh kithupisah tham ching ahi ding hi.

Zo Bible

² Khum ni ciengin Topa’ bameng pen a melhoi-in minthang ding a, tuale leitang pana pieng gate pen a suohta lai Israel-te adingin a kisahtheipi ule a thupina uh hi ding hi.

Isaiah 4:2 ပူးပေါင်းရင်းမြစ်များ

Phatna-late 67:6

Tua ciangin leitang in an lak ding gah dinga, Pasian, eite Pasian in thupha hong pia ding hi.

Phatna-late 72:16

Gamsung khempeuh ah an tampi piang henla mualneute tungah kiling metmet hen. Lebanon bangin gahpha henla gam sunga lopa bangin khanpha uh hen.

Paikhiatna 28:2

Amah zahtak a baangsak ding le pahtawi nadingin na sanggampa Aaron puansilh siangthote bawlsakin.

Isaiah 11:4

ahi hangin a tasamte tungah thumaanin a thu uh khensakin leitung mizawngte adingin thutangin thu a khensak ding hi. A kama cianggolh-in leitung sat dinga; a muk pana husanin migilote a that ding hi.

Isaiah 26:1

Tua ni ciangin Judah gamah hi la a kisa ding hi: Khuapi muanhuai khat i nei hi; Pasian in kulhte le a kanhte dingin hotkhiatna a bawl hi.

Isaiah 27:6

Hong tung ding tua ni ciangin Jacob in zungkha dinga, Israel selkhia-in pak dinga, leitung khempeuh ah a gah a dim ding hi.

Isaiah 30:23

Lei sunga na vawhsa khaici adingin guah zong hong zusak dinga, gam sunga an piangte gahpha in a tam mahmah ding hi. Tua ni ciangin na ganhonte uh lonona zapi ah a gamta ding uh hi.

Isaiah 45:8

"Tunglam a vante aw, thumaanna zusak un; meiite buaksuksak un. Leitung zapi-in kihong henla, hotkhiatna phultosakin thumaanna tawh pokhawm hen; keimah TOPA in ka piansak ahi hi.

Isaiah 53:2

A laingek mengkhia bangin a mai-ah amah khangto a, lei keuna-a a bulsel mengkhia bang ahi hi. Eite iplah dingin melhoihna ahikeh thupina nei lo a, amah i deih nadingin kilawmna peuhmah a langkhia kei hi.

Isaiah 60:15

"Hong kimudahin hong kinusia a, kuamah in khualzinna-in hong tot loh hangin a kisathei den le khang tawntunga nuamsa-in kong bawl ding hi.

Isaiah 60:21

Tua ciangin na mite khempeuh thumaan ta ding uh a, amaute in tua gam a nei den ding uh hi. Ka thupina a kilat nadingin, amaute ka khuta ka sep ka suansa pana selte hi ding uh hi.

Isaiah 61:11

Ahang in, lei hoih in mengkhiasakin, huan in khaici a posak bangin Thupipen TOPA in minam khempeuh mai-ah thumaanna le phatna a phulkhiasak ding hi.

Jeremiah 23:5

TOPA in: "David a panin pilna tawh ukin gam sungah thumaan thutangin na a sem ding kumpi ahi thumaan Hiang khat ka khankhiatsak hun hong tung ding hi.

Jeremiah 33:15

"‘Tua ni, tua hun ciangin David gui pan a thumaan Hiang khat ka selkhiasak dinga, amah in thumaan thutangin na a sem ding hi.

Jeremiah 44:14

Egypt ah teng dingin a paisa Judah mi a baanglaite ahi a, Judah gamah ciah kikin teng nuam napi a ciah kik thei nawn lote ahi zongin khat beek a suakta kei ding uh a; a gal tai tawmkha lobuang kuamah a ciah kik kei ding uh hi," a ci hi.

Jeremiah 44:28

Namsau panin suakta a Egypt pan Judah ah a ciah kik tawm mahmah ding hi. Tua ciangin Egypt ah teng dinga a pai a baanglai Judah-te in amau cih le kei cih koi kipzaw hiam cih a thei ding uh hi.

Ezekiel 34:29

Amaute an pianna a minthang gam khat ka pia dinga a gam-uah kialpi tung nawn lo dinga minamte in zong a simmawh nawn kei ding uh hi.

Ezekiel 36:8

"’Ahi hangin no Israel mualliante aw, na hiangte uh zaamin ka mi Israel-te adingin gah na gah ding uh hi, ahang in, amaute inn ah hong ciah baih ta ding uh hi.

Ezekiel 7:16

A suakta a omlai sunte khempeuh amau mawhna hangin mual kawmah om ding uh a, mual kuama kawlvakhute bangin a thum ciat ding uh hi.

Joel 2:32

Ahi hangin TOPA min a lo khempeuh kihonkhia ding hi; ahang in, TOPA gensa bangin Zion Vum le Jerusalem a, a nungta lai sunte lakah TOPA sap mite kihonkhia ding hi.

Joel 3:18

Tua ni ciangin mualliante pan lenggahzu thak taak dinga, mualneute ah bawngnawi luang ding hi. Judah gam sunga hawkguam khempeuh ah tui a luang ding hi. TOPA inn panin ciktui khat luangkhia dinga acacias a kuam a kawtsak ding hi.

Obadiah 1:17

Ahi hangin Zion Vum kihonkhia ding hi, tua pen kisiangthosakin Jacob innkuan in a gou teng luah ding hi.

Zechariah 3:8

"‘Tulpi Joshua aw, ngai in, na mai-a na tutkhawmpihte hong tung ding nate theihsakna lim ahi hi. Keimah in ka nasempa, a Hiang kong puak ding hi.

Zechariah 6:12

Ama tungah hih Thahatpen TOPA thugen va gen in: "Hih lai-ah a min Hiang a kici mipa om a, amah in ama mun pan mengkhia-in TOPA biakinnpi a lam ding hi.

Zechariah 9:17

Amaute melhoihin iplah huai si uncia! Anlim in tangvalnote khanphasakin, zuthak in numeinote a khanphasak hi.

Malachi 3:17

"Ka neih ding goute ka bawl hun ciangin a amaute kei aa ahi ding uh hi," Thahatpen TOPA in ci hi. "Mi khat in ama na a sem a tapa a khuatuah bang tektekin kei zong ka hawi ding hi.

Matthew 24:22

Tua nite kitomsak lo hileh kuamah a suakta zo kei ding hi. Ahi hangin a kiteel mite cihna-in tua nite kitomsak ding hi.

Luke 21:36

Note na kigalging gige un. Thupiang dingte khempeuh pana na suahtak nading uh le Mihing Tapa mai-a na din theih nadingun thu na ngen un," a ci hi.

John 1:14

Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d neihsun minthanna i mu khin hi.

2 Corinth-te 4:6

Ahang in, "Khuamial lak panin khuavak tang hen," b a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.

2 Peter 1:16

Note tungah i Topa Jesu Christ vangliatna le hong pai kik nading thu kong hilh lai-un, piltaka kiphuak tawm tangthute peuh zui hi loin ama thupina mita a mute ka hi zaw uh hi.