Isaiah 26:4 - Zokam International Version

⁴ A tawntungin TOPA muangun, ahang in TOPA, tua TOPA tawntung Suangpi ahi hi.

LAISIENGTHOU CL Bible (BSI)

⁴ Mangpa khu kumtawn in muongun; aziehpen Jehovah ah tangtawn hatna a um hi.

Zo Bible

⁴ A tawntungin Topa muong un; azieh pen nangma in Topa Pasien sungah kumtawn suongpi khat na nei hi.

Isaiah 26:4 ပူးပေါင်းရင်းမြစ်များ

2 Khangthute 20:20

Amaute zingsang tungin Tekoa Sehnel-gam zuanin a pai uh hi. A kuankhiat laitakun Jehoshaphat dingin, "Judah le Jerusalem a mite aw, ka thugen na ngai un! TOPA note Pasian muang un, na dingkip ding uh hi; ama kamsangte muang un, na gualzo ding uh hi," a ci hi.

2 Khangthute 32:8

Amah a ompih ci-le-sa galhiam hi beka ei hong ompih ahileh eite hong huh i galte hong dosak ding TOPA eite Pasian ahi hi," ci-in thu a gen hi. Tuateh Judah kumpipa Hezekiah gennasa panin mite a lungmuang uh hi.

Job 9:19

Thatang hat thu hileh amah hat mahmah hi! Thutan zawhthu hileh kua in amah a sam zo ding hiam?

Phatna-late 125:1

TOPA a muangte, a kiling zolo a kip tawntung Zion Vum tawh kibang hi.

Phatna-late 18:2

TOPA in ka suangpi hi-a, ka kulhpi le kei hong hukhiapa ahi hi; ka Pasian ka suangpi hi-a, ka belhpa ahi hi. Amah ka lum le ka hotkhiatna ki a, ka kulh muanhuai ahi hi.

Phatna-late 46:1

Pasian in eite belh le i thahatna hi-a, lungkhamhunin hong huhpah lianlian hi.

Phatna-late 55:22

TOPA tungah na lungsim vangik teng suan in, aman hong puakpih ding hi; amah in thumaante puksak ngei lo ding hi.

Phatna-late 62:11

Pasian in na khat gen a, na nih ka za hi: Pasian aw, tua in nang hatna hi-a,

Phatna-late 62:8

Mite aw, hunte khempeuh ah amah muang un; Eite belhna Pasian ahi manin na lungsimte uh ama tungah sung un.

Phatna-late 62:9

A dinmun niam mite husan khat bek hi a, dinmun sangte lah zuaupi hi lel hi; tehna-in kiteh leh amaute bangmah hi lo uh a; amaute husan khat bek hikhawm uh hi.

Phatna-late 66:7

Amah in a vangliatna tawh uk tawntung a, a mit in minamte a vil gige hi - amah langdo dingin kuamah ding kei hen.

Phatna-late 93:1

TOPA in uk a, thupina-in kituam hi; TOPA thupina-in kituam a, hatna in a kituam hi. Leitung buppi kiptakin kiphut kip a, a kiling thei kei ding hi.

Isaiah 12:2

Pasian lah ka hotkhiatna hi taktak a; amah muangin ka kihta kei ding hi. TOPA, TOPA ka thahatna le ka la ahi hi; amah ka hotkhiatna suak ta hi," na ci ding uh hi.

Isaiah 17:10

Na Honpa Pasian na mangngilh khin hi; na kulh muanhuai Suangpi na phawkkha kei hi. Tua ahi ciangin singno a hoih pen suanin gamdang lenggui na suan zongin,

Isaiah 30:29

Tuateh note in pawi siangtho na bawl ni zan bangun la na sa ding uh hi; Israel Suangpi, TOPA mual tungah tamngai tumsa-in na pai uh bangin na lungnuam ding uh hi.

Isaiah 32:2

Amaute huih pana kidalna, huihpi pana bukna bangin, sehnel-gam luitui bang le keugaw gama suangpi liim a bang ding uh hi.

Isaiah 44:8

Ling kei un, kihta kei un. Hih thu sawtpi-in genkhol khin hi lo ka hi hiam? Note ka teci na hi uh hi. Kei lo Pasian dang om ahi hiam? Om lo hi, Suangpi dang a om kei hi; khat beek ka thei kei hi,"

Isaiah 45:17

Ahi hangin TOPA in tawntung hotkhiatna-in Israel a honkhia ding hi; khang tawntungin note hong kimaizumsak, hong kizahlaksak nawn kei ding hi.

Isaiah 45:24

Amaute in, ‘TOPA sung bekah thumaanna le thahatna om hi’ hong ci ding uh hi," a ci hi. Ama langa a heh khempeuh ama kiangah pai ding uh a, a kimaizumsak ding hi. Isa 41:11

Isaiah 50:10

TOPA kihta-a a nasempa thumang no lakah kua ahi hiam? Khuamial sunga lam pai, khuavak nei lo mi in TOPA min muang henla, ama Pasian tungah kinga hen.

Isaiah 51:5

Ka thumaanna hong kinawh mahmahin ka hotkhiatna hong pai laitak hi a, ka khut in minamte tungah thutang a puak ding hi. Tuikulhte in kei hong en ding uh a, ka khut sep ding lamenin a ngak ding uh hi.

Isaiah 63:1

Edom-a Bozrah pan hong pai a puan kheisan-a kidiahpa kua ahi hiam? Thupina puanin silh a alian mahmah hatna tawh mai nawtpa kua ahi hiam? "A hon zo dinga thahat, thumaan genpa keimah ka hi hi,"

Daniel 3:17

Pummei kuanglai sungah hong kikhul leh tua panin a na ka sep uh Pasian in kote hong honkhia zo dinga nang khut panin hong hukhia ding hi, kumpipa aw.

Daniel 3:28

Tua ciangin Nebuchadnezzar in, "Shadrach, Meshach le Abednego-te’ Pasian, a vansawltak sawl-a, a nasemte a hukhiapa kiphat ta hen! Amaute in amah muang uh a, kumpipa thupiak nialin amau Pasian longal Pasian dangte na sep ding le biak ding sangin singam zaw uh hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Matthew 6:13

Zia-etna sungah hong pi kenla, gilopa panin hong hukhia in.’ e ci un.

Thupiakkikna 32:15

Jeshurun d hong thau ta in hong lehpeek ta a, an hau in, gik lihliahin a mam pingpeng hi. Amah a bawlpa Pasian nusia-in, ama Honpa Suangpi a nial hi.

Thupiakkikna 32:4

Amah Suangpi hi a, a nasepte kicingin a lampi khempeuh thutang ahi hi. A muanhuai, a khial lo Pasian, thudikin thutang hi.

Thupiakkikna 33:27

Tawntung Pasian nangma bukna hi a, ama tawntung bante nuai-ah a om hi. Amah in na mai panin na galte hawlkhia dinga, ‘Amah susia un!’ ci ding hi.

Philippi-te 4:13

Kei thahatna hong pia pa tungtawnin na khempeuh ka hih thei hi.

1 Samuel 2:2

"TOPA banga siangtho e kuamah om lo a, nang lo kuamah a om kei hi; eite Pasian bang Suangpi, kuamah a om kei hi.